மன உறுதியோடு செயல்பட்டு மற்றவர்களை ஆச்சரியப்பட வைக்கும் மேஷ ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியைக் குருபகவான் பார்க்கிறார். அவரோடு தன சப்தமாதிபதியான சுக்ரனும், சுகாதிபதியான சந்திரனும் கூடியிருக்கிறார்கள். எனவே சுகங்களும், சந்தோஷங் களும் அதிகரிக்கும். சொன்ன சொல்லைக் காப்பாற்றுவீர்கள். தகராறு செய்தவர்கள் தானாக விலகுவர். பகல்- இரவு பாராமல் பாடுபட்டதற்கேற்ற பலன்கள் இப்பொழுது கிடைக்கும்.

உங்கள் ராசிநாதன் செவ்வாய் 6-ம் இடத்தில் சஞ்சரிக்கிறார். அவர் 8-ம் இடத்திற்கும் அதிபதியாக விளங்குபவர். அஷ்டமாதிபதி 6-ல் சஞ்சரிக்கும் இந்த நேரத்தில் சில எதிர்பாராத நல்ல தகவல்கள் வந்து சேரும். இடம், பூமி வாங்குவதில் இருந்த பிரச்சினைகள் அகலும். கடன் சுமை அளவிற்கு அதிகமாக இருக்கிறதே என்று கவலைப்பட்டவர்கள், இப்பொழுது மகிழ்ச்சியடையும் விதத்தில் ஒரு தொகை கிடைக்கும்.

அஷ்டமத்துச் சனியின் ஆதிக்கம் இருந்தாலும், அது விலகுவதற்கான நேரமிது. சனி விலகுவதற்கு 2 மாதங் களுக்கு முன்னதாகவே நற்பலன்களைக் கொடுப்பார் என்பது நம்பிக்கை. அந்த அடிப்படையில் பார்க்கும் பொழுது, நல்ல நேரம் தொடங்கி விட்டது என்றுதான் சொல்ல வேண்டும். வழக்குகள் சாதகமாக முடியும். வருமானம் திருப்திகரமாக இருக்கும். வியாபாரத்தில் இருந்த போட்டிகள் அகலும். ஒவ்வொரு காரியத்திலும் யோசித்து செயல்பட்ட நீங்கள், இனித் துணிந்து செயல்பட்டு காரியங்களை சாதித்துக் கொள்வீர்கள்.

மந்தன் செய்வதைப் போல மகேஸ்வரன் கூடச் செய்யமாட்டான் என்று பழமொழியைச் சொல்லி வைத்தார்கள். மந்தன் என்று சனிபகவானை அழைப்பது வழக்கம். சனியை விலகும் சமயத்தில் வழிபட்டால் எந்த நாளையும் இனிய நாளாக அமைத்துக் கொடுப்பார் என்பது நம்பிக்கை. எனவே திருநள்ளாறு, திருக்கொள்ளிக்காடு, பெரிச்சிக் கோவில், குச்சானூர், நல்லிப்பட்டி, திருக் கொடியலூர் போன்ற சிறப்பு தலங்களுக்கு, உங்கள் ஜாதக அடிப்படையில் யோகபலம் பெற்ற நாளில் சென்று வழிபட்டு வரலாம்.

பார்க்கும் குருவையும் பலப்படுத்துவது நல்லது. வியாழக்கிழமை தோறும் விரதமிருந்து குருபகவான் வழிபாட்டையும் மேற்கொள்ளுங்கள். திருக்கார்த்திகைத் திரு நாளில் கந்தப்பெருமான் சன்னிதியில் கவசம் பாடி வழிபட்டால் நினைத்த காரியம் நிறைவேறும்.

விருச்சிக சுக்ரனின் சஞ்சாரம்

சுக்ரன் உங்கள் ராசிக்கு 2,7 ஆகிய இடங்களுக்கு அதிபதியாவார். தன, சப்தமாதிபதியாக விளங்கும் சுக்ரன், மாதத் தொடக்கத்தில் பணப்புழக்கத்தை அதிகரிக்க வைத்திருப்பார். அதே நேரத்தில் நவம்பர் 28-ந் தேதி விருச்சிக ராசிக்குச் செல்கின்றார். 8-ல் சுக்ரன் மறையும் பொழுது, சுபவிரயங்கள் அதிகரிக்கும். குடும்பத்தில் மங்கல ஓசை கேட்கவில்லையே என்ற கவலை அகலும். பெண் பிள்ளைகளின் சுபச்சடங்குகள், பெற்றோர்களின் மணி விழாக்களை நடத்தி மகிழும் வாய்ப்பு ஒரு சிலருக்கு ஏற்படும். டிசம்பர் 10-ந் தேதி சுக்ரன் வலிமையிழக்கும் பொழுது, மாதக் கடைசியில் பற்றாக்குறை பட்ஜெட் உருவாகலாம். எனவே திட்டமிட்டுச் செலவு செய்வது நல்லது.

செவ்வாய் பெயர்ச்சி காலம்

டிசம்பர் 2-ந் தேதி துலாம் ராசிக்குச் செவ்வாய் செல் கிறார். ராசிநாதன் சப்தம ஸ்தானத்திற்கு செல்லும் பொழுது, நன்மைகளை அதிகம் செய்வார். உடன் பிறப்புகள் உங்கள் குணமறிந்து நடந்து கொள்வர். வீடு கட்டிக்குடியேற வேண்டுமென்று நினைத்தவர்களுக்கு, நல்ல வாய்ப்புகள் இப்பொழுது வரப்போகின்றது. சொத்துகளால் ஏற்பட்ட பிரச்சினைகள் அகலும். தொழில் வளர்ச்சி சிறப்பாக இருக்கும்.

புதனின் வக்ர காலம்

நவம்பர் 25-ந் தேதி முதல் டிசம்பர் 12-ந் தேதி வரை, விருச்சிக ராசிக்குள் இருக்கும் புதன் வக்ரம் பெறுகிறார். 3,6-க்கு அதிபதி வக்ரம் பெறும்பொழுது, உத்தியோகத்தில் உயர்வு கிடைக்கும். விலகிச் சென்ற உடன்பிறப்புகள் விரும்பி வந்து சேருவர். பொதுநலத்தில் இருப்பவர் களுக்கு புதிய பொறுப்புகள் கிடைக்கும். வீண் பழிகள் அகலும்.

இம்மாதம் வியாழக்கிழமை தோறும் குரு வழிபாட்டை மேற்கொள்வது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 21,22,27,28 டிசம்பர்: 3,4,7,8

மகிழ்ச்சி தரும் வண்ணம்:- மஞ்சள்.

மங்கையர்களுக்கான பலன்கள்!

மாதத் தொடக்கத்தில் மகிழ்ச்சிக்குரிய சம்பவங்கள் நிறைய நடைபெறும். சுபகாரியப் பேச்சு கள் நல்ல முடிவிற்கு வரும். பயணங்களால் பலன் கிடைக்கும். கணவன்-மனைவிக்குள் ஒற்றுமை பலப்படும். ஒருவரை ஒருவர் புரிந்து கொண்டு செயல்படத் தொடங்குவீர்கள். ஆடை, ஆபரணங்கள் வாங்குவதில் ஆர்வம் காட்டுவீர்கள். உடன்பிறந்தவர்கள் உங்கள் குரலுக்கு செவிசாய்ப்பர். பிள்ளைகளின் எதிர்கால நலன் கருதி எடுத்த முயற்சிகளில் வெற்றி கிடைக்கும். சுக்ரன் பலமிழக்கும் நேரத்திலும், புதனின் வக்ர காலத்திலும் பற்றாக்குறை ஏற்படலாம். தாய்வழி ஆதரவு உண்டு. பணிபுரியும் பெண்களுக்கு பதவி உயர்வு கிடைக்கும். மேலும் அலுவலகத்தில் கேட்ட உதவிகளும், எதிர்பார்த்த சலுகைகளும் கிடைக்கலாம். முருகப்பெருமான் வழிபாடு முன்னேற்றத்திற்கு வித்திடும்.

எதையும் வெளிப்படையாகப் பேசி முடிவெடுக்கும் ரிஷப ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் 6-ம் இடத்தில் சஞ்சரிக்கிறார். அவரோடு அஷ்டம லாபாதிபதியான குருவும் இணைந் திருக்கிறார். அஷ்டமாதிபதி 6-ல் சஞ்சரிக்கும் பொழுது விபரீத ராஜயோகம் செயல்படும். எனவே திடீர் மாற்றங்கள் பலவும் இம்மாதத்தில் நடக்கலாம். செய்யும் தொழிலில் உயர்வு, செயல்பாட்டில் வெற்றி போன்றவை ஏற்படும். வேலைக்காக விண்ணப்பித்து பல மாதங்களாக காத்திருந்தவர்களுக்கு, எதிர்பார்த்த வேலை அமையும். நேர் முகத் தேர்விற்கு அழைப்புகள் வந்து சேரும். வருமானம் வருவதற்கான வழியைக் கண்டு கொள்வீர்கள்.

சப்தம ஸ்தானத்தில் இருக்கும் சனிபகவான் சூரியனோடும், புதனோடும் இணைந்து சஞ்சரிக்கிறார். புத-ஆதித்ய யோகம் செயல்பட்டாலும், சூரிய, சனி சேர்க்கை அவ்வளவு நல்லதல்ல. பெற்றோர் வழியில் பிரச்சினைகள் உருவாகி மறையும். பங்காளிப் பகை வளராமல் பார்த்துக்கொள்ளுங்கள். சொத்துகளால் ஏற்பட்ட பிரச்சினைகளை, பெரியோர்களின் தொடர்புகளாலும், பஞ்சாயத்துகளாலும் தீர்த்துக் கொள்வது நல்லது.

சனி விலக ஆயத்தமாகும் நேரம் என்பதால், ஆரோக்கிய பாதிப்புகள் கொஞ்சம் குறைவாகவே இருக்கும். நோய்க்கான அறிகுறிகள் தெரியும் பொழுதே, மருத்துவ ஆலோசனைகளைப் பெறலாம். மாற்று மருத்துவம் உடல்நலத்தைச் சீராக்கும். குழந்தைகளின் கல்வி நலன் கருதியும், கல்யாண வாய்ப்புகள் கருதியும் நீங்கள் எடுத்த புது முயற்சிகள் கைகூடும். படித்து பட்டம் பெற்றவர்களுக்கு உத்தியோகம் சம்பந்தமாக எடுத்த முயற்சிகள் கை கூடும்.

பொதுவாக நந்தி வழிபாடு உங்களுக்கு அதிக நன்மைகளை வழங்கும் என்பதால், பிரதோஷ நேரத்தில் சிவாலயம் சென்று நந்தியம்பெருமானையும், உமாமகேஸ்வரரையும் வழிபாடு செய்யுங்கள். செவ்வாய் உங்கள் ராசிக்கு சப்தம விரயாதிபதி என்பதால், வாழ்க்கையில் வளர்ச்சி ஏற்பட, குடும்பத்தில் சந்தோஷம் நிலைக்க, செவ்வாய்க்குரிய தெய்வமாக விளங்கும் முருகப்பெருமானை, திருக்கார்த்திகைத் திருநாளில் வழிபாடு செய்யுங்கள்.

விருச்சிக சுக்ரனின் சஞ்சாரம்!

உங்கள் ராசிநாதன் சுக்ரன் நவம்பர் 28-ந் தேதி விருச்சிக ராசிக்குச் செல்கிறார். சப்தம ஸ்தானத்தில் சுக்ரன் சஞ்சரிக்கப் போவதால் குடும்பத்தினருடன் ஏற்பட்ட மனக் கசப்பு நீங்கும். கருத்து வேறுபாடுகள் அகலும். உற்சாகத்தோடு பணிபுரியத் தொடங்குவீர்கள். உயர்ந்த மனிதர் களின் சந்திப்பு கிடைக்கும். பணவரவு போதுமானதாக இருக்கும். பழுதான வாகனங்களை சரிசெய்ய வாய்ப்புகள் கைகூடி வரும். தங்கம், வெள்ளி போன்ற விலையுயர்ந்த பொருட்களையும், வீட்டிற்குத் தேவையான அத்தியாவசியப் பொருட்களையும் வாங்குவதில் ஆர்வம் காட்டுவீர்கள்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் செல் கிறார். உங்கள் ராசிக்கு 7,12 ஆகிய இடங்களுக்கு அதிபதியான செவ்வாய் 6-ம் இடத்தில் சஞ்சரிப்பது ஒரு வழிக்கு யோகம்தான். வாழ்க்கைத் துணை வழியே ஏற்பட்ட பிரச்சினைகள் அகலும். நமது சம்பாத்தியம் மட்டும் போதாது; வாழ்க்கைத் துணையும் சம்பாதித்தால் தான் மிதமிஞ்சிய பொருளாதாரம் கிடைக்கும் என்று நினைத்தவர்களின் விருப்பங்கள் ஈடேறப் போகிறது. உதிரி வருமானங்கள் பெருகும். உடன்பிறப்புகளின் இல்லங்களில் நடைபெறும் சுப நிகழ்வுகளை, முன்னின்று நடத்திப் பாராட்டுக்களைப் பெறுவீர்கள்.

புதனின் வக்ர காலம்!

நவம்பர் 25 முதல் டிசம்பர் 12 வரை விருச்சிக ராசியில் சஞ்சரிக்கும் புதன் வக்ரம் பெறுகிறார். தன பஞ்சமாதிபதியான புதன் வக்ரம் பெறுவது அவ்வளவு நல்லதல்ல. எனவே பொருளாதாரத்தில் பற்றாக்குறை ஏற்படலாம். சூரியபலம் நன்றாக இருப்பதால் கேட்ட இடத்தில் உதவிகள் கிடைக்கும். பிள்ளைகளை உங்கள் மேற்பார்வையில் வைத்துக் கொள்வது நல்லது.

இம்மாதம் சனிக்கிழமை தோறும் அனுமன் வழிபாட்டை மேற்கொள்ளுங்கள்.

பணத்தேவையைப் பூர்த்தி செய்யும் நாட்கள்:-

நவம்பர்: 25,26,29,30 டிசம்பர்: 5,6,9,10.

மகிழ்ச்சி தரும் வண்ணம்:- ஆனந்தா நீலம்.

மங்கையர்களுக்கான பலன்கள்!

மாதத் தொடக்கத்தில் ராசிநாதன் 6-ல் சஞ்சரிப்பதாலும், அவரோடு குரு இணைந்திருப்பதாலும் புதிய திருப்பங்கள் ஏற்படும். புகழ் மிக்கவர்கள், உங்களுக்கு வேலை வாய்ப்புகள் கைகூட வழிவகை செய்து கொடுப்பர். ஆரோக்கியத்தில் கொஞ்சம் அக்கறை காட்ட வேண்டிய சூழ்நிலை உருவாகும். கணவன்-மனைவிக்குள் விட்டுக் கொடுத்துச் செல்வது நல்லது. எதிர்பார்த்தபடியே சில நல்ல காரியங்கள் இல்லத்தில் நடைபெறும். பிள்ளைகள் வழியே வந்த பிரச்சினை தீரும். தாய்வழி ஆதரவு உண்டு. டிசம்பர் 10-ந் தேதிக்கு மேல் எதிர்பாராத விரயங்களை சந்திக்க நேரிடும். ஒருசிலருக்கு வெளிநாடு செல்லும் அனுகூலம் உண்டு. சுப்ரமணியர் வழிபாடு சுகங்களையும், சந்தோஷங் களையும் வழங்கும்.

அன்பிற்கு மட்டுமே அடிபணியும் மிதுன ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன் 6-ம் இடத்தில் சகாய ஸ்தானத்திற்கு அதிபதி சூரியனுடன் சஞ்சரிக்கிறார். அதுமட்டுமல்ல குருவின் பரிபூரண பார்வையும் உங்கள் ராசியில் பதிகின்றது. எனவே தொட்டது துலங்கும். தொழில் முயற்சியில் வெற்றி கிடைக்கும். பட்ட கஷ்டங்கள் தீர்ந்தது என்று பலரிடம் சொல்லி மகிழ்வீர்கள். தொழிலை விரிவாக்கம் செய்யும் முயற்சியில் ஆர்வம் காட்டுவீர்கள். தொகை வரவு திருப்திகரமாக இருக்கும்.

மங்கல ஓசை, மனையில் கேட்பதற்கான வாய்ப்புகள் கைகூடும். வாசல் வரை வந்து திரும்பிய வரன்கள் கூட மீண்டும் வரலாம். வியாபாரப் போட்டிகள் விலகும். வீடு வாங்கிக் குடியேற வேண்டும் என்ற சிலரது எண்ணம் கைகூடும் நேரம் இது. உறவினர்களுடன் ஏற்பட்ட மனக் கசப்புகள் அகலும். குருப்பெயர்ச்சியாகியும் குழப்பங்கள் அகலவில்லையே, செய்தொழிலில் முன்னேற்றம் ஏற்படவில்லையே என்று கவலைப்பட்டவர்களுக்கு, இப்பொழுது எல்லாம் நல்ல விதத்தில் முடியும்.

உத்தியோகத்தில் உள்ளவர்களுக்கு உயர்நிலையை அடைய சந்தர்ப்பங்கள் எப்பொழுது வரும் என்று காத்திருந்தவர்களுக்கு இப்பொழுது வெளிநாட்டு தொடர் புடைய நிறுவனங்களில் இருந்து அழைப்புகள் வரப்போகிறது.

2-ல் ராகு, 8-ல் கேது சஞ்சரிப்பதால் சர்ப்பக் கிரகத்தின் ஆதிக்கம் மேலோங்கி இருக்கிறது. திரண்ட செல்வத்தைக் கொடுக்கும் 2-ம் இடத்து ராகு என்பது ஜோதிட மொழி. எனவே தொழில் வளர்ச்சியும், வரும் லாபமும் கூடுதலாகவே இருக்கும். குடும்பத்தில் மற்ற உறுப்பினர்கள் மூலம் வருமானங்கள் வந்து சேரும். அதே நேரத்தில் அஷ்டமத்து கேதுவின் ஆதிக்கம் இருப்பதால் திடீர், திடீரென விரயங்களும் உருவாகலாம். வீண் விரயங்கள் ஏற்படாமல் இருக்க சுப விரயங்களை மேற்கொள்வது நல்லது.

மேலும் நாக சாந்திப் பரிகாரங்களை யோகபலம் பெற்ற நாளில், உங்களுக்கு அனுகூலம் தரும் தலங்களைத் தேர்ந்தெடுத்து செய்து வருவது நல்லது. இம்மாதம் திருக்கார்த்திகை வருகிறது. அதற்கு முதல்நாள் பரணிதீபம் ஏற்றுவது வழக்கம். அன்றைய தினம் முருகப்பெருமானை வழிபடுவதன் மூலம் நன்மைகளை அதிகம் வரவழைத்துக் கொள்ளலாம்.

விருச்சிக சுக்ரனின் சஞ்சாரம்

நவம்பர் 28-ந் தேதி விருச்சிக ராசிக்குச் சுக்ரன் செல்கிறார். உங்கள் ராசிக்கு 5,12 ஆகிய இடங்களுக்கு அதிபதியானவர் சுக்ரன். பஞ்சம விரயாதிபதியான சுக்ரன் சப்தம ஸ்தானத்தில் சஞ்சரிக்கும் பொழுது, குடும்பத்தில் சுப நிகழ்ச்சிகள் அதிகம் உருவாகும். பூர்வீகச் சொத்துகள் சம்பந்தமாக எடுத்த முயற்சி கைகூடும். பத்திரப் பதிவில் இருந்த தடைகள் அகலும். சமூகத்தில் மதிப்பு, மரியாதை உயரும். அரசியல் ஈடுபாடு கொண்டவர் களுக்கு மேலிடத்து ஆதரவுடன், புதிய பொறுப்புகள் கிடைக்கும்.

செவ்வாய் பெயர்ச்சிக் காலம்

உங்கள் ராசிக்கு 6,11 ஆகிய இடங்களுக்கு அதிபதியானவர் செவ்வாய். அவர் டிசம்பர் 2-ந் தேதி துலாம் ராசிக்கு செல்கிறார். அங்குள்ள குருவுடன் செவ்வாய் சேருவதால், குரு – மங்கல யோகம் உருவாகிறது. பிள்ளைகளின் கல்யாண சீர்வரிசை பொருட்கள் மற்றும் ஆடை, ஆபரணங்கள் வாங்கும் வாய்ப்பு உருவாகும். நல்ல தகவல்கள் இல்லம் தேடிவரும். நாகரிகப் பொருட்கள் வாங்குவதில் ஆர்வம் காட்டுவீர்கள். சம்பள உயர்வு பற்றிய சந்தோஷத் தகவல் வந்து சேரும். தொழிலில் புதிய பங்குதாரர்கள் வந்திணைந்து பொருளாதார நிலை உயர வழிவகை செய்து கொடுப்பர். கடன் சுமை குறையும். வீடு கட்டிக் குடியேறும் எண்ணம் நிறைவேறும்.

புதனின் வக்ர காலம்!

உங்கள் ராசிநாதன் புதன், 4-ம் இடத்திற்கு அதிபதியானவர். அவர் வக்ரம் பெறுவது அவ்வளவு நல்லதல்ல. நவம்பர் 25-ந் தேதி முதல் டிசம்பர் 12-ந் தேதி வரை வக்ர இயக்கத்தில் புதன் இருக்கப்போவதால், செயல்பாடுகளில் கூடுதல் கவனம் தேவை. ஆரோக்கியத் தொல்லை அதிகரிக்கும். அரைகுறையாக பல பணிகள் நிற்கும். வாகனப் பழுதுகளால் கவலை கொள்வீர்கள். வாய்ப்புகள் வாசல் தேடி வந்தும் அதை உபயோகப்படுத்திக் கொள்ள இயலாது.

இம்மாதம் கேது பிரீதியாக சனிக்கிழமை தோறும் விநாயகப் பெருமானை வழிபடுவது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 27,28, டிசம்பர்:1,2,7,8,11,12

மகிழ்ச்சி தரும் வண்ணம்: ஆரஞ்சு

மங்கையர்களுக்கான பலன்கள்!

சுபச்செலவுகள் அதிகரிக்கும் மாதம் இது. பொருளாதார நிலை உயரும். உடன் பிறந்தவர்கள் உங்கள் முன்னேற்றத்திற்கு வித்திடுவர். கணவன்-மனைவி உறவு பலப்படும். உதாசீனப்படுத்திய உறவினர்கள் ஓடி வந்து இணைவர். பிள்ளைகளால் உத்தியோகம் சம்பந்தமாக எடுத்த முயற்சிகளில் வெற்றி கிடைக்கும். கரைந்த சேமிப்புகளை ஈடுகட்டுவீர்கள். வங்கிகளில் எதிர்பார்த்தபடி சலுகைகள் கிடைக்கும். தாய்வழி ஆதரவு திருப்திகரமாக இருக்கும். உத்தியோகத்தில் உள்ள பெண்களுக்கு உயரதிகாரிகளுடன் ஏற்பட்ட பகை மாறும். பதவி உயர்வு கிடைப்பதற்கான பட்டியலில் உங்கள் பெயரும் இடம்பெறும். பெற்றோரின் மணி விழா, முத்து விழாக்களை நடத்தி மகிழும் வாய்ப்பு ஒருசிலருக்கு உண்டு. செந்தில்நாதன் வழிபாடு வந்த துயரங்களைத் தீர்க்கும்.

வெற்றிக் கனியை எட்டிப்பிடிக்கும் வரை முயற்சிக்கும் கடக ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சந்திரன் சுக ஸ்தானத்தில் குருவோடு இணைந்து குரு- சந்திர யோகத்தை உருவாக்குகிறார். தனாதிபதி சூரியன் சகாய, விரயாதிபதி புதனுடன் கூடி 5-ம் இடத்தில் சஞ்சரிக்கிறார். எனவே பொருளாதாரப் பற்றாக்குறை அகலும். புதிய பாதை புலப்படும். வருங்கால நலன் கருதி நீங்கள் எடுத்த முயற்சிகள் கைகூடுவதற்கான வாய்ப்புகள் உருவாகும்.

குரு பார்வை 8,10,12 ஆகிய 3 இடங்களில் பதிகின்றது. எனவே சென்ற மாதத்தில் ஏற்பட்ட இழப்புகளை ஈடுசெய்யும் வாய்ப்புகள் வந்து சேரும். பயணங்களால் வளர்ச்சி உண்டு. இடமாற்றம், வீடுமாற்றம் எதிர்பார்த்தபடி அமையும்.

மாற்றுக் கருத்துடையோர் மனம் மாறுவர். மதிப்பும், மரியாதையும் உயரும். கூட்டாளிகளில் ஒருசிலர் உங்களை விட்டு விலகினாலும், புதிய கூட்டாளிகள் வந்திணைந்து பொருளாதாரத்தைப் பெருக்கிக் கொடுக்க முன்வருவர். ஜென்மத்தில் ராகு இருப்பதால் சர்ப்பக் கிரகத்தின் ஆதிக்கம் பலமாக உள்ளது. எனவே கனவிலும், நனவிலும் நாகதரிசனம் வந்து செல்லும். அதற்காகப் பயப்பட வேண்டியதில்லை. ராகு-கேதுக்கள் லக்னத்தில் இருக்கும் பொழுது, வாழ்விலும், பொருளாதார நிலையிலும் ஏற்ற- இறக்கம் வந்து கொண்டேயிருக்கும். எப் பொழுதும் பொருளாதார நிலை சமநிலையில் இருக்க, ராகு-கேதுக்கள் வழிபாடு சிறப்பானது. அதற்குரிய சிறப்பு ஸ்தலங்களை தேர்ந்தெடுத்து நன்மை தரும் நட்சத்திர நாளில் வழிபட்டு வருவது நல்லது. இம்மாதம் திருக்கார்த்திகை நாளில் கதிர்வேலனை வழிபட்டு வருவதன் மூலம் கவலைகள் உங்களை விட்டு அகலும்.

விருச்சிக சுக்ரனின் சஞ்சாரம்

நவம்பர் 28-ந் தேதி விருச்சிக ராசிக்குச் சுக்ரன் செல்கிறார். உங்கள் ராசிக்கு சுக லாபாதிபதியாக விளங்கு பவர் சுக்ரன். அவர் பஞ்சம ஸ்தானத்தில் சஞ்சரிக்கும் பொழுது, பிள்ளைகளின் முன்னேற்றம் கருதி எடுத்த முயற்சிகளில் வெற்றி கிடைக்கும். ஆடை, ஆபரண சேர்க்கை உண்டு. அடகு வைத்த நகைகளை மீட்டுக் கொண்டு வந்து அணிந்து அழகு பார்ப்பீர்கள். புதிய ஒப்பந்தங்களில் கையெழுத்திட்டு மகிழும் வாய்ப்பு கிட்டும். குழந்தைகள் உங்கள் குணமறிந்து நடந்து கொள்வர்.

செவ்வாய் பெயர்ச்சிக் காலம்

டிசம்பர் 2-ந் தேதி துலாம் ராசிக்கு செவ்வாய் பெயர்ச்சியாகிச் செல்கிறார். உங்கள் ராசிக்கு 5,10 ஆகிய இடங் களுக்கு அதிபதியானவர் செவ்வாய். தற்சமயம் அவர் 3-ல் இருப்பதால் சொத்துகள் வாங்கும் யோகம் ஏற்படும். வீடு, மனை வாங்கும் முயற்சி கைகூடும். பணம் ஏதாவது ஒரு வழியில் வந்து சேரும். பதவியில் இருப்பவர்களுக்கு கூடுதல் பொறுப்பு கிடைக்கும். தொழில் முயற்சிக்கு, வங்கிகளில் சலுகைகளை எதிர்பார்த்துக் காத்திருப்பவர்களுக்கு அது கிடைக்கும்.

புதனின் வக்ர இயக்கம்!

நவம்பர் 25-ந் தேதி முதல் டிசம்பர் 12-ந் தேதி வரை புதன் வக்ர இயக்கத்தில் இருக்கிறார். 3,12 ஆகிய இடங்களுக்கு அதிபதியான புதன் வக்ரம் பெறும் பொழுது இடமாற்றம், வீடுமாற்றம் உருவாகலாம். குடியிருக்கும் வீட்டை ஒரு சிலர் விலைக்கு வாங்க முன்வருவர். சகோதரர்களுக்காக ஒரு குறிப்பிட்ட தொகையை விரயம் செய்ய நேரிடும். வழக்குகளில் திசை திருப்பம் ஏற்படும். வாகன மாற்றம் பற்றிச் சிந்திப்பீர்கள்.

இம்மாதம் செவ்வாய் தோறும் துர்க்கை வழிபாட்டை மேற்கொள்வது நல்லது.

பணத்தேவையைப் பூர்த்தி செய்யும் நாட்கள்:- நவம்பர்:17,18,29,30, டிசம்பர்: 3,4,9,10,13,14

மகிழ்ச்சி தரும் வண்ணம்:- வைலட்

மங்கையர்களுக்கான பலன்கள்!

மாதத் தொடக்கத்தில் உங்களுக்கு மகிழ்ச்சி அதிகரிக்கும். மாற்றுக் கருத்துடையோர் மனம் மாறுவர். வாங்கல்- கொடுக்கல்களை ஒழுங்கு செய்து கொள்வீர்கள். திட்டமிட்ட காரியங் களைத் திட்டமிட்டபடி செய்து முடிப்பீர்கள். சுக்ரப் பெயர்ச்சிக்குப் பிறகு கணவன்-மனைவிக்குள் அன்பு கூடும். ஒருவரை ஒருவர் புரிந்து கொண்டு செயல்படுவீர்கள். குடும்ப ரகசியத்தை வெளியில் சொல்லியதன் விளைவாக ஏற்பட்ட பிரச்சினைகள் அகலும். துணிவும், தன்னம்பிக்கையும் கூடும். தாய்வழி ஆதரவு உண்டு. தங்கம், வெள்ளி வாங்குவீர்கள். உத்தியோகத்தில் உள்ளவர்களுக்கு பணி நிரந்தரம் பற்றிய தகவல் வந்து சேரும். நேர்முகத் தேர்வில் வெற்றி பெற்று ஒரு சிலருக்கு உத்தியோக வாய்ப்பு கிடைக்கலாம். சர்ப்ப சாந்தி செய்வதன் மூலம் சந்தோஷம் கிடைக்கும்.

மனசாட்சிக்கு மட்டுமே பயப்படும் சிம்ம ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் சுக ஸ்தானத்தில் சஞ்சரிக்கிறார். அவரோடு தன லாபாதிபதியான புதனும், 6,7-க்கு அதி பதியான சூரியனும் இணைந்திருக்கின்றனர். எனவே, பொருளாதாரத்தில் இருந்த பற்றாக்குறை அகலும். புதிய பாதை புலப்படும். எந்தக் காரியத்தையும் எடுத்தோம்.. கவிழ்த்தோம்.. என்று செய்து முடிப்பீர்கள். இல்லம் தேடி நல்ல தகவல்கள் வந்து கொண்டேயிருக்கும்.

புத-ஆதித்ய யோகம் செயல்படும் இந்த நேரத்தில், புனிதப் பயணங்கள் அதிகரிக்கும். புகழ்மிக்கவர்கள் உங்களுக்குப் பின்புலமாக இருந்து உதவிக்கரம் நீட்டுவர். தன்னம்பிக்கையும், தைரியமும் அதிகரிக்கும். உத்தியோகம் சம்பந்தமாக எடுத்த முயற்சிகளில் அனுகூலம் கிடைக்கும். ஊர் மாற்றங்களால் ஒருசிலருக்கு நன்மை கிடைக்கும். உடன்பிறப்புகள் வழியில் நல்ல காரியமொன்று இல்லத்தில் நடைபெறலாம். வாங்கல்- கொடுக்கல்களை ஒழுங்கு செய்து கொள்வீர்கள்.

அர்த்தாஷ்டமச் சனி கடந்த 2½ ஆண்டு காலமாக இருந்து வந்தது. அது டிசம்பர் 19-ந் தேதி சனிப்பெயர்ச்சியோடு விலகப்போகிறது. பெயர்ச்சிக்கு 2 மாதம் முன்ன தாகவே சனி, நற்பலன்களைக் கொடுக்கத் தொடங்கி விடுவார். எனவே இதுவரை இருந்த தடைகள் அகலும். இயல்பாகவே நல்ல வாய்ப்புகள் வந்து சேரும். குடும்பத்தில் மகிழ்ச்சி அதிகரிக்கும்.

சனிப்பெயர்ச்சிக்கு முன்னதாக உங்களுக்கு அனு கூலம் தரும் நாளில், சனிக்குரிய சிறப்பு தலங்களுக்கு சென்று வழிபட்டு வருவது நல்லது. இழப்புகளை ஈடுசெய்யவும், எடுத்த காரியங்களில் வெற்றி கிடைக்கவும், சனி பகவானின் அருள் உங்களுக்குத் தேவை. விலகும் சனியால் உங்கள் விருப்பங்கள் நிறைவேறும். எனவே முதல்சுற்று, இரண்டாவது சுற்று, மூன்றாவது சுற்று என்ற அடிப்படையில் உங்களுக்கு எத்தனையாவது சுற்றில் சனி வருகின்றது என்பதை அறிந்து வழிபாடுகளை மேற்கொள்வது நல்லது.

குறிப்பாக திருநள்ளாறு, குச்சானூர், திருக்கொள்ளிக்காடு, பெரிச்சிக்கோவில் போன்ற தலங்களில் வீற்றிருக்கும் சனிபகவானை வழிபடுவது உகந்தது. திருக்கார்த்திகைத் திருநாளில் முருகப்பெருமானை வழிபடுவது நல்லது.

விருச்சிக சுக்ரனின் சஞ்சாரம்!

நவம்பர் 28-ந் தேதி விருச்சிக ராசிக்கு சுக்ரன் செல் கிறார். விருச்சிக ராசிக்குச் செல்லும் கிரகத்தால் விருத்தியம்சங்கள் நிறைய ஏற்படும். குறிப்பாக 3,10 ஆகிய இடங்களுக்கு அதிபதியானவர் சுக்ரன். எனவே தொழில் வளர்ச்சியை மேம்படுத்துவார். எதிர்பாராத தனலாபம் இல்லம் வந்து சேரும். உத்தியோகத்தில் உள்ளவர்கள் வி.ஆர்.எஸ் பெற்றுக்கொண்டு புதிய தொழில் தொடங்க முன்வருவார். தொழில் நடத்துபவர்கள் நடக்கும் தொழிலை விரிவு செய்யும் முயற்சியில் ஆர்வம் காட்டுவீர்கள். பெரிய மனிதர்களின் ஆதரவு கிடைக்கும். பிள்ளைகளின் கல்யாண வாய்ப்புகள் கைகூடும்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்கு செவ்வாய் செல் கிறார். உங்கள் ராசிக்கு யோக காரகனாக விளங்கும் செவ்வாய், சகாய ஸ்தானத்தில் சஞ்சரிக்கும் பொழுது எதிர்பாராத நற்பலன்கள் இனிதே கிடைக்கும். பொது நலத்தில் உள்ளவர்களுக்கு புதிய பொறுப்புகளும், பதவிகளும் கிடைக்கும். வியாபார விரோதம் விலகும். உத்தியோகத்தில் இருந்த குழப்ப நிலை மாறும். உடன்பிறப்புகள் உங்களுக்கு உறுதுணையாக இருப்பர். உடல்நலம் சீராகும். பூர்வீகச் சொத்துகளை பாகப்பிரிவினைகள் மூலம் பங்கிட்டுக் கொள்வீர்கள். பழைய சொத்துகளை கொடுத்துவிட்டு புதிய சொத்துகள் வாங்கும் யோகமும் ஒரு சிலருக்கு உண்டு.

புதனின் வக்ர காலம்!

நவம்பர் 25-ந் தேதி முதல் டிசம்பர் 12-ந் தேதி வரை புதன் வக்ர இயக்கத்தில் இருக்கிறார். விருச்சிகத்தில் வக்ரம் பெறும் புதன், உறவினர் பகையை உருவாக்கலாம். தொழில் கூட்டாளிகளை அனுசரித்துச் செல்வது நல்லது. வரவேண்டிய பணம் தாமதப்படலாம். வாகனங்களால் பிரச்சினைகள் ஏற்படலாம். சுபவிரயங்களை மேற்கொள்ளும் வாய்ப்பு உருவாகும்.

இம்மாதம் சனிக்கிழமை தோறும் பெருமாள், லட்சுமி, அனுமன் ஆகியவர்களின் வழிபாட்டை மேற்கொள்ளுங்கள்.

பணத்தேவையைப் பூர்த்தி செய்யும் நாட்கள்:- நவம்பர்:18,19,20, டிசம்பர்:1,2,5,6,11,12

மகிழ்ச்சி தரும் வண்ணம்:- ரோஸ்.

மங்கையர்களுக்கான பலன்கள்!

இம்மாதம் தடைபட்ட சுபகாரியங்கள் நடை பெறும். குடும்பத்தில் மகிழ்ச்சி நிலவும். பொருளாதார நிலை மிகச் சிறப்பாக இருக்கும். ஆரோக்கியம் சீராகும். வீடு, மனை வாங்கும் யோகம் உண்டு. கணவன்-மனைவிக்குள் அன்னியோன்யம் அதிகரிக்கும். அன்பும், பாசமும் கூடும். பிள்ளைகளின் வளர்ச்சி கண்டு பெருமைப்படுவீர்கள். தாய்வழி ஆதரவு கிடைக்கும். உத்தியோகத்தில் உள்ள பெண்களுக்கு உயர் பதவிகள் கிடைப்பதற்கான வாய்ப்புகள் தென்படும். ஒருசிலருக்கு சுயதொழில் தொடங்கும் முயற்சி கைகூடும். சொந்தங்களின் ஒத்துழைப்போடும், சுற்றியிருப்பவர்களின் ஆதரவோடும் நல்ல வாய்ப்புகள் வந்து சேரும். வேலவன் வழிபாடு வெற்றியை வழங்கும்.

நல்லவர்களின் வாழ்க்கையை பின்பற்றி வாழச் சொல்லும் கன்னி ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் சகாய ஸ்தானத்தில் சஞ்சரிக்கிறார். எனவே சென்ற மாதத்தைக் காட்டிலும் இந்த மாதம் சிறப்பானதாக இருக்கும். 2-ம் இடத்தில் குரு இருப்பதால் திரண்ட செல்வம் வரும். பொருளாதார நிலை திருப்தி கரமாக இருக்கும். ராகு, லாப ஸ்தானத்தில் சஞ்சரிப்பதும் யோகம்தான்.

அதே நேரத்தில் டிசம்பர் 19-ந் தேதி முதல் சனி உங்களைத் தொடர ஆரம்பிக்கிறது. 4-ம் இடத்தில் சனி சஞ்சரிக்கும் பொழுது, அதை ‘அர்த்தாஷ்டமச் சனி’ என்று அழைப்பது வழக்கம். அஷ்டமத்துச் சனியில் பாதிப்பங்கு வலிமை இதற்கு உண்டு. அப்படிப்பட்ட சனியின் சஞ்சாரம் உங்கள் ராசிக்கு 4-ம் இடத்திற்கு வருவதற்கு முன்ன தாகவே, உங்கள் சுய ஜாதகத்தை ஆராய்ந்து பார்த்து, அதற்குரிய வழிபாடுகளையும், பரிகாரங்களையும் மேற்கொள்வது நல்லது.

உத்தியோகம் சம்பந்தமாக ஏதேனும் ஏற்பாடுகள் செய்திருந்தால் அது உடனடியாக கைகூடும். கடன் சுமை குறைய பூர்வீகச் சொத்துகளை விற்க நேரிடும். தற்சமயம் கன்னி ராசியில் செவ்வாய் சஞ்சரிக்கிறார். கன்னிச் செவ்வாயில் கடலும் வற்றும் என்பார்கள். அதற்கு ஏற்றார் போல் கிரக நிலைகள் இருப்பதால், எதிர்பாராத விரயங்கள் மாதத்தின் முதல் 15 நாட்களுக்குள் வரலாம்.

எனவே மாதம் தொடங்கியதும், வீட்டிற்குத் தேவையான அத்தியாவசியப் பொருட்கள் மற்றும் ஆடம்பரப் பொருட்கள் ஆடை, ஆபரணங்கள், விலையுயர்ந்த மின்சாதனப் பொருட்கள் போன்றவற்றை வாங்கி மகிழ்வதில் கவனம் செலுத்தலாம். உத்தியோகத்தில் உள்ளவர்களுக்கு திடீர் இடமாற்றங்களும், தெய்வ தரிசனங்களும் கிடைக்கும். மகிழ்ச்சியாக இருக்க திருக்கார்த்திகை நாளில் கந்தப்பெருமான் வழிபாட்டை மேற்கொள்வது நல்லது.

விருச்சிக சுக்ரனின் சஞ்சாரம்!

விருச்சிக ராசிக்கு சுக்ரன் நவம்பர் 28-ந் தேதி பெயர்ச்சியாகிச் செல்கிறார். உங்கள் ராசிக்கு 2,9-க்கு அதிபதியானவர் சுக்ரன். தனாதிபதியாக விளங்கும் சுக்ரன், சகாய ஸ்தானத்தில் சஞ்சரிக்கும் பொழுது பணப்பற்றாக்குறை அகலும். ஒரு சிலருக்கு நண்பர்கள் பக்க பலமாக இருப்பார்கள். சொத்துப் பிரச்சினைகள் சுமுகமாக முடியும். துணிந்து எடுத்த முடிவால் உறவினர்களின் பாராட்டுகளைப் பெறுவீர்கள். கட்டிடம் கட்டும் பணி தொடரும். கைமாற்றாக கொடுத்த தொகை வந்து சேரும். குடும்பத்தினரின் தேவைகளைப் பூர்த்தி செய்து மகிழ்வீர்கள். தந்தை வழி உறவினர்களால் தகுந்த ஆதாயம் கிடைக்கும்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் பெயர்ச்சி யாகிறார். 3,8 ஆகிய இடங்களுக்கு அதிபதியான செவ்வாய் 2-ல் சஞ்சரிக்கும் பொழுது, சகோதரர்களால் நன்மை கிடைக்கும். வாகன மாற்றம் செய்ய முன்வருவீர்கள். வழக்கில் நல்ல தீர்ப்புகள் வந்து சேரும். வியாபாரத்தில் இருந்த விரோதங்கள் விலகும். சென்ற மாதத்தில் ஏற்பட்ட இழப்புகளை ஈடுசெய்ய வாய்ப்புகள் கைகூடும். உடல் ஆரோக்கியம் திருப்திகரமாக இருக்கும். உத்தியோகத்தில் வேலைப்பளு அதிகரித்தாலும், எடுத்த பணிகளைத் திறம்படச் செய்து முடிப்பீர்கள். மேலதிகாரிகளின் பாராட்டுக்களைப் பெறுவீர்கள்.

புதனின் வக்ர காலம்!

நவம்பர் 25-ந் தேதி முதல் டிசம்பர் 12-ந் தேதி வரை, புதன் வக்ர இயக்கத்தில் விருச்சிக ராசிக்குள் சஞ்சரிக் கிறார். ராசிநாதன் வக்ரம் பெறுவது அவ்வளவு நல்லதல்ல. மனக்கவலை, பணக்கவலை இரண்டும் ஏற்படும். உங்கள் மதிப்பையும், மரியாதையையும் தக்க வைத்துக் கொள்வது கஷ்டம்தான். வீண் பழிகளுக்கு ஆளாக நேரிடும். விரயங்கள் தவிர்க்க முடியாததாக இருக்கும்.

இம்மாதம் செவ்வாய் தோறும் முருகப்பெருமானை வழிபாடு செய்வது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 17,18,21,22,23, டிசம்பர்: 3,4,7,8,13,14

மகிழ்ச்சி தரும் வண்ணம்:- கிளிப்பச்சை.

மங்கையர்களுக்கான பலன்கள்!

இம்மாதம் பணவரவு திருப்திகரமாக இருக்கும். உறவினர் வருகை அதிகரிக்கும். ஆரோக்கியத் தொல்லை அகலும். பக்கத்து வீட்டாரின் பகை மாறும். கணவன்- மனைவிக்குள் ஒற்றுமை பலப்படும். உங்கள் பெயரிலேயே தொழில் தொடங்கும் முயற்சிக்கு குடும்ப உறுப்பினர்கள் சம்மதிப்பர். வீடு மாற்றங்களைத் திருப்திகரமாக ஏற்றுக் கொள்வீர்கள். பெற்றோர்களின் உறவில் விரிசல் ஏற்படாமல் பார்த்துக் கொள்ள வேண்டும். குலதெய்வப் பிரார்த்தனைகளை நிறைவேற்றுவீர்கள். உத்தியோகத்தில் உள்ள பெண்களுக்கு எதிர்பார்த்த இலாகா மாற்றங்கள் கிடைக்கும். அர்த்தாஷ்டமச் சனியின் ஆதிக்கம் நடைபெறப் போவதால், அதற்கு முன்னதாகவே தசாபுத்திக்கேற்ற தெய்வங்களை வழிபடுவது நல்லது. சிங்காரவேலவன் வழிபாடு ஜெயத்தை வழங்கும்.

எளிதில் உணர்ச்சிவசப்படக் கூடியவர்களாக விளங்கும் துலாம் ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் உங்கள் ராசியிலேயே சஞ்சரிக் கிறார். அவரோடு 3,6 ஆகிய இடங்களுக்கு அதிபதியான குருவும் இணைந்திருக்கிறார். சந்திர பலத்தோடு இந்த மாதம் பிறக்கிறது. எனவே தனவரவு திருப்திகரமாக இருக்கும். தக்க விதத்தில் குடும்ப முன்னேற்றம் கூடும். தொழில் வளர்ச்சி உண்டு. நண்பர்களின் நல் ஆதரவோடு வெற்றி வாய்ப்புகளை வரவழைத்துக் கொள்வீர்கள்.

தற்சமயம் ஏழரைச் சனியில் குடும்பச் சனியின் ஆதிக்கம் நடைபெறுகிறது. இருந்தாலும் டிசம்பர் 19-ந் தேதி சனி விலகப் போகிறது. விலகிய பின்னால் மிக அற்புதமான பலன்கள் நடைபெறும். குறிப்பாக மங்கல ஓசை மனையில் கேட்பதற்கான அறிகுறி தென்படும். மூத்த சகோதரர் களால் ஏற்பட்ட பிரச்சினைகள் அகலும். முன்னேற்றப் பாதையில் அடியெடுத்து வைப்பீர்கள். சில பிரச்சினைகளைக் கண்டும் காணாமல் இருப்பது நல்லது. கரைந்த சேமிப்புகளை ஈடுகட்ட வாய்ப்புகள் கைகூடிவரும்.

தன ஸ்தானத்தில் விரயாதிபதி புதன் இருக்கிறார். அவரோடு லாபாதிபதி சூரியனும் இணைந்து சஞ்சரிக் கிறார். இந்தப் புத-ஆதித்ய யோகம் சிறப்பானது என்றாலும், அவரோடு சனியும் சேர்ந்திருப்பதால் கல்வி சம்பந்தமாக எடுத்த முயற்சியில் தடைகள் வரலாம். கடல் தாண்டிச் செல்லும் முயற்சிகள் கைகூடவில்லையே என்று கவலைப்படுவீர்கள். வீடு மாற்றங்கள் அல்லது உத்தியோக மாற்றங்கள் விரும்பியபடி வந்து சேரும். சனி விலகுவதற்கு முன்னதாகத் திடீர் மாற்றங்களை உங்களுக்கு கொடுக்கலாம். வீடு மாற்றம் நல்ல மாற்றமாகவே வந்து சேரும்.

ராகு உங்கள் ராசிக்கு 10-ம் இடத்தில் சஞ்சரிக்கிறார். 10-ல் உள்ள ராகு முத்தான பலன்களைக் கொடுப்பார் என்பது முன்னோர்கள் வாக்கு. எனவே உத்தியோகத்தில் உள்ளவர்களில் ஒரு சிலர் வி.ஆர்.எஸ். பெற்றுக் கொண்டு, தனித்து இயங்க முற்படுவார்கள். அதற்கு தேவையான பொருளாதாரமும் வந்து சேரும். சனிக்குரிய சிறப்பு தலங்களாக விளங்கும் திருநள்ளாறு அல்லது பெரிச்சி கோவிலுக்கு சென்று வழிபாடு செய்வது நல்லது.

இம்மாதம் திருக்கார்த்திகை திருநாள் வருவதால் அன்றைய தினம் முருகப்பெருமானை வழிபட்டால் முன்னேற்றத்தின் முதல்படிக்குச் செல்லலாம்.

விருச்சிக சுக்ரனின் சஞ்சாரம்

நவம்பர் 28-ந் தேதி விருச்சிக ராசிக்குச் சுக்ரன் செல்கிறது. உங்கள் ராசிநாதனாகவும், அஷ்டமாதிபதியாகவும் விளங்கும் சுக்ரன் 2-ல் சஞ்சரிக்கும் பொழுது புதிய வாய்ப்புகள் வந்து சேரும். பெரிய மனிதர்களின் சந்திப்பால் சில பிரச்சினைகளை தீர்த்துக் கொள்வீர்கள். நூதனப் பொருட்சேர்க்கை உண்டு. ஆடை, ஆபரணங்கள் வாங்குவதில் ஆர்வம் காட்டுவீர்கள். விலகிச் சென்ற சொந்தங்கள் விரும்பி வந்து சேருவர். பெண்வழிப் பிரச்சினைகள் நல்ல முடிவிற்கு வரும். இல்லம் கட்டிக் குடியேறுவதில் இருந்த தடை அகலும்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் செல் கிறார். உங்கள் ராசிக்கு 2,7-க்கு அதிபதியான செவ்வாய், உங்கள் ராசியிலேயே சஞ்சரிக்கும் பொழுது நன்மைகள் அதிகம் நடைபெறும். உடன் பிறந்தவர்களால் கூடுதல் நன்மை கிடைக்கும். குடியிருக்கும் வீட்டை விலைக்கு வாங்க முன்வருவீர்கள். தாய்வழி உறவினர்களால் தக்க உதவி கிடைக்கும். விட்டுப்போன விவாகப் பேச்சுகள் மீண்டும் தொடங்கும். அங்காரக வழிபாட்டை முறையாக மேற்கொண்டால் அன்றாட வாழ்க்கையை நன்றாக அமைத்துக்கொள்ள இயலும்.

புதனின் வக்ர காலம்!

நவம்பர் 25-ந் தேதி முதல் டிசம்பர் 12-ந் தேதி வரை, விருச்சிக ராசிக்குள் புதன் வக்ர இயக்கத்தில் இருக் கிறார். உங்கள் ராசிக்கு 9,12-க்கு அதிபதியானவர் புதன். விரயாதிபதியான புதன் 2-ல் வக்ரம் பெறும்பொழுது, நன்மைகளை வாரி வழங்கும். குறிப்பாக பயணங்களில் பலன் கிடைக்கும். பணத்தேவைகள் உடனுக்குடன் பூர்த்தி யாகும். பிரிந்து சென்றவர்கள் மீண்டும் வந்திணைவர். உத்தியோகஸ்தர்களுக்கு எதிர்பார்த்தபடியே பதவி உயர்வு கிடைக்கும்.

இம்மாதம் வியாழக்கிழமை தோறும் குருவையும், வெள்ளிக்கிழமை தோறும் சுக்ரனையும் வழிபட்டு வருவது நல்லது.

பணத்தேவையைப் பூர்த்தி செய்யும் நாட்கள்:- 

நவம்பர்:18,19,25,26, டிசம்பர்:5,6,9,10,15

மகிழ்ச்சி தரும் வண்ணம்:- கிரே.

மங்கையர்களுக்கான பலன்கள்!

நல்ல வாய்ப்புகள் இல்லம் தேடிவரும் மாதம் இது. உறவினர்களின் ஆதரவு கூடுதலாக கிடைக்கும். முயற்சிகளில் வெற்றி கிடைக்க முக்கியப் நபர்களின் ஒத்துழைப்பு உண்டு. பணத்தேவைகள் உடனுக்குடன் பூர்த்தியாகும். உடல் ஆரோக்கியம் சிறப்பாக இருக்கும். ஏழரைச் சனி விலகும் நேரம் என்பதால் எதிர்பார்த்த நற்பலன்கள் வரப்போகிறது. சுப நிகழ்ச்சிகள் குறிப்பிட்டபடி நடைபெற சந்தர்ப்பங்கள் கை கூடிவரும். கணவன்- மனைவிக்குள் அன்பும், பாசமும் அதிகரிக்கும். குழந்தைகளின் முன்னேற்றம் கருதி எடுத்த முயற்சிகளில் வெற்றி கிடைக்கும். உத்தியோகத்தில் உள்ளவர்களை நம்பி, புதிய பொறுப்புகளை தலைமை அதிகாரி ஒப்படைப்பார். வெள்ளிக்கிழமை தோறும் அம்பிகை வழிபாட்டை மேற்கொள்ளுங்கள்.

நம்பிக்கைக்கு உரியவர்களிடம் மட்டும் மனம் விட்டுப் பேசும் விருச்சிக ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் லாப ஸ்தானத்தில் சஞ்சரிக் கிறார். உங்கள் ராசியிலேயே தொழில் ஸ்தானாதிபதி சூரியனும், லாபாதிபதி புதனும், சகாய ஸ்தானாதிபதி சனியும் இணைந்து சஞ்சரிக்கின்றனர். எனவே தொழில் வளர்ச்சி சிறப்பாக இருக்கும். வருமானம் இருமடங்காகும். வசதி வாய்ப்புகள் பெருகும். வாழ்க்கைத் தேவைகள் பூர்த்தியாகும். நினைத்ததை நினைத்த நேரத்தில் செய்து முடிப்பீர்கள்.

உடன் பிறந்தவர்கள் உங்கள் வளர்ச்சிக்கு சாதகமாக இருப்பர். பாதியில் நின்ற கட்டிடப்பணி மீண்டும் தொடரும். பதவியில் உள்ளவர்களால் உதவிகள் கிடைக்கும். புதிய ஒப்பந்தங்கள் வந்து அலை மோதும். ஒரு சிலருக்கு வெளிநாடு செல்லும் வாய்ப்பு கைகூடலாம். புத- ஆதித்ய யோகம் இருப்பதால் செல்வாக்கு மேலோங்கும். முன்னேற்றத்தின் முதல் படிக்குச் செல்ல சூரிய பலம் கைகொடுக்கும்.

அரசு வழியில் எதிர்பார்த்த சலுகைகள் கிடைக்கும். தொழில் தொடங்கும் முயற்சிகளுக்கு வங்கிகளில் கடன்உதவி கிடைக்கலாம். 9-ம் இடத்தில் ராகு சஞ்சரிப்பதால், புதிய வாகனம் வாங்கும் வாய்ப்பு உண்டு.

கட்டிய வீட்டைப் பழுது பார்க்கும் வாய்ப்புகள், வீட்டை விரிவு செய்யும் அமைப்புகள், புதிய தோட்டம் வாங்கி விவசாயம் செய்து பணவரவை பெருக்கிக் கொள்ளும் முயற்சிகள் அனைத்தும் கைகூடும் நேரமிது. உடன் பிறந்தவர்களும், உடன் இருப்பவர்களும் உதவியாக இருப்பார்கள். ஆடம்பரச் செலவுகள் அதிகரிக்கலாம். குரு பார்வை சுக ஸ்தானத்தில் பதிவதால், மனையில் மங்கல ஓசை கேட்கும். மாற்று மருத்துவத்தால் உடல்நலத்தைச் சீராக்கிக் கொள்வீர்கள். திருக்கார்த்திகையன்று வடிவேல வன் வழிபாட்டை மேற்கொள்ளுங்கள்.

ஜென்மச் சனி விலகும் நேரம் வந்து விட்டது. இனி உங்களுக்கு உடலில் புது உற்சாகம் குடிகொள்ளும். சனி விலகுவதற்கு முன்னதாகவே திருநள்ளாறு, குச்சானூர், பெரிச்சிக்கோவில், நல்லிப்பட்டி, திருக்கொள்ளிக்காடு, திருக்கொடியலூர் போன்ற தலங்களில் உள்ள சனீஸ்வர பகவானை சென்று வழிபட்டு வருவது நல்லது. அனுகூல நாளில் சென்று வழிபட்டால் அனைத்து யோகங்களும் கிடைக்கும்.

விருச்சிக சுக்ரனின் சஞ்சாரம்!

நவம்பர் 28-ந் தேதி உங்கள் ராசியான விருச்சிக ராசிக்குச் சுக்ரன் செல்கிறார். இதன் விளைவாக மிகுந்த நற்பலன்கள் வந்து சேரப்போகிறது. சப்தம விரயாதிபதி, ராசியில் சஞ்சரிக்கும் பொழுது குடும்பத்தில் மகிழ்ச்சி கூடும். வீட்டிற்குத் தேவையான விலையுயர்ந்த பொருட்களை வாங்குவதில் ஆர்வம் காட்டுவீர்கள். தங்கம், வெள்ளி வாங்கி மகிழும் வாய்ப்பு கிட்டும். வாழ்க்கைத் துணையால் நன்மை உண்டு. அவர்களின் உத்தியோக நலன் கருதி ஏதேனும் முயற்சிகள் செய்திருந்தால் அதில் வெற்றி கிடைக்கும்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் செல் கிறார். உங்கள் ராசிநாதன் செவ்வாய் விரய ஸ்தானத்திற்கு வருகிறாரே என்று நீங்கள் நினைக்க வேண்டாம். 6-ம் இடத்திற்கும் அதிபதியானவர் செவ்வாய். அவர் 12-ம் இடத்திற்கு வரும்பொழுது விபரீத ராஜயோகம் செயல் படும். எனவே திட்டமிடாமல் செய்யும் காரியங்களில் கூட வெற்றி கிடைக்கும். திறமைமிக்கவர்கள் உங்களுக்குப் பின்னணியாக இருந்து உதவிகள் செய்வர். எதிரிகள் விலகுவர். தொட்டது துலங்கும். கரைந்த சேமிப்புகளை ஈடுகட்ட வாய்ப்புகள் கைகூடிவரும். தொழில் முன் னேற்றம் கூடும் நேரமிது.

புதனின் வக்ர இயக்கம்!

புதன் உங்கள் ராசியைப் பொறுத்தவரை லாபாதிபதி மட்டுமல்ல, அஷ்டமாதிபதியாகவும் விளங்குபவர். அவர் வலிமையிழக்கும் இந்த நேரம் உங்களுக்கு ஒரு பொற் காலமாக அமையும். செலவிற்கேற்ற வரவு வந்து கொண்டேஇருக்கும். திடீர் பயணங்களால் நன்மை உண்டாகும். தூரதேச அழைப்புகள் வரக்கூடிய வாய்ப்பு உண்டு. பேறும், புகழும் அதிகரிக்கும் நேரமிது.

இம்மாதம் சனிக்கிழமை தோறும் விநாயகப் பெருமானை வழிபாடு செய்வதோடு, சர்ப்ப சாந்திப் பரிகாரமும் செய்வது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 21,22,23,27,28, டிசம்பர்: 7,8,9,11,12,13

மகிழ்ச்சி தரும் வண்ணம்:- சிவப்பு.

மங்கையர்களுக்கான பலன்கள்!

அமைதியும், ஆனந்தமும் ஏற்படும் மாதம் இது. எதிர்பார்த்த காரியங்கள் எதிர்பார்த்தபடியே நடைபெறும். விலையுயர்ந்த பொருட்களை வாங்குவதில் ஆர்வம் காட்டுவீர்கள். வீடு வாங்கும் யோகம் முதல், விருப்ப ஓய்வில் வெளிவந்து சுயதொழில் தொடங்கும் வாய்ப்புகள் வரை அனைத்தும் கை கூடும். அதிகார வர்க்கத்தினரின் ஆதரவோடு அனைத்துப் பிரச்சினைகளுக்கும் தீர்வு காண்பீர்கள். கணவன்-மனைவிக்குள் ஒற்றுமை பலப்படும். உடன்பிறப்புகளால் ஆதாயம் உண்டு. தாயின் அன்பிற்கு பாத்திரமாவீர்கள். வாகனம் வாங்கும் முயற்சி கைகூடும். உங்கள் பெயரிலேயே சொத்துகள் வாங்கும் யோகம் உண்டு. செல்வமுத்துக்குமரன் வழிபாடு செல்வ வளம் பெருக்கும்.

கோபம் இருக்கும் அளவுக்கு குணத்தோடு நடந்து கொள்ளும் தனுசு ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் ராசிநாதன் குரு லாப ஸ்தானத்தில் சஞ்சரிக்கிறார். அவரோடு அஷ்டமாதிபதி சந்திரனும் இணைந்திருக்கிறார். எனவே இம்மாதம் வளர்ச்சி கூடும் மாதமாகவே அமையப் போகிறது. உத்தியோக முயற்சிகளில் அனுகூலம் கிடைக்கும். பதவி உயர்வு வரலாம். பாகப்பிரிவினைகள் சுமுகமாக முடியும்.

இல்லம் கட்டிக் குடியேறுவதா? அல்லது வீடு வாங்கிக் குடியேறுவதா? என்ற சிந்தனையில் ஆழ்ந்திருப்பவர்கள், சுய ஜாதகத்தில் குடும்ப உறுப்பினர்களில் யாருக்கு செவ்வாய் பலம் பெற்றிருக்கிறதோ அதைப் பொறுத்து முடி வெடுத்துக் கொள்ளலாம். அதே நேரத்தில் பொதுவாக தனுசு ராசிக்காரர்களுக்கு பஞ்சம விரயாதிபதியாக செவ்வாய் இருப்பதாலும், கேந்திராதிபத்ய தோஷம் பெற்ற கிரகமாக குரு விளங்குவதாலும் வீடு கட்டிக் குடியேறு வதைவிட, வீடு வாங்கிக் குடியேறுவது நல்லது.

தற்சமயம் ஏழரைச் சனியில் விரயச் சனியின் ஆதிக்கம் நடைபெறுவதால் வீண் விரயங்கள் ஏற்படலாம். எனவே சுபவிரயமாக அதை மாற்றிக் கொள்வது உங்கள் புத்திசாலித்தனம். வீடு, இடம், தோட்டம், துரவு வாங்குவது, சுப காரியங்களை இல்லத்தில் நடத்துவது, விலையுயர்ந்த பொருட்களை வாங்குவது போன்றவற்றில் கவனம் செலுத்தலாம்.

மாதத் தொடக்கத்தில் 10-ல் செவ்வாய் இருப்பதால், அரசியல் மற்றும் பொது நலத்தில் இருப்பவர்களுக்கு புதிய பொறுப்புகள் கிடைக்கலாம். உத்தியோகத்தில் உள்ளவர்கள் விருப்ப ஓய்வில் வெளியில் வந்து, தொழில் தொடங்கும் முயற்சியில் ஆர்வம் காட்டுவர். பூர்வீகச் சொத்துகளில் ஏற்பட்ட பஞ்சாயத்துகள் நல்ல முடிவிற்கு வரும். தற்சமயம் விரயச்சனியின் ஆதிக்கம் விலகும் நேரம் வந்துவிட்டது. டிசம்பர் 19-ந் தேதி விரயச் சனி விலகி, ஜென்மச் சனியாக மாறுகிறது. சனி உங்கள் ஜாதகத்திற்கு யோகம் செய்யும் கிரகமாகும். விலகுவதற்கு முன்னதாகவே தன சகாய ஸ்தானாதிபதியான சனியை, அதற்குரிய சிறப்பு தலங்களுக்குச் சென்று வழிபட்டு வாருங்கள். பணத்தேவையும் பூர்த்தியாகும். பணியில் இருந்த தொய்வும் அகலும்.

இம்மாதம் திருக்கார்த்திகைத் திருநாள் வருகின்றது. அன்றைய தினம் வடிவேலவன் வழிபாட்டை முறையாக மேற்கொண்டால் வளர்ச்சியில் இருந்த தளர்ச்சி அகலும்.

விருச்சிக சுக்ரனின் சஞ்சாரம்!

நவம்பர் 28-ந் தேதி விருச்சிக ராசிக்குச் சுக்ரன் செல்கிறார். உங்கள் ராசிக்கு 6-ம் இடத்திற்கு அதிபதியான சுக்ரன் 12-ம் இடத்தில் சஞ்சரிக்கும் பொழுது, விபரீத ராஜயோகம் செயல்படும். எனவே திட்டமிடாது செய்யும் காரியங்களில் கூட வெற்றி கிடைக்கும். திடீர் திருப்பங்கள் வந்து கொண்டே இருக்கும். வங்கிகளில் எதிர்பார்த்த சலுகைகள் கிடைக்கும். வியாபார விரோதங்கள் விலகும். சக பணியாளர்களின் ஒத்துழைப்போடு நல்ல முன்னேற்றம் காண்பீர்கள். ஒரு சிலருக்கு தலைமைப் பதவிகள் தானாகத் தேடிவரலாம். மங்கல நிகழ்ச்சிகள் மனையில் நடப்பதற்கான அறிகுறிகள் தென்படும்.

செவ்வாய் பெயர்ச்சிக் காலம்!

டிசம்பர் 2-ந் தேதி செவ்வாய் துலாம் ராசிக்குச் செல் கிறார். உங்கள் ராசிக்கு 5,12 ஆகிய இடங்களுக்கு அதிபதியானவர் செவ்வாய். அவர் லாப ஸ்தானத்திற்கு வரும் பொழுது விரயத்திற்கு ஏற்ற லாபம் வந்து சேரும். ஒரு காரியத்தைத் தொடங்கினால், அதற்கான பணம் ஏதாவது ஒரு வழியில் வந்து சேரும். பத்திரப்பதிவில் இருந்த தடைகள் அகலும். புதிய சொத்துகள் வாங்க எடுத்த முயற்சி வெற்றி தரும்.

புதனின் வக்ர காலம்!

நவம்பர் 25-ந் தேதி முதல் டிசம்பர் 12-ந் தேதி வரை விருச்சிக ராசியில் புதன் வக்ரம் பெறுகிறார். 7, 10 ஆகிய இடங்களுக்கு அதிபதி வக்ரம் பெறும்பொழுது, எதிர் பாராத திருப்பங்கள் உருவாகும். குடும்பத்தில் கொடிகட்டிப் பறந்த பிரச்சினைகள் படிப்படியாய் நல்ல முடிவிற்கு வரும். தொழில் வளர்ச்சி சிறப்பாக இருக்கும். துணையாக இருப்பவர்கள் தோள்கொடுத்து உதவுவர். பணி மாற்றத்திற்காக செய்த முயற்சிகள் பலன் தரும். உறவுகளில் ஏற்பட்ட விரிசல் அகலும். அதிகார பதவியில் உள்ளவர்களின் அனுகூலம் கிடைக்கும்.

இம்மாதம் வியாழக்கிழமை தோறும் குருவழிபாட்டை மேற்கொள்ளுங்கள்.

பணத்தேவையைப் பூர்த்தி செய்யும் நாட்கள்:-

நவம்பர்: 17,18,25,26,29,30, டிசம்பர்:9,10,13,14

மகிழ்ச்சி தரும் வண்ணம்:- நீலம்.

மங்கையர்களுக்கான பலன்கள்!

பொருளாதார வளர்ச்சி சிறப்பாக இருக்கும் மாதம் இது. புனிதப் பயணங்களை மேற்கொள்வீர்கள். கணவன்-மனைவிக்குள் பாசமும், நேசமும் அதிகரிக்கும். ஒரு சிலருக்கு இடமாற்றம், வீடுமாற்றம் ஏற்படும். உத்தியோகத்தில் உள்ள வர்களுக்கு எதிர்பார்த்த மாற்றங்கள் வரலாம். விரயச் சனியின் ஆதிக்கம் நடப்பதால் சுப விரயங்கள் உண்டாகும். புதிய ஆபரணங்களை வாங்கும் வாய்ப்பு கிட்டும். பிள்ளைகளின் வேலை வாய்ப்பு கருதி எடுத்த முயற்சி பலன் தரும். கார்த்திகைத் திருநாளில் விரதமிருந்து முருகப்பெருமானை வழிபடுவதோடு, ஒவ்வொரு சனிக்கிழமையும் வாலில் மணி கட்டிய ஆஞ்சநேயரை வழிபட்டு வருவது நல்லது.

வாழ்வில் சுத்தத்தையும், சுகாதாரத்தையும் கடைப்பிடிக்கும் மகர ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசியிலேயே கேது சஞ்சரிக்கிறார். சப்தம ஸ்தானத்தில் ராகு வீற்றிருக்கிறார். எனவே சர்ப்ப கிரகங்களின் இயக்கம் அதிகமாகவே இருக்கிறது. அதே நேரத்தில் அஷ்டமாதிபதி சூரியனும், 6,9 ஆகிய இடங்களுக்கு அதிபதியான புதனும், உங்கள் ராசிநாதன் சனியும் இணைந்து லாப ஸ்தானத்தில் சஞ்சரிக்கின்றனர். எனவே பொருளாதார நிலை சிறப்பாக இருக்கும். இருப்பினும் எதிர்பாராத விரயங்கள் ஏற்படலாம்.

புத-ஆதித்ய யோகம் இருந்தாலும், சூரிய, சனி சேர்க்கை இருப்பது அவ்வளவு நல்லதல்ல. தந்தை-மகன் உறவில் விரிசல்களும், உறவினர் பகையும் உருவாகலாம். அண்ணன், தம்பிகளுக்குள் அனுசரிக்கும் தன்மை குறையலாம். எண்ணங்கள் நிறைவேறுவதில் சில இடையூறுகளும் ஏற்படலாம். எனவே ராகு-கேது பிரீதி செய்வதும், சனிக்குரிய சிறப்பு தலங்களுக்குச் சென்று வழிபட்டு வருவதும் நற்பலன்களை வழங்கும்.

10-ல் உள்ள குருபகவான் இப்பொழுது வலிமை பெற்றிருக்கிறார். எனவே பதவி உயர்வில் இதுவரை இருந்த தடைகள் அகலும். சக பணியாளர்களும் உங்களுக்கு ஒத்துழைப்புச் செய்வர். நேர்முகத் தேர்விற்குச் சென்று இதுவரை வெற்றி வாய்ப்புகளை நழுவ விட்டவர்களுக்கு இப்பொழுது நல்ல நேரம் தொடங்குகிறது. எதிர்பார்த்த உத்தியோகம் கிடைக்கலாம்.

சுக்ர பலம் நன்றாக இருப்பது யோகம் தான். உங்கள் ராசிக்கு 5,10 ஆகிய இடங்களுக்கு அதிபதியானவர் சுக்ரன். அவர் தம் சொந்த வீட்டில் குருவோடு இணைந்திருக்கும் பொழுது, திடீர் திருப்பங்கள் பலவும் ஏற்படுத்துவார். நடபெறாது என்று நீங்கள் நினைத்திருந்த சில காரியங்கள் இப்பொழுது நடைபெற்று ஆதாயத்தைக் கொடுக்கும். நடைபெறும் என்று நினைத்த காரியங்கள் நடபெறாமல் போகலாம். எனவே இதுபோன்ற காலங் களில் நவக்கிரக சாந்திப் பரிகாரங்களைச் செய்து கொள்வது நல்லது. அரசியல் மற்றும் பொதுநலத்தில் இருப்பவர்களுக்குத் திடீரென பொறுப்புகள் மாற்றப்படலாம். உயர்பதவியில் இருப்பவர்களுக்கு நீண்ட தூரப் பயணம் நேரிடும்.

இம்மாதம் திருக்கார்த்திகைத் திருநாள் வருகின்றது. அன்றைய தினம் முறையாக விரதமிருந்து முருகப்பெருமான் சன்னிதியில் விளக்கேற்றி வைத்துக் கவசம் பாடி வழிபடுவதன் மூலம் காரியத்தடை அகலும். அதுமட்டுமல்ல கல்யாண வாய்ப்புகளும் கைகூடலாம்.

விருச்சிக சுக்ரனின் சஞ்சாரம்!

நவம்பர் 28-ந் தேதி விருச்சிக ராசிக்குச் சுக்ரன் செல்கிறார். உங்கள் ராசிக்கு பஞ்சமாதிபதியாகவும், தொழில் ஸ்தானாதிபதியாகவும் விளங்கும் சுக்ரன், லாப ஸ்தானத்தில் அடியெடுத்து வைத்திருக்கும் இந்தநேரம் யோகம் தான். பிள்ளைகளின் எதிர்கால நலன் கருதி நீங்கள் எடுத்த முயற்சிகள் கைகூடும். அவர்கள் வெளிநாடு சென்று கல்வி பயில, வேலை பார்க்க வேண்டுமென்ற உங்களின் எண்ணம் ஈடேறலாம். பூர்வீகச் சொத்துகளில் ஏற்பட்ட பிரச்சினைகள் அகலும். பஞ்சாயத்துகள் நல்ல முடிவிற்கு வரும்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் செல் கிறார். இதன் விளைவாக இடம், பூமி சேர்க்கை ஏற்படலாம். இதுவரை பத்திரப் பதவில் இருந்த தடை அகலும். நீண்ட நாட்களாக வரவேண்டிய பாக்கிகள் வசூலாகும். வியாபாரப் போட்டிகள் அகலும். கரைந்த சேமிப்புகளை ஈடுகட்டுவீர்கள். வெளிநாட்டில் இருந்து வரும் தகவல் அனுகூலமாகும். குறிப்பாக உங்கள் வீட்டுத் தேவை களைப் பூர்த்தி செய்யவோ, தொழில் வளர்ச்சியில் பங்கெடுத்துக் கொள்ளும் விதத்திலோ அந்தத் தகவல் அமையலாம். சம்பளப் பாக்கிகள் வந்து சந்தோஷத்தை கொடுக்கும். சமூகத்தில் உயர்ந்த மனிதர்களின் ஒத்துழைப்பால், வரும் பிரச்சினைகளைத் தீர்த்துக் கொள்வீர்கள்.

புதனின் வக்ர இயக்கம்!

நவம்பர் 25-ந் தேதி முதல் டிசம்பர் 12-ந் தேதி வரை புதன் வக்ர இயக்கத்தில் இருக்கிறார். உங்கள் ராசியை பொறுத்தவரை 6,9 ஆகிய இடங்களுக்கு அதிபதியானவர் புதன். அவர் வக்ரம் பெறும்பொழுது, வியாபார விரோதங்கள் விலகும். கடன் சுமை தீர புதிய வழி பிறக்கும். அடகு வைத்த நகைகளை மீட்டு வந்து, அணிந்து அழகு பார்ப்பீர்கள்.

இம்மாதம் சனிக்கிழமை தோறும் வடக்கு நோக்கிய ஆனைமுகப்பெருமானை வழிபாடு செய்யுங்கள்.

பணத்தேவையைப் பூர்த்தி செய்யும் நாட்கள்:- நவம்பர்:18,19,20,27,28, டிசம்பர்:1,2,11,12,15

மகிழ்ச்சி தரும் வண்ணம்:- பிரவுன்.

மங்கையர்களுக்கான பலன்கள்!

மாதத் தொடக்கத்தில் பொருளாதாரத்தில் பற்றாக்குறை ஏற்பட்டாலும், சுக்ரப் பெயர்ச்சிக்குப் பிறகு மிதமிஞ்சிய பொருளாதாரம் உருவாகும். வீட்டிற்குத் தேவையான அத்தியாவசியப் பொருட்களையும், ஆடம்பரப் பொருட்களையும் வாங்கி மகிழ்வீர்கள். கணவன் – மனைவிக்குள் அன்பும், பாசமும் அதிகரிக்கும். ஒருவரை ஒருவர் புரிந்து கொண்டு செயல்பட்டு இல்லறத்தை நல்லறமாக நடத்தும் சூழ்நிலை ஏற்படும். உடன் பிறந்தவர்கள் தேவையான உதவிகளைச் செய்து கொடுப்பர். பிள்ளைகளின் வளர்ச்சியில் பெரும் பங்கு எடுத்துக் கொள்வீர்கள். கார்த்திகை விரதமிருந்து கந்தப்பெருமானை வழி படுவது நல்லது.

ஆன்மிகம் முதல் அரசியல் வரை கற்று வைத்திருக்கும் கும்ப ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சனி பகவான் 10-ம் இடத்தில் சஞ்சரிக்கிறார். தொழில் வளர்ச்சியைப் பற்றி எடுத்துரைக்கும் இடமான 10-ம் இடத்தில் ராசிநாதன் சஞ்சரிக்கும் பொழுது, புதிய தொழில் தொடங்கும் வாய்ப்புகள் ஒரு சிலருக்கு உருவாகும். தொழில் வெற்றிநடை போடும். பங்குதாரர்களால் ஏற்பட்ட பணப் பிரச்சினைகள் அகலும். உத்தியோகத்தில் உள்ளவர்கள் விருப்ப ஓய்வில் வெளிவந்து சுயமாக தொழில் செய்யலாமா? என்று சிந்திக்கத் தொடங்குவர்.

ராசிநாதன் சனியோடு சப்தமாதிபதி சூரியனும், பஞ்சம அஷ்டமாதிபதியான புதனும் இணைந்து சஞ்சரிப்பது யோகம்தான். பிள்ளைகளின் எதிர்கால நலன் கருதிய திட்டங்களை நிறைவேற்றுவதில் இருந்த இடையூறுகள் அகலும். அதே நேரத்தில் கர்ம ஸ்தானத்தில் சனி சஞ்சரிப்பதால் பெற்றோர்களின் உடல் நலத்தில் கவனம் தேவை.

6-ல் ராகு இருப்பதால் பணப்பற்றாக்குறை அகலும். மறைந்த ராகுவால் நிறைந்த தனலாபம் கிடைக்கும் என்பது ஜோதிட சாஸ்திர நியதி. எனவே பாக்கிகள் வசூலாகி பரவசப்படுத்தும். மாற்றினத்தவர்களின் ஒத்துழைப்போடு உங்கள் கூட்டு முயற்சிகளில் வெற்றி கிடைக்கும். மறைமுக எதிரிகள் விலகுவர். உடல் ஆரோக்கியத்தில் இருந்த தொல்லை அகலும்.

செவ்வாய், அஷ்டமத்தில் சஞ்சரிக்கிறார். எனவே வாகனங்களில் கூடுதல் கவனத்துடன் செல்வது நல்லது. குரு பார்வை உங்கள் ராசியில் பதிவதால் பயப்படத் தேவையில்லை. மலைபோல் வந்த துயர் பனி போல் விலகும் என்று சொல்லலாம். பழைய வாகனங்களில் பழுதுச் செலவுகள் அதிகரிக்கலாம். எனவே அதைக் கொடுத்துவிட்டுப் புதிய வாகனங்கள் வாங்கும் முயற்சியில் ஆர்வம் காட்டுவீர்கள். உடன்பிறப்புகள் உங்களை விட்டு விலகிச் செல்ல நேரிடலாம். இருப்பினும் செவ்வாய் பெயர்ச்சிக்குப் பிறகு அவர்கள் மீண்டும் வந்திணைவர்.

சூரிய, சனி சேர்க்கைக்குப் பரிகாரமாக பிரதோஷ காலத்தில் நந்தியம்பெருமானை வழிபடுவதோடு அனுமன் வழிபாட்டையும், சிவபெருமான் வழிபாட்டையும் மேற்கொள்ளுங்கள். கார்த்திகைத் திருநாளில் வேலவனை வழிபடுவது நல்லது.

விருச்சிக சுக்ரனின் சஞ்சாரம்!

நவம்பர் 28-ந் தேதி விருச்சிக ராசிக்கு சுக்ரன் செல் கிறார். 4,9 ஆகிய இடங்களுக்கு அதிபதியான சுக்ரன் தொழில் ஸ்தானத்தில் சஞ்சரிப்பது யோகம்தான். பெற்றோர் வழியில் பிரியம் கூடும். தொழில் தொடங்கவோ, தொழிலை விரிவு செய்யவோ போதுமான மூலதனம் இல்லையே என்று கவலைப்பட்டவர்களுக்கு, இப்பொழுது தாய், தந்தையர் வழியில் கூட உதவிகள் கிடைக்கலாம். வாங்கிய இடத்தை விற்றுவிட்டு தொழிலுக்கான மூல தனத்தை வரவழைத்துக் கொள்ளலாம். விலை உயர்ந்த பொருட்களை வாங்குவதில் ஆர்வம் காட்டுவீர்கள்.

செவ்வாய் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் செல் கிறார். அஷ்டமாதிபதி செவ்வாய் விலகுவதால் ஆரோக்கியம் சீராகும். உற்சாகத்தோடு பணிபுரிவீர்கள். தனவரவில் இருந்த தடைகள் அகலும். தொழிலில் எதிர்பார்த்ததைக் காட்டிலும் கூடுதல் லாபம் கிடைக்கும். என்றைக்கோ வாங்கிப் போட்ட சொத்து நல்ல விலைக்கு விற்று மிதமிஞ்சிய பொருளாதாரத்தைக் கொடுக்கும். 3-க்கு அதிபதி 9-ல் சஞ்சரிக்கும் பொழுது, சகோதர சச்சரவுகள் அகலும். வழக்கில் வெற்றி கிடைக்கும். சம்பள உயர்வு, உத்தியோக உயர்வு வந்து சேரும். ஆலய வழிபாட்டில் ஆர்வம் காட்டுவீர்கள்.

புதனின் வக்ர இயக்கம்!

நவம்பர் 25-ந் தேதி முதல் டிசம்பர் 12-ந் தேதி வரை புதன் வக்ர இயக்கத்தில் இருக்கிறார். பஞ்சம அஷ்டமாதி பதி வக்ரம் பெறுவது அவ்வளவு நல்லதல்ல. பிள்ளைகளின் வழியாக ஒரு பெரும் விரயம் ஏற்படலாம். பிள்ளைகளை உங்கள் மேற்பார்வையில் வைத்துக்கொள்வது நல்லது. இனம்புரியாத கவலை மனதில் இடம்பெறும். எந்த வேலையையும் ஒருமுறைக்கு இருமுறை செய்யும் சூழ்நிலை உருவாகும்.

இம்மாதம் ஆதியந்தப் பிரபு வழிபாட்டை மேற்கொள்வது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 17,18,21,22,29,30 டிசம்பர்: 4,5,12,14

மகிழ்ச்சி தரும் வண்ணம்:- ஆனந்தா நீலம்.

மங்கையர்களுக்கான பலன்கள்!

குரு பார்வை உங்கள் ராசியில் பதிவதால் குழப்பங்கள் தீரும். கொள்கைப் பிடிப்போடு செயல்படுவீர்கள். கல்யாணக் கனவுகள் நனவாகும். பணப்புழக்கம் அதிகரிக்கும். கணவன்-மனைவிக்குள் ஒற்றுமை பலப்படும். உறவினர்களில் ஒரு சிலர் உங்களுக்கு உறுதுணையாக இருப்பர். தாய்வழி ஆதரவு உண்டு. நகை வாங்குவதில் கவனம் செலுத்துவீர்கள். உத்தியோகத்தில் உள்ளவர்களுக்கு சம்பள உயர்வு பற்றிய சந்தோஷத் தகவல் வந்து சேரும். வாகனம் வாங்க எதிர்பார்த்த சலுகைகள் கிடைக்கும். வள்ளி மணவாளன் வழிபாடு வளர்ச்சியைக் கூட்டும் என்பதால், கார்த்திகை திருநாள் அன்று தீபமேற்றித் தரிசனம் செய்யுங்கள்.

நல்ல யோசனைகளை அள்ளி வழங்கும் மீன ராசி அன்பர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு, அஷ்டமத்தில் சஞ்சரிக்கிறார். அவரோடு அஷ்டமாதிபதி சுக்ரனும் இணைந்திருக்கிறார். எனவே விரயங்கள் அதிகரிக்கும். குடும்பச்சுமை கூடும். பணத்தேவைகள் கடைசி நேரத்தில் பூர்த்தியாகலாம். தொழில், உத்தியோகத்தில் எதிர்பாராத மாற்றங்கள் ஏற்படும்.

பஞ்சம ஸ்தானத்தில் ராகுவும், லாப ஸ்தானத்தில் கேதுவும் சஞ்சரிக்கிறார்கள். எனவே பிள்ளைகளால் சில விரயங்கள் ஏற்படலாம். வெளியூரில் வசிக்கும் பிள்ளைகளாக இருந்தால், அவர்களின் முன்னேற்றத்தில் அடிக்கடி தொடர்பு வைத்துக்கொள்வது நல்லது. ஞானகாரகன் கேது 11-ல் இருப்பதால் ஆன்மிகப் பயணங்கள் அதிகரிக்கும். புனித யாத்திரைகள் செல்லும் யோகமும் உண்டு. முன்னோர்கள் கட்டிய கோவில்களை நிர்வகிக்கும் பொறுப்பு ஒருசிலருக்கு வந்து சேரலாம்.

விரயாதிபதி சனி 9-ம் இடத்தில் சஞ்சரிப்பதால், முன்னோர்கள் வழி சொத்துகளில் முறையான பங்கீடு கிடைத்தாலும், அதை விலைக்கு கொடுத்துவிட்டுப் புதிய இடம் வாங்குவதில் ஆர்வம் காட்டுவீர்கள். ஒருசிலர் வசிக்கும்இடத்திலேயே வீடு வாங்க முன்வருவர். செவ்வாய் பலம் 7-ல் இருப்பதால் இடம், பூமி சேர்க்கை ஏற்படும். சகோதர வர்க்கத்தினரின் ஒத்துழைப்போடு பாதியில் நின்ற பணிகளை மீதியும் தொடருவீர்கள்.

செவ்வாய் பெயர்ச்சிக்குப் பிறகு கொஞ்சம் கூடுதல் விழிப்புணர்ச்சியுடன் செயல்பட வேண்டிய நேரமாகும். அஷ்டமத்தில் செவ்வாய், சுக்ரன், குரு ஆகியவை இணைவது அவ்வளவு நல்லதல்ல. பல வாய்ப்புகள் கைநழுவிச் செல்லலாம். முன்கோபம் அதிகரிக்கும். முன்னேற்றத்தில் எவ்வளவு அக்கறையோடு இருந்தாலும், செயல்படுவதில் சிரமங்கள் வரலாம். அரசியல் மற்றும் பொதுநலத்தில் இருப் பவர்களுக்கு பொறுப்புகள் திடீரென மாற்றப்படலாம்.

முக்கியமான கிரகங்கள் சாதகமற்ற நிலையில் உலா வருவதால், எந்த நேரமும் விழிப்புணர்ச்சியோடு இருப்பது நல்லது. எதிர்பார்ப்புகளைக் குறைத்துக் கொள்ளும் சூழ்நிலை உருவாகும்.

வியாழன் தோறும் குருபகவான் வழிபாடும், செவ்வாய் தோறும் முருகப்பெருமான் வழிபாட்டையும் மேற்கொள்வது நல்லது. திருக்கார்த்திகை திருநாளில் முருகப் பெருமான் வழிபாட்டை மேற்கொள்வதன் மூலம் துயரங்கள் துள்ளி ஓடும்.

விருச்சிக சுக்ரனின் சஞ்சாரம்!

நவம்பர் 28-ந் தேதி விருச்சிக ராசிக்குச் சுக்ரன் செல்கிறார். 3,8-க்கு அதிபதி 9-ம் இடத்தில் சஞ்சரிக்கும் பொழுது விலகிச் சென்ற சகோதரர்கள் விரும்பி வந்திணைவர். வழக்குகளில் வெற்றி கிடைக்கும். பயணங் களில் சந்திக்கும் நபர்களால் பணத்தேவைகள் பூர்த்தியாகும். புதிய வாகனங்களை வாங்குவதில் கவனம் செலுத்துவீர்கள். ஆடை, ஆபரண சேர்க்கை உண்டு. பெண்வழிப் பிரச்சினை நல்ல முடிவிற்கு வரும்.

செவ்வாய்ப் பெயர்ச்சிக் காலம்!

டிசம்பர் 2-ந் தேதி துலாம் ராசிக்குச் செவ்வாய் பெயர்ச்சி யாகிறார். உங்கள் ராசிக்கு 2,9 ஆகிய இடங்களுக்கு அதிபதியானவர் செவ்வாய். அவர் அஷ்டமத்தில் சஞ்சரிப்பது அவ்வளவு நல்லதல்ல. தன வரவில் சில தடைகள் ஏற்படலாம். மறைமுக எதிர்ப்புகள் மேலோங்கும். எவ்வளவுதான் முயற்சி செய்தாலும் காரியங்கள் முடியவில்லையே என்று கவலைப்படுவீர்கள். எலும்பு, நரம்பு சம்பந்தப்பட்ட பாதிப்புகள் ஏற்பட்டு அகலும். கட்டிடப் பணியை தொடர முடியாமல் போகலாம். உதவுவதாகச் சொன்னவர்கள் கடைசி நேரத்தில் கையை விரிப்பர்.

புதனின் வக்ர இயக்கம்!

நவம்பர் 25-ந் தேதி முதல் டிசம்பர் 12-ந் தேதி வரை புதன் வக்ர இயக்கத்தில் இருக்கிறார். இக்காலம் ஒரு இனிய காலமாகவே அமையும். கேந்திராதிபத்ய தோஷம் பெற்ற கிரகங்கள் வக்ர காலத்தில் தான் யோகங்களைக் கொடுக்கும். எனவே கல்யாண வாய்ப்புகள் கைகூடி வரலாம். கல்விக்காக எடுத்த முயற்சியில் பலன் கிடைக் கும். தாய்வழி ஆதரவு உண்டு. பங்காளிப் பகை மாறும். உத்தியோக முயற்சி வெற்றி தரும். தொழில் செய்பவர்கள் பழைய கூட்டாளிகள் விலகினால், புதிய பங்குதாரர்களை இணைத்துக் கொள்ள வழிபிறக்கும்.

இம்மாதம் பிரதோஷத்தன்று நந்தியை வழிபடுவது நல்லது.

பணத்தேவையைப் பூர்த்தி செய்யும் நாட்கள்:-

நவம்பர்: 19,20,25,26, டிசம்பர்:1,2,6,15

மகிழ்ச்சி தரும் வண்ணம்:- மஞ்சள்.

மங்கையர்களுக்கான பலன்கள்!

விரயங்கள் அதிகரிக்கும் மாதம் இதுவாகும். யாரையும் நம்பிச் செயல்பட இயலாது. பணத் தேவைகள் கடைசி நேரத்தில் பூர்த்தியாகும். கணவன்-மனைவிக்குள் கருத்து வேறுபாடுகள் அகல, ஒருவருக்கொருவர் விட்டுக் கொடுத்துச் செல்வது நல்லது. பணப் பற்றாக்குறையை சமாளிக்க பிறர் கையை எதிர்பார்க்கும் நிலை வரலாம். தன்னம்பிக்கையைத் தளரவிடாமல் பார்த்துக் கொள்வது நல்லது. பிள்ளைகளை உங்கள் மேற்பார்வையில் வைத்துக்கொள்ளுங்கள். வீட்டிற்குத் தேவையான விலை உயர்ந்த பொருட்களை வாங்குவதில் கவனம் செலுத்துவீர்கள். உத்தியோகத்தில் உள்ளவர் களுக்கு வரும் மாற்றங்களை ஏற்றுக் கொள்ளும் சூழ்நிலை உருவாகும். சண்முகப் பெருமான் வழிபாடு சந்தோஷத்தை வழங்கும்.

அருகில் இருப்பவர்களை அனுசரித்துச் செல்லும் மேஷ ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதன் செவ்வாய் 6-ம் இடத்தில் சஞ்சரிக்கிறார். செவ்வாய் உங்கள் ராசிக்கு 8-ம் இடத்திற்கு அதிபதியாவார். 8-ம் இடத்திற்கு அதிபதி 6-ம் இடத்தில் சஞ்சரிக்கும் பொழுது, சில நல்ல வாய்ப்புகள் நாடிவரும். நீண்ட நாட்களாக முடிவடையாமல் இருந்த ஒரு காரியம், இப்பொழுது தானாக முடிவடையப் போகிறது.

முயற்சி எடுக்காமலேயே பல காரியங்கள் முடிவடையும் நேரம் இது. குறிப்பாக எதிர்ப்பு, வியாதி, கடன் என்று வர்ணிக்கப்படும் இடமான 6-ம் இடத்தில் செவ்வாய் இருப்பதால், எதிரிகள் விலகுவார்கள். வியாபாரப் போட்டிகள் அகலும்.

உங்களோடு கூட்டுத்தொழில் செய்பவர்கள், விலகிக்கொள்ளலாம் என்று இதுவரை நினைத்திருக்கலாம். ஆனால் இப்போது அவர்கள் தங்களின் கருத்தை மாற்றிக்கொண்டு உங்களுடனேயே தொழில் செய்வார்கள். அடிக்கடி ஆரோக்கியப் பாதிப்புகளில் சிக்கித் தவித்த நீங்கள், இனி அனுதினமும் உற்சாகத்தோடு செயல்படப் போகிறீர்கள்.

என்னதான் நமது முயற்சிகள் ஒருபுறம் இருந்தாலும், அதை வெற்றிபெறச் செய்ய இறையருளும் தேவை. அந்த இறையருளை முறையாக நீங்கள் பெற, உங்கள் சுய ஜாதகத்தை ஒருமுறை புரட்டிப் பாருங்கள். அதில் செவ்வாய், சனி, ராகு-கேதுக்களின் தசாபுத்திகள் நடைபெற்றால், விரயங்கள் கூடுதலாக இருக்கும். மனக்குழப்பம் அதிகரிக்கும். இதுபோன்ற நிலை மாறுவதற்காகத்தான் பரிகாரங்கள் செய்வது என்பதை அறிந்து கொள்ளுங்கள். தொழிலில் முதலீடு செய்வதற்காகவோ அல்லது இடம், பூமி வாங்குவதற்காகவோ வங்கியை எதிர்பார்த்து காத்திருப்பவர்களுக்கு, வங்கியில் இருந்து பணம் வந்து சேரக்கூடும்.

அஷ்டமத்துச் சனியின் ஆதிக்கம் இப்பொழுது ஓரளவு குறைந்திருக்கிறது. என்றாலும் அது விலகும் வரை கொஞ்சம் பொறுமையைக் கடைப்பிடிப்பதே நல்லது. டிசம்பர் 19-ந் தேதி சனி விலகப் போகிறது. அதுவரை ஒவ்வொரு சனிக்கிழமையும் ஆஞ்சநேயருக்கு வெற்றிலை மாலை அணிவித்து வழிபாடு செய்யலாம். அனுமன் வழிபாடு அல்லல்களைப் போக்கும். மாதத் தொடக்கத்தில் தீபாவளித் திருநாள் வருகிறது. அன்றைய தினம் உங்களுக்குரிய அதிர்ஷ்ட வண்ணத்தில் ஆடை எடுத்து, குடும்பப் பெரியவர்களின் ஆசியுடன் அதை வாங்கி அணிந்து கொண்டு ஆலய வழிபாட்டை மேற்கொள்ளுங்கள்.

குருவின் பார்வை உங்கள் ராசியில் பதிவதால், வியாழக்கிழமை தோறும் குருவை வழிபட்டு வந்தால் வெற்றிகளை வரவழைத்துக்கொள்ள இயலும்.

விருச்சிக புதன் சஞ்சாரம்

அக்டோபர் 28-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு 3,6-க்கு அதிபதியான புதன், அஷ்டமத்தில் சஞ்சரிக்கும் பொழுது மறைந்த புதனால் நிறைந்த தன லாபம் கிடைக்கும். எதை எந்த நேரத்தில் செய்ய வேண்டும் என்று நினைத்தீர்களோ, அதை அந்த நேரத்தில் கச்சிதமாக செய்து முடிப்பீர்கள். தொழிலில் இருந்து வந்த தொல்லைகள் அகலும். புதிய ஒப்பந்தங்கள் வந்து சேரும். வருமானம் எதிர்பார்த்ததை விட அதிகமாகும். மாமன், மைத்துனர் வழியில் மங்கல நிகழ்ச்சிகள் நடைபெறுவதற்கான அறிகுறிகள் தென்படும். கரைந்த சேமிப்பை ஈடுகட்டுவீர்கள்.

சுக்ர பெயர்ச்சிக் காலம்

இதுவரை கன்னி ராசியில் நீச்சம் பெற்றிருந்த சுக்ரன், துலாம் ராசிக்கு நவம்பர் 3-ந் தேதி வருகிறார். துலாம் ராசி, சுக்ரனுக்கு சொந்த வீடாகும். உங்கள் ராசிக்கு 7-ம் இடத்திற்கும், 2-ம் இடத்திற்கும் அதிபதியானவர் சுக்ரன். அவர் தனது சொந்த வீட்டில் சஞ்சரிக்கும்பொழுது, கல்யாண வாய்ப்புகள் கைகூடும். கடல் தாண்டிச் செல்லும் முயற்சியும் அனுகூலமாக அமையும். பெண் வழிப் பிரச்சினைகள் அகலும். தங்கம், வெள்ளி வாங்குவதில் தனிக் கவனம் செலுத்துவீர்கள். விலகிச் சென்றவர்கள் விரும்பி வந்து இணைவர். குடும்பத்தில் இருந்த பிரச்சினைகள் நல்ல முடிவிற்கு வரும்.

இம்மாத செவ்வாய்க்கிழமை தோறும் முருகப்பெருமானை வழிபட்டு வருவது நல்லது. சஷ்டி விரதமிருப்பதன் மூலம் சகல பாக்கியங்களையும் வரவழைத்துக் கொள்ள இயலும்.

பணத்தேவையைப் பூர்த்தி செய்யும் நாட்கள்:-

அக்டோபர்: 25,26,30,31 நவம்பர்: 5,6,10,11.

மகிழ்ச்சி தரும் வண்ணம்:- மஞ்சள்.

மங்கையர்களுக்கான பலன்கள்!

மேஷ ராசியில் பிறந்த பெண்களுக்கு, எதிர்பார்த்த காரியங்கள் எதிர்பார்த்தபடியே நடைபெறும் மாதம் இது. உங்களை விட்டு விலகிச் சென்றவர்கள் விரும்பி வந்து சேருவர். புதிய முயற்சிகளில் வெற்றி கிடைக்கும். பொருளாதாரப் பற்றாக்குறை அகலும். கணவன்-மனைவிக்குள் பாசமும், நேசமும் கூடும். தங்கம், வெள்ளி மற்றும் ஆடை, ஆபரண சேர்க்கை அதிகரிக்கும். குடும்ப உறுப்பினர்கள் உங்கள் குணமறிந்து செயல்படுவர். பெற்றோர்களின் பாசம் கூடுதலாகக் கிடைக்கும். உத்தியோகத்தில் உள்ளவர்களுக்கு உயர்பதவிகள் உருவாவதற்கான அறிகுறிகள் தென்படும். பிரதோஷ வழிபாடு பெருமை சேர்க்கும்.

உழைத்தால் உயர்வு கிடைக்கும் என்று சொல்லும் ரிஷப ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் நீச்சம் பெற்றிருக்கிறார். அவரோடு சந்திரன், செவ்வாய் ஆகிய இரண்டு கிரகங்களும் இணைந்து சந்திர- மங்கள யோகத்தை உருவாக்குகிறார்கள். எனவே சுப விரயங்கள் அதிகரிக்கும். ஆரோக்கியத் தொல்லை ஓரளவு குறையும். குடும்பத்தினரின் தேவைகளை எல்லாம் பூர்த்தி செய்ய ஒரு பெரும் தொகையைச் செலவிடும் சூழ்நிலை மாதத் தொடக்கத்திலேயே உருவாகும்.

உடன்பிறப்புகளோடு கூட்டுத் தொழில் வைத்திருப்போர், அதிலிருந்து விடுபட நேரிடும். உடன் பிறப்புகள் தம் பங்கைப் பிரித்துக் கொடுக்கச் சொல்லி வற்புறுத்துவர். வாங்கல்- கொடுக்கல்களை ஒழுங்கு செய்துகொள்ள போதுமான தொகை இல்லையே என்ற சொத்துகளை விற்கக்கூடிய சூழ்நிலை கூட ஒருசிலருக்கு ஏற்படலாம்.

குரு பகவான் 6-ல் சஞ்சரிக்கிறார். ‘6-ல் குரு வந்தால் ஊரில் பகை உருவாகும்’ என்பார்கள். எனவே அடுத்த வீடு, பக்கத்து வீட்டாருடன் இல்லாமல் அண்டி வந்தவர் களுடனும் பகை ஏற்படாமல் பார்த்துக்கொள்ளுங்கள். அதே நேரத்தில் குருவினுடைய பார்வை உங்களுடைய ராசிக்கு 12-ம் இடமான விரய ஸ்தானத்திலும் பதிகின்றது. வாக்கு, தனம், குடும்பம் ஆகியவற்றைக் குறிக்கும் இடமான இரண்டாம் இடத்திலும் பதிகிறது. எனவே வாங்கல்- கொடுக்கல்கள் ஒழுங்காகும். குழப்பங்கள் அகலும். வருமானம் திருப்திகரமாக இருக்கும். தேங்கிய காரியங்கள் ஒவ்வொன்றாக நடைபெறும். சில்லறை கடன்களில் இருந்து விடுபடுவீர்கள். பயணங்கள் அதிகரிக்கும்.

வெளிநாட்டிற்குச் சென்று உத்தியோகம் பார்க்க ஆசைப்பட்டவர்கள், அதற்காக ஏதேனும் முயற்சிகள் செய்திருந்தால் அது கைகூடும் நேரம் இது. சனியின் ஆதிக்கம் மட்டும் கொஞ்சம் வலுவாக இருக்கிறது. சப்தம ஸ்தானத்தில் சனி உலா வரும்பொழுது எதையும் ஒருமுறைக்குப் பலமுறை யோசித்துச் செய்வது நல்லது. முதல் முயற்சி உங்களுக்கு பலன் தராவிட்டாலும், அடுத்த முயற்சி நல்ல பலனைத் தரும்.

இம்மாதம் தொடக்க நாளிலேயே தீபாவளித் திருநாள் வருகிறது. அன்றைய தினம் அதிர்ஷ்டம் தரும் ஆடைகளை அணிந்து கொண்டு, அருகில் இருக்கும் ஆலயங்களுக்குச் சென்று வழிபட்டு வாருங்கள். பிறகு தீபாவளியை சிறப்பாக கொண்டாடுங்கள். வியாழக்கிழமை தோறும் குருவையும், வெள்ளிக்கிழமை தோறும் அம்பாளையும் வழிபடுங்கள்.

வெற்றியை வழங்கும் விருச்சிக புதன்

அக்டோபர் 28-ந் தேதி விருச்சிகத்திற்கு புதன் செல்கிறார். உங்கள் ராசிக்கு 2,5 ஆகிய இடங்களுக்கு அதிபதியானவர் புதன். அவர் சப்தம ஸ்தானத்திற்கு வரும்பொழுது, சகல நன்மைகளையும் வழங்குவார். குறிப்பாக பணத்தேவைகள் உடனுக்குடன் பூர்த்தியாகும். மாமன், மைத்துனர் வழியில் இருந்த மனக்கசப்புகள் மாறும். வங்கிச் சேமிப்பு உயரும். பயணங்கள் பலன் தருவதாக அமையும். பிள்ளைகளின் கல்யாண வாய்ப்புகள் கைகூடவில்லையே என்று கவலைப்பட்டவர்களுக்கு, இப்பொழுது மகிழ்ச்சியடையும் விதத்தில் நல்ல வரன்கள் வாசல் தேடிவரப் போகிறது.

சுகம் தரும் சுக்ரப் பெயர்ச்சி

நவம்பர் 3-ந் தேதி துலாம் ராசிக்கு சுக்ரன் வரப்போகிறார். இதுவரை சுக்ரன் கன்னி ராசியில் நீச்சம் பெற்றிருந்தார். இப்பொழுது சொந்த வீட்டிற்கு வந்து பலம் பெறுகிறார். எனவே இனி உடல்நிலைத் தொல்லைகள் அகலும். உற்சாகத்தோடு பணிபுரியத் தொடங்குவீர்கள். தங்கம், வெள்ளி, ஆடை-ஆபரண சேர்க்கை உண்டு. பெண்வழிப் பிரச்சினை கள் அகலும். உத்தியோகத்தில் மேலதிகாரிகளின் ஆதரவோடு பதவி உயர்வு காண்பீர்கள். சுக்ர பலம் நன்றாக இருக் கும் பொழுது, அக்கறை செலுத்தாத காரியங்களில் கூட ஆதாயம் கிடைக்கும். எனவே இதுபோன்ற காலங்களில் தொழில் தொடர்பாக முயற்சிகளை எடுப்பது பலனைத் தரும். துணிவும், தன்னம்பிக்கையும் கூடும் நேரம் இது.

இம்மாதம் வெள்ளிக்கிழமை தோறும் அம்பிகை வழிபாட்டை மேற்கொள்ளுங்கள். ஏகாதசி விரதமிருந்து பெருமாளை வழிபட்டால் எடுத்த காரியங்களில் வெற்றி கிடைக்கும்.

பணத்தேவையைப் பூர்த்தி செய்யும் நாட்கள்:-

அக்டோபர்: 28,29, நவம்பர்: 1,2,8,9,12,13

மகிழ்ச்சி தரும் வண்ணம்:- வெளிர்நீலம்.

மங்கையர்களுக்கான பலன்கள்!

முற்பாதியைக் காட்டிலும் பிற்பாதி சிறப்பாக இருக்கும் மாதம் இது. முன்னேற்றப் பாதையில் அடியெடுத்து வைக்க, முக்கியப்புள்ளிகளின் ஒத்துழைப்பு கிடைக்கும். விரயங்கள் கூடுதலாக இருந்தாலும், அதைச் சமாளிக்கும் ஆற்றல் உங்களுக்கு உண்டு. வீடு மாற்றங்கள் உங்களுக்கு விரும்பும் விதத்தில் அமையும். கணவன்-மனைவிக்குள் ஒற்றுமை ஏற்பட விட்டுக் கொடுத்துச் செல்வது நல்லது. ஒரு வரை ஒருவர் புரிந்து கொண்டு செயல்பட்டால் பிரச்சினைகள் ஏற்படாது. பிள்ளைகளின் எதிர்கால நலன்கருதி ஒரு தொகையைச் செலவிடுவீர்கள். உத்தியோகத்தில் உள்ளவர்களுக்குப் பதவி உயர்வும், ஊதிய உயர்வும் எதிர்பார்த்தபடி கிடைக்கும். தாய்வழி ஆதரவு உண்டு. அனுமன் வழிபாடும், பெருமாள், லட்சுமி வழிபாடும் பெருமை சேர்க்கும்.

சமயோசிதமாகப் பேசி காரியங்களைச் சாதிக்கும் மிதுன ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் ராசிநாதன் புதன் சூரியனுடன் இணைந்து புத ஆதித்ய யோகத்தை உருவாக்குகிறார். அவரோடு குருவும் சேர்ந்திருக்கிறார். சூரியன் நீச்சம் பெற்று விளங்குவதால் நீச்சபங்க ராஜயோக அமைப்பு உருவாகிறது.

மாதத் தொடக்கத்தில் பஞ்சம விரயாதிபதியான சுக்ரனும் நீச்சம் பெற்றிருக்கிறார். இப்படிப்பட்ட கிரகங்களை வைத்து பார்க்கின்ற பொழுது, சுபகாரியப் பேச்சுகள் முடிவாகும். துணிவும், தன்னம்பிக்கையும் கூடும். எதிர் கால நலன் கருதி, ஏதேனும் திட்டங்களை நீங்கள் தீட்டியிருந்தால் அவை வெற்றி பெறும்.

தனாதிபதி சந்திரன் 4-ல் சஞ்சரிப்பதாலும், தன ஸ்தானத்தில் ராகு இருப்பதாலும் பணப்புழக்கத்திற்கு குறைவிருக்காது. என்றாலும் ஒருசில சமயங்களில் செலவைக் குறைத்துக் கொள்வது நல்லது.

தொழில் நிமித்தமாக ஒரு சிலருக்கு கடன் சுமை ஏற்படும். தொழிலை விரிவுபடுத்த வங்கிகளை நாடியவர் களுக்கு, வங்கிப் பணம் கிடைக்கலாம். துலாம் ராசிக்குப் பெயர்ச்சியான குரு, இப்பொழுது கொஞ்சம் வலிமை இழந்திருக்கிறார். கேந்திராதிபத்ய தோஷம் பெற்ற கிரகம் வலிமையிழக்கும் பொழுது, யோகத்தைச் செய்யும் என்பார்கள்.

அந்த அடிப்படையில் பார்க்கும் பொழுது, குரு பார்வை இப்பொழுது உங்களுக்கு நன்மையைச் செய்யும் என்றே சொல்லலாம். சென்ற மாதத்தில் நடைபெறாத சில காரியங்கள், இப்பொழுது நடைபெறும். பத்திரப் பதிவுகளில் இருந்த தடைகள் விலகும். கட்டிடப் பணி பாதியில் நிற்கின்றதே, பழைய கட்டிடங்களைப் பழுதுபார்க்க வாய்ப்பு கள் கைகூடவில்லையே என்று கவலைப்பட்டவர்களுக்கு இப்பொழுது நல்ல நேரம் தொடங்கப் போகின்றது.

சுபவிரயங்கள் அதிகரிக்கும் நேரம் இது என்பதால், நாளும் பொழுதும் நல்ல விரயங்கள் வந்து கொண்டே இருக்கும். அவற்றைப் பரிசீலனை செய்து பட்டியிலிட்டு வைத்துக்கொண்டு, பிள்ளைகளின் வெளிநாட்டு யோகம் முதல் கல்யாண காரியங்கள் வரை அத்தியாவசியத் தேவைகளையெல்லாம் அடுக்கடுக்காகச் செய்துமுடிப்பீர்கள். குருவினுடைய பார்வை லாப ஸ்தானத்தில் பதிவதால் திட்டமிட்ட காரியங்கள் திட்டமிட்டபடியே நடைபெறும்.

இம்மாதம் கந்தசஷ்டி விழா வருகிறது. பொதுவாக உங்கள் ராசிக்கு 6,11-க்கு அதிபதியானவர் செவ்வாய். அந்த செவ்வாய்க்குரிய முருகப்பெருமானை விரதமிருந்து வழிபட்டால் வேண்டிய நற்பலன்கள் உங்களுக்கு கிடைக்கும். வாயப்புகளை வரவழைத்துக் கொடுப்பது வழிபாடுகள்தான் என்பதை அனுபவத்தில் தான் உணரமுடியும்.

விருச்சிக புதனின் சஞ்சாரம்!

அக்டோபர் 28-ந் தேதி விருச்சிகத்திற்கு புதன் வரப் போகின்றார். மறைந்த புதனால் நிறைந்த தனலாபம் உங்களுக்கு கிடைக்கும். மக்கள் செல்வங்களின் எதிர்கால நலன் கருதி தீட்டிய திட்டங்கள் வெற்றிபெறும். தாய்வழி ஆதரவு உண்டு. இடம், பூமி விற்பனையில் இதுவரை இருந்த தடைகள் அகலும். வாழ்க்கைத் தேவைகளைப் பூர்த்தி செய்து கொள்ள வள்ளல்களின் ஒத்துழைப்பு கிடைக்கும். உத்தியோகத்தில் எதிர்பார்த்த மாற்றங்கள் ஒருசிலருக்கு வந்து சேரும். பழைய உத்தியோகத்தி லிருந்து விடுபட்டு புதிய உத்தியோகத்திற்கு முயற்சி செய்தவர் களுக்கு நல்ல வேலை கிடைக்கும்.

சுகம் தரும் சுக்ரப் பெயர்ச்சி!

உங்கள் ராசிக்கு 5,12 ஆகிய இடங்களுக்கு அதிபதியானவர் சுக்ரன் அவர் இதுவரை நீச்சம் பெற்று வலிமையடைந்து கன்னி ராசியில் சஞ்சரித்து வந்தார். அவர் நவம்பர் 3-ந் தேதி துலாம் ராசிக்குத் தனது சொந்த வீட்டிற்கு வருகின்றார். இது ஒரு அற்புதமான நேரமாகும் பாக்ய ஸ்தானத்தில் பாக்யாதிபதி வலிமை பெற்றிருக்கும். இந்த நேரத்தில் நினைத்தது நிறைவேறும். நிகழ்காலத் தேவைகள் பூர்த்தியாகும். பூர்வீக சொத்துக்களில்இருந்த பஞ்சாயத்துக்கள் நல்ல முடிவிற்கு வரும்.

இம்மாதம் புதன்கிழமை தோறும் பெருமாள் வழிபாட்டை மேற்கொள்ளுங்கள். சங்கடஹர சதுர்த்தி விரதமிருப்பதன் மூலம் சங்கடங்களில் இருந்து விடுபட இயலும்.

பணத்தேவையைப் பூர்த்தி செய்யும் நாட்கள்:-

அக்டோபர்: 18,19,29,30 நவம்பர்: 3,4,10,11

மகிழ்ச்சி தரும் வண்ணம்: வெளிர்பச்சை.

மங்கையர்களுக்கான பலன்கள்!

மிதுன ராசியில் பிறந்த பெண்களுக்கு, மிகச்சிறந்த நற்பலன்கள் கிடைக்கும். காரணம் குரு பார்வையும் இருக்கிறது; தன ஸ்தானத்தில் ராகுவும் சஞ்சரிக்கிறார். எனவே பணப்புழக்கம் அதிகரிக்கும். பக்குவமாகப் பேசிக் காரியங்களைச் சாதித்துக் கொள்வீர்கள். சிக்கல்கள் விலகும், சிரமங்கள் குறையும். தக்க சமயத்தில் தாய் வழி ஆதரவு கிடைக்கும். கணவன்-மனைவிக்குள் ஒற்றுமை பலப் படும். கைநிறையச் சம்பளம் வாங்கும் யோகமும், பதவி உயர்வும் கிடைக்கும். பிள்ளைகளின் முன்னேற்றம் கண்டு பெருமைப்படுவீர்கள். 8-ல் கேது இருப்பதால் சர்ப்ப தோஷமும் இருக்கிறது. எனவே நாகசாந்திப் பரிகாரங்களை யோகபலம் பெற்ற நாளில் செய்து கொள்வது நல்லது. பொதுநலத்தில் இருப்பவர்களுக்கு பொறுப்புகள் கிடைக்கும். கிருஷ்ணர் வழிபாடு கீர்த்தியை வழங்கும்.

பொதுநலத்தில் புகழ்குவிக்க விரும்பும் கடக ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, ஜென்மத்தில் ராகுவும், சப்தம ஸ்தானத்தில் கேதுவும் வீற்றிருக்கிறார்கள். பாம்பு கிரகங்களின் ஆதிக்கம் இருப்பதால், வரவும் செலவும் சமமாகவே இருக்கும். வாய்ப்புகளில் ஒன்றிரண்டு கைநழுவிப் போகலாம். முயற்சியின் பெயரிலேயே சில காரியங்கள் முடிவடையும். இருந்தாலும் நீங்கள் தளர்ச்சியடைய வேண்டாம். சுய ஜாதகத்தின் அடிப்படையில் தசாபுத்திக்கேற்ற தெய்வங்களை வழிபடுவதோடு, ராகு-கேது பிரீதி செய்வது தடைகளை விலக்கும்.

மாதத் தொடக்கத்தில் சந்திரன் சகாய ஸ்தானத்தில் இருக்கிறார். அவரோடு யோகம் தரும் செவ்வாயும் இணைந்திருக்கிறார். சுக்ரன் நீச்சம் பெற்றிருப்பதும் ஒரு வகைக்கு நன்மைதான். இப்படிப்பட்ட கிரக நிலைகளின் விளைவாக தொழில் சீராக இருக்கும். உடன்பிறப்புகள் உங்கள் முன்னேற்றத்திற்கு உறுதுணையாக இருப்பார்கள். கடன் சுமையைத் தீர்த்துக் கொள்ளும் வாய்ப்பு உருவாகும்.

அர்த்தாஷ்டமச் சனியின் ஆதிக்கம் இருப்பதால், ஆரோக்கியத் தொல்லைகள் வந்து போகும். இதுபோன்ற காலங்களில் நோய்க்கான அறிகுறி தென்படும் பொழுதே, மருத்துவ ஆலோசனைகளைப் பெறுவது நல்லது. திட்டமிட்ட காரியங்களில் திடீர் மாற்றம் செய்வீர்கள். புதிய வாகனம் வாங்கும் முயற்சியில் ஆர்வம் காட்டுவீர்கள்.

சனியின் பலம் நன்றாக இருக்கிறது. பஞ்சம ஸ்தானத்தில் சனி சஞ்சரிக்கும் பொழுது, பூர்வ புண்ணிய பலன்கள் நிறைய வந்து சேரும். குறிப்பாக பஞ்சாயத்துகள் நல்ல முடிவிற்கு வரும். பரம்பரை கோவில் திருப்பணியை, குதூகலமாக முன்னின்று நடத்த வாய்ப்புகள் கைகூடிவரும். பிள்ளைகளின் எதிர்கால நலன்கருதி நீங்கள் எடுத்த முயற்சியால் பலன் உண்டாகும்.

பெண் பிள்ளைகளின் கல்யாண வாய்ப்புகளைக் கருதியும், கல்வி நலன் கருதியும் செய்த முயற்சி கை கூடும். திருமணச் சீர்வரிசைக்காக விலையுயர்ந்த பொருட்களை வாங்குவதில் கவனம் செலுத்துவீர்கள்.

இம்மாதத் தொடக்கத்தில் வரும் தீபாவளித் திரு நாளான்று, உங்களுக்கு யோகம் தரும் வண்ணத்தில் ஆடைகளை அணிந்து கொண்டு ஆலயங்களுக்குச் சென்று, சிவன், விஷ்ணுவை வழிபடுங்கள். நாகத்தை அணிந்த பெண் தெய்வ வழிபாடுகளை மேற்கொள்வதும் நல்லது.

விருச்சிக புதனின் சஞ்சாரம்

அக்டோபர் 28-ந் தேதி விருச்சிக ராசிக்குப் புதன் வரப்போகிறார். உங்கள் ராசிக்கு 3,12 ஆகிய இடங் களுக்கு அதிபதியானவர் புதன். சகாய ஸ்தானதி பதியாக விளங்கும் புதன், புத்திர ஸ்தானத்தில் சஞ்சரிக்கும் பொழுது, பிள்ளைகளால் சகாயங்கள் கிடைக்கும். பிரச்சினைகளில் இருந்து விடுபடுவீர்கள். நல்ல வாய்ப்புகள் இல்லம் தேடிவரும். நாடு மாற்றங்களும், வீடு மாற்றங்களும் நம்பிக்கை தருவதாக அமையும். மாமன், மைத்துனர் வழியில் நடைபெறும் மங்கல நிகழ்ச்சிகளை முன்னின்று நடத்துவீர்கள். சேமிப்பில் சிறிது கரைந்தாலும் அது நல்ல செலவாகவே இருக்கும்.

துலாத்தில் சஞ்சரிக்கும் சுக்ரன்

இதுவரை சுக்ரன் கன்னி ராசியில் நீச்சம் பெற்று சஞ்சரித்து வந்தார். இப்பொழுது நவம்பர் 3-ந் தேதி துலாம் ராசிக்கு அடியெடுத்து வைக்கிறார். அந்த வீடு சுக்ரனுக்குச் சொந்த வீடாகும். எனவே சுக ஸ்தானம் பலப்படுகிறது. ஆரோக்கியத் தொல்லை அகலும். உற்சாகத்தோடு பணிபுரிவீர்கள். வாழ்க்கைத் தேவைகள் படிப்படியாகப் பூர்த்தியாகும். வெளிநாடு சென்று பணிபுரிய இதுவரை அங்கீகாரம் கிடைக்காதவர்களுக்கு, இப்பொழுது அதற்கான உத்தரவாதம் கிடைக்கும்.

இளைய சகோதரத்தோடு இணக்கம் ஏற்படும். பெற்றோர்களின் மணி விழா, முத்து விழா, பவள விழாக்களை நடத்திப் பார்க்கும் நேரம் இது. சுபச்செய்திகள் வீட்டை முற்றுகையிடும். தாய்வழி ஆதரவு தக்க விதத்தில் கிடைக்கும். என்றைக்கோ வாங்கிப் போட்ட பூமி, இப் பொழுது நல்ல விலைக்கு விற்பனையாகி, கைகளில் பணம் புரளும். நிலத்தால் வந்த பணத்தைக் கொண்டு புதிய சொத்துகளை வாங்க ஆர்வம் காட்டுவீர்கள். பங்காளிப் பகை மாறும். நாட்டுப்பற்று மிக்கவர்கள், நல்ல தகவல்களைக் கொண்டு வந்து சேர்ப்பர்.

இம்மாதம் வியாழக்கிழமை தோறும் குரு பகவானை வழிபட்டு வருவது நல்லது. அமாவாசையன்று முன்னோர் வழிபாட்டை முறையாக மேற்கொள்ளுங்கள்.

பணத்தேவையைப் பூர்த்தி செய்யும் நாட்கள்:-

அக்டோபர்: 20,21 நவம்பர்: 1,2,5,6,12,13

மகிழ்ச்சி தரும் வண்ணம்:- பொன்னிற மஞ்சள்.

மங்கையர்களுக்கான பலன்கள்!

கடக ராசியில் பிறந்த பெண்களுக்கு, பொருளாதார நிலை சிறப்பாக இருக்கும். புதிய வாய்ப்புகள் வந்து சேரும். அதிகார வர்க்கத்தினரின் ஒத்துழைப்போடு நல்ல பலன்களைக் காண்பீர்கள். கணவன்-மனைவி உறவு திருப்தி தரும். பிள்ளைகளின் நலன் கருதிப் புதிய திட்டங்களைத் தீட்டுவீர்கள். தாயின் உடல்நலம் சீராகும். உத்தியோகத்தில் உள்ளவர்களுக்கு உடன் பணிபுரிபவர்களால் ஏற்பட்ட தொல்லை அகலும். ஊதிய உயர்வு மட்டுமல்லாமல், வரவேண்டிய சம்பளப் பாக்கிகளும் வந்து சேரும். குரு கொஞ்சம் வலிமை இழந்திருப்பதால் வியாழக்கிழமை தோறும் விரதமிருந்து குருவை வழி படுங்கள். அதோடு குலதெய்வ வழிபாட்டையும் மேற்கொள்ளுங்கள். மாதத்தின் பிற்பகுதியில் சுக்ரப்பெயர்ச்சிக்குப் பிறகு உங்களது எதிர்பார்ப்புகள் நிறைவேறும். உடன்பிறப்புகளின் ஒத்துழைப்போடு இல்லத்தில் மங்கல ஓசை கேட்பதற்கான வாய்ப்புகள் கைகூடிவரும்.

நினைத்ததை நினைத்தவுடன் முடிக்க எண்ணும் சிம்ம ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் நீச்சம் பெற்றிருக்கிறார். அவரோடு குரு பகவான் இணைந்திருப்பதால் நீச்ச பங்க ராஜயோகம் செயல்படுகிறது. என்றாலும் சூரிய பலம் குறைவதால் ஆரோக் கியத் தொல்லை அதிகரிக்கும். பொதுவாழ்வில் ஏற்பட்ட வீண் பழி அகல, நீங்கள் எடுத்த புது முயற்சி வெற்றி பெறும். பொருளாதார நிலை திருப்தி தரும் என்றாலும், செலவு கூடுதலாகவே இருக்கும். எதையும் சமாளித்து பழக்கப்பட்டவர்கள் நீங்கள் என்பதால், குடும்பச் சுமையையும் சமாளிப்பீர்கள். கொள்கைப் பிடிப்பை ஒருசில சமயங்களில் தளர்த்திக் கொள்ள நேரிடும்.

புத- ஆதித்ய யோகம் இருப்பதால், கல்வி மற்றும் கலைத்துறை சம்பந்தமாக ஏதேனும் முயற்சி செய்திருந்தால் அது அனுகூலமாகும். மேல்படிப்பு சம்பந்தமாகவோ அல்லது தொழில் படிப்பு சம்பந்தமாகவோ செய்த முயற்சிக்கு பலன் கிடைக்கும் நேரம் இது.

ஜீவன ஸ்தானத்தில் கேது இருந்தாலும், ஸ்தானாதிபதி சனி சுக ஸ்தானத்தில் வீற்றிருப்பதோடு, அதன் பார்வை தொழில் ஸ்தானத்தில் பதிவதால் புதிய தொழில் செய்யும் வாய்ப்பு ஒரு சிலருக்கு உருவாகும். மறைமுக எதிர்ப்புகளை முறியடிக்கவும், மாற்றுக் கருத்துடையோர் மனம் மாறவும் ராகு-கேதுக்களுக்குரிய ஸ்தல வழிபாடுகளையும், சிறப்புப் பரிகாரங்களையும் மேற்கொள்வது நல்லது.

2-ல் செவ்வாய் இருப்பது ஒரு வகைக்கு நன்மைதான். யோகம் செய்யும் கிரகமான செவ்வாய், தன ஸ்தானத்தில் இருப்பதால் வருமானம் திருப்திகரமாக வந்து கொண்டே யிருக்கும். பல வருடங்களாக விற்பனையாகாமல் இருந்த சொத்துகள், இப்பொழுது நல்ல விலைக்கு விற்பதற்கான அறிகுறி தோன்றும். அதன்மூலம் வரும் தொகையைக் கொண்டு வாங்கல்- கொடுக்கல்களை ஒழுங்கு செய்து கொள்ளும் வாய்ப்பு உண்டு.

வீடு மாற்றம், இடமாற்றம், வாகன மாற்றம், உத்தியோக மாற்றம் என்று பலவித மாற்றங்கள் தேடிவரும் நேரம் இது. வரும் மாற்றங்களை ஏற்றுக் கொள்ளக்கூடிய சூழல் உருவாகும். ஒரு சிலருக்கு மாற்றங்களால் ஏற்றங்கள் ஏற்படலாம்.

இம்மாதம் தீபாவளித் திருநாள் வருகிறது. அன்றைய தினம் கண்ணபிரான் வழிபாட்டை மேற்கொள்வதோடு, வாரம்தோறும் ஞாயிற்றுக்கிழமை சிவனுக்கு அர்ச்சனை செய்து வழிபட்டு வருவது நல்லது.

விருச்சிக புதனின் சஞ்சாரம்!

அக்டோபர் 28-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு தன லாபாதிபதியாக விளங்குபவர் புதன். அவர் சுக ஸ்தானத்திற்குச் செல்லும் இந்த வேளை இனிய வேளையாகும். சுகங்களும், சந்தோஷங்களும் அதிகரிக்கும். துணிவும், தன்னம்பிக்கையும் கூடும். இதுவரை இழந்தவற்றை எல்லாம் மீண்டும் பெறக்கூடிய நேரம் இது. கடந்த காலத்தில் ஏற்பட்ட சோதனைகளும், வேதனைகளும் மாறும். சாதனைகள் நிகழ்த்தி, சரித்திரத்தில் இடம்பெறும் வாய்ப்பும் ஒரு சிலருக்கு உண்டு. பெற்றோர் வழி ஆதரவோடு தொழிலில் முன்னேற்றம் காண்பீர்கள். விலகிச்சென்ற வரன்கள் மீண்டும் வந்து சேரும்.

சுகம் தரும் சுக்ரப் பெயர்ச்சி

நவம்பர் 3-ந் தேதி துலாம் ராசிக்கு சுக்ரன் வரப்போகிறார். உங்கள் ராசியைப் பொறுத்தவரை சுகஸ்தானத்திற்கும், தொழில் ஸ்தானத்திற்கும் அதிபதியானவர் சுக்ரன். அவர் இதுவரை நீச்சம்பெற்று கன்னி ராசியில் சஞ்சரித்து வந்தார். இப்பொழுது அவர் பலம்பெற்று சொந்த வீட்டில் சஞ்சரிப்பதால் தொழில் வளர்ச்சி சிறப்பாகும். உதாசீனப்படுத்திய உடன்பிறப்புகள் ஓடிவந்து ஒட்டிக்கொள்வர். மளமளவெனக் காரியங்கள் நடக்கும். மதிப்பும், மரியாதையும் உயரும். இனத்தார் பகை மாற எடுத்த முயற்சிகளில் வெற்றி கிடைக்கும். பணத்தேவைகள் உடனுக்குடன் பூர்த்தி யாகும். அரசியலில் இருப்பவர்களுக்கு, அதிகாரத்துவ யோகம் வந்து சேரும். இதுவரை பகை பாராட்டிய மேலதிகாரிகள் இப்பொழுது உங்களுக்கு ஆதரவாக இருப்பர்.

இம்மாதம் ஞாயிற்றுக்கிழமை தோறும் ஆதியந்தப்பிரபு வழிபாட்டை மேற்கொள்ளுங்கள். வெள்ளிக்கிழமை விரதமிருந்து மகாலட்சுமியை வழிபடுவதால் செல்வ நிலை உயரும்.

பணத்தேவையைப் பூர்த்தி செய்யும் நாட்கள்:-

அக்டோபர்: 18,19,22,23, நவம்பர்: 3,4,7,8

மகிழ்ச்சி தரும் வண்ணம்:- பிரவுன்.

மங்கையர்களுக்கான பலன்கள்!

சிம்ம ராசியில் பிறந்த பெண்களுக்கு, சந்தர்ப்பங்கள் சாதகமாக அமையும். நினைத்ததை நினைத்த நேரத்தில் செய்து முடிப்பீர்கள். நேசம் மிகுந்த உறவினர் களால் நல்ல காரியம் ஒன்று இல்லத்தில் நடைபெறும். செய்து வரும் தொழிலை மாற்றலாமா? என்று யோசிப்பீர்கள். கணவன்-மனைவிக்குள் விட்டுக்கொடுத்துச் செல்வது நல்லது. ஒருவரை ஒருவர் புரிந்து கொண்டு செயல்பட்டால் சண்டைச் சச்சரவுகள் விலகும். தாழ்வு மனப்பான்மையை அகற்றிக் கொள்ளுங்கள். குடும்பப் பிரச்சினைகளை மூன்றாம் நபரிடம் சொல்லி முறையிடக் கூடாது. பிள்ளைகளால் பெருமை உண்டு. உத்தியோகத்தில் உள்ளவர்களுக்கு வீடு, வாகனம் வாங்கும் முயற்சியில் வெற்றி கிடைக்கும். அர்த்தாஷ்டமச் சனியின் ஆதிக்கம் இருப்பதால் சனிக்கிழமை தோறும் சனி பகவானையும், அனுமனையும் வழிபட்டு வருவது நல்லது.

மதிநுட்பத்தால் மகத்தான காரியங்களைச் செய்யும் கன்னி ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கம் மகிழ்ச்சியாகவே இருக்கிறது. ராசிநாதன் புதன் தன ஸ்தானத்தில் சஞ்சரிக்கிறார். எனவே பணப்புழக்கம் நன்றாக இருக்கும். வாக்கு, தனம், குடும்பம் என்பன போன்றவற்றைத் தெளிவாக எடுத்துரைக்கும் இடமான 2-ம் இடத்தில் குருபகவான் சஞ்சரிப்பதால், வாக்கு மேன்மை, வளர்ச்சி, திருமணத்தடை அகலுதல், தெய்வப் பிரார்த்தனைகளை நிறைவேற்றுதல், சொந்த பந்தங்களால் நன்மை போன்றவற்றை எல்லாம் கொடுக்கும் விதத்தில் கிரக நிலைகள் சாதகமாகவே இருக்கின்றன.

அதே நேரத்தில் உங்கள் ராசிக்கு 12-ம் இடம் எனப் படும் விரய ஸ்தானத்திற்கு அதிபதியான சூரியன் தன ஸ்தானத்தில் இம்மாதம் சஞ்சரிக்கத் தொடங்கியுள்ளார். எனவே விரயங்கள் அதிகரிக்கும். இல்லத்திற்குத் தேவையான அத்தியாவசியப் பொருட்கள் மற்றும் ஆடம்பரப் பொருட்களை வாங்குவதில் அக்கறை காட்டுவீர்கள். நல்ல மனம் படைத்த உறவினர்கள் உங்கள் பணிக்கு உறுதுணையாக இருப்பர். குடும்பத்தில் உள்ளவர்களின் தேவைகளைப் பூர்த்தி செய்ய வாய்ப்புகள் கைகூடிவரும்.

அடகு வைத்த தங்க நகைகளை மீட்பீர்கள். ஆபரணங்கள் வாங்குவதற்காக ஒரு பெரும் தொகையைச் செலவிட்டு மகிழ்வீர்கள். கொடிகட்டிப் பறந்த குடும்பப் பிரச்சினைகள் படிப்படியாகக் குறையும். குலதெய்வப் பிரார்த்தனைகளை நிறைவேற்றுவீர்கள். அரசியல் மற்றும் அதிகார பதவியில் உள்ளவர்களுக்கு எதிர்பார்த்த பொறுப்புகள் கிடைக்கும். புத- ஆதித்ய யோகம் செயல்படுவதால் வங்கிகளில் எதிர்பார்த்த சலுகைகள் தானாகவே வந்து சேரும். வளர்ச்சியில் தளர்ச்சி ஏற்படாமல் இருக்க முயற்சியோடு நின்றுவிடாமல், முழு முதற்கடவுகளையும் வழிபடுவது நல்லது. சுயஜாதகத்தில் தசாபுத்தி பலம் அறிந்து வழிபாடுகளை மேற்கொண்டால் நற் பலன்களை வரவழைத்துக்கொள்ள இயலும்.

பஞ்சம ஸ்தானத்தில் கேது இருப்பதால் பிள்ளைகளால், வாழக்கையில் சில பிரச்சினைகள் உருவாகலாம். பிள்ளைகளை உங்கள் மேற்பார்வையில் வைத்துக் கொள்வது நல்லது. பூர்வீக சொத்துகளில் ஒருசிலருக்கு பிரச்சினைகள் உருவாகும். உடன்பிறப்புகள் உங்கள் குணமறிந்து நடக்கமாட்டார்கள். இது போன்ற நிலை மாற சர்ப்ப சாந்திப் பரிகாரங்களைச் செய்வது நல்லது.

வாரம் தோறும் புதன்கிழமைகளில் வெற்றிலை மாலையை அணிவித்து விஸ்வரூப ஆஞ்சநேயரை வழிபட்டு வாருங்கள். கட்டாயம் உங்கள் குரலுக்கு செவிசாய்ப்பார் அனுமன். சஷ்டி விரதமிருந்து முருகப்பெரு மானையும் வழிபாடு செய்யுங்கள்.

விருச்சிக புதனின் சஞ்சாரம்!

அக்டோபர் 28-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு அதிபதியாகவும், 10-ம் இடத்திற்கு அதிபதியாகவும் விளங்கும் புதன், சகாய ஸ்தானத்தில் சஞ்சரிக்கப்போகிறார். எனவே தொழிலில் நல்ல மாற்றங்கள் உருவாகும். புதிய பங்குதாரர்களைச் சேர்த்துக் கொண்டு பொருளாதார நிலை உயர வழி வகுத்துக் கொள்வீர்கள். திட்டமிட்ட காரியங்கள் திட்டமிட்டபடியே நடைபெறும். விலகிச் சென்ற சொந்தங்கள் விரும்பி வந்து சேருவர். வீடுமாற்றங்கள், இடமாற்றங்கள் மட்டுமல்லாமல் தொழில் மாற்றங்களைக் கூட ஒருசிலர் செய்ய முன்வரும் நேரமிது. வெளிநாட்டு யோகம் வருவதற்கான அறிகுறிகள் தென்படும். தசாபுத்தி பலம்பெற்றவர்கள் திடீர் முன்னேற்றம் காணும் நேரமிது.

சுகம் தரும் சுக்ரப் பெயர்ச்சி!

நவக்கிரகங்களில் அள்ளிக் காடுக்கும் ஆற்றலைப் பெற்றவர் சுக்ரன். அவர் நவம்பர் 3-ந் தேதி துலாம் ராசிக்குச் செல்கிறார். துலாம் ராசி சுக்ரனுக்கு சொந்த வீடாகும். அங்கு ஏற்கனவே சஞ்சரித்து வந்த குருவோடு பகை கிரகமாக விளங்கும் சுக்ரன் சேர்வதால் திடீர் மாற்றங்கள் உருவாகலாம். பெண்வழிப் பிரச்சினைகள் நல்ல முடிவிற்கு வரும். பிரபலஸ்தர்கள் உங்களுக்குப் பின்னணியாக இருந்து சில காரியங்களைச் செய்து கொடுப்பர். பெரிய அளவில் முதலீடுகள் செய்து தொழிலை விரிவுபடுத்த நினைப்பீர்கள். கல்யாணக் கனவுகள் நனவாகும். ஆடை, ஆபரணச் சேர்க்கை அதிகரிக்கும்.

இம்மாதம் ஆதியந்தப்பிரபு வழிபாட்டை மேற்கொள்ளுங்கள். மேலும் செவ்வாய்க்கிழமை விரதமிருந்து துர்க்கையை வழிபடுவதும் உகந்தது.

பணத்தேவையைப் பூர்த்தி செய்யும் நாட்கள்:

அக்டோபர்: 20,21,25,26 நவம்பர்: 5,6,10,11

மகிழ்ச்சி தரும் வண்ணம்:- மஞ்சள்

மங்கையர்களுக்கான பலன்கள்!

கன்னி ராசியில் பிறந்த பெண்களுக்கு எண்ணிய காரியம் எளிதில் நடைபெறும். எதிர்பார்த்தபடி தொகை கைக்கு கிடைக்கும். புது முயற்சிகளில் அனுகூலம் ஏற்படும். கணவன்-மனைவிக்குள் அன்யோன்யம் அதிகரிக்கும். கல்யாணம் போன்ற சுபமுகூர்த்தங்கள் இல்லத்தில் நடைபெறும் வாய்ப்பு உண்டு. பிள்ளைகளின் கடமைகளை நிறைவேற்றுவீர்கள். தங்கம், வெள்ளி போன்றவற்றை மாதத்தின் பிற்பகுதியில் வாங்கி மகிழ்வீர்கள். குருவின் பார்வை தொழில் ஸ்தானத்தில் பதிவதால் உங்கள் பெயரிலேயே தொழில் தொடங்கும் வாய்ப்பு உருவாகும். உடன்பிறப்புகளை மட்டும் கொஞ்சம் அனுசரித்துச் செல்வது நல்லது. வெள்ளிக்கிழமை தோறும் விநாயகப் பெருமானை வழிபாடு செய்யுங்கள். லட்சுமி கவசம் பாடி மகாலட்சுமியை வழிபடுவதன் மூலம் உங்கள் லட்சியங்கள் நிறைவேறும்.

துவளாத மனமும் தொண்டாற்றும் உள்ளமும் கொண்ட துலாம் ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கிற பொழுது, மாதத் தொடக்கத்தில் உங்கள் ராசி நாதன் சுக்ரன் பலமிழந்து நீச்சம் பெற்றிருக்கிறார். அவரோடு தனாதிபதி செவ்வாயும், தொழில் ஸ்தானாதிபதி சந்திரனும் இணைந்து சஞ்சரிக்கிறார்கள். உங்கள் ராசியிலேயே குருபகவான் சஞ்சரிக்கிறார். அவரோடு நீச்சம் பெற்ற சூரியனும், அஸ்தங்கம் பெற்ற புதனும் இணைந்து சஞ்சரிக்கிறார்கள். ஏழரைச் சனி இன்னும் சில மாதங்கள் நடைபெறும் விதத்தில் இருக்கிறது. எனவே நன்மையும், தீமையும் கலந்தே நடைபெறும் என்றே சொல்லலாம்.

ஒருநாள் வரவு ஒருநாள் செலவு என்ற நிலை உருவாகும். உள்ளத்தில் அமைதி குறையும். விரய ஸ்தானத்தில் தன ஸ்தானாதிபதி இருப்பதால் விரயங்கள் அதிகரிக்கும். பொதுவாக அதிக விரயங்களைக் கொடுக்கும் விதத்தில் கிரக நிலைகளின் சஞ்சாரம் இருக்குமேயானால் நம் இல்லத்திற்குத் தேவையான விலையுயர்ந்த பொருட்கள், மின்சாதனப் பொருட்கள் போன்றவற்றை வாங்குவதில் கவனம் செலுத்துவது நல்லது. வீடு பழுது பாாக்கும் அமைப்பில் இருப்பவர்கள், அந்தப் பணியை நிறைவேற்றலாம். குழந்தைகளின் எதிர்கால நலன் கருதி ஏதேனும் திட்டங்கள் தீட்டியிருந்தால் அதற்காகவும் ஒரு தொகையை விரயம் செய்யலாம்.

பூமி காரகன் என்று அழைக்கப்படுபவர் செவ்வாய். அவர் விரய ஸ்தானத்தில் வரும்பொழுது ஒருசிலருக்கு பூமி விற்பனையும், தன லாபமும் கிடைக்கும். பல வருடங்களாகப் பேசி, பேசி விட்டுப் போன சொத்துகள், இப்பொழுது விற்பனையாவதற்கான அறிகுறிகள் தென்படும். அங்ஙனம் விற்பனையாகும்பொழுது கைக்கு கிடைக்கும் தொகையில் ஒரு பகுதியைக் கொண்டு, வேறு ஒரு சொத்தை விலைக்கு வாங்கும் யோகமும் உண்டு.

உடன்பிறப்புகளை கொஞ்சம் அனுசரித்துச் செல்வது நல்லது. அவர்களின் கோபத்திற்கு ஆளாகும் சூழ்நிலையும், அவர்களுக்கு ஏற்படும் வருத்தத்திற்கு வடிகாலாக ஏதேனும் ஒரு தொகையைச் செலவு செய்யும் சூழ்நிலையும் ஏற்டலாம். பொறுமையைக் கடைப்பிடித்து பெருமை காண வேண்டிய மாதமாகவே இந்த மாதத்தைக் கருதலாம்.

ஒவ்வொரு சனிக்கிழமையும் அதிகாலையில் ஆனைமுகப்பெருமானை வழிபட்டு ஜோடி தீபம் ஏற்றுங்கள். அதன்பிறகு ஏழரைச் சனி நடப்பதால் சனியின் சன்னிதியில் எள்தீபம் ஏற்றுங்கள். ஆஞ்சநேயர் வழிபாட்டையும் முறையாக மேற்கொள்ளுங்கள். வாலில் மணி கட்டிய ஆஞ்சநேயரை வழிபட்டால் வளர்ச்சியில் ஏற்பட்ட தளர்ச்சி நீங்கும்.

விருச்சிக புதனின் சஞ்சாரம்

அக்டோபர் 28-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு 9,12 ஆகிய இடங்களுக்கு அதிபதியானவர் புதன். இங்ஙனம் விரயாதிபதியாக விளங்கும் புதன், தன ஸ்தானத்தில் சஞ்சரிக்கும் பொழுது விரயத்திற்கு ஏற்ற பணம் வந்து கொண்டேயிருக்கும். வீடு வாங்க வேண்டும், இடம் வாங்க வேண்டும், நூதனப் பொருட்கள் வாங்க வேண்டும் என்று நினைத்திருந்தவர்கள், அதைச் செயல்படுத்த முன்வருவீர்கள். காரியத்தை தொடங்கிவிட்டால் காசு, பணம் தானாக வந்து சேரும். கேட்ட இடத்தில் உதவிகள் கிடைக்கும். கூட்டாளிகள் உங்கள் குணமறிந்து நடந்து கொள்வர்.

சுகம் தரும் சுக்ரப் பெயர்ச்சி

நவம்பர் 3-ந் தேதி துலாம் ராசிக்குள் சுக்ரன் வரப்போகிறார். இதுவரை நீச்சம் பெற்றிருந்த உங்கள் ராசிநாதன் சுக்ரன் இப்பொழுது உங்கள் ராசியிலேயே சஞ்சரித்துப் பலம்பெறுகிறார். சுக்ரனுக்குச் சொந்த வீடாக உங்கள் ராசி அமைகிறது. எனவே இக்காலம் ஒரு பொற்காலமாக அமையும். ஆரோக்கியத் தொல்லை அகலும். உற்சாகத்தோடு பணியாற்றுவீர்கள். உடன்பிறப்புகளும், உடன் இருப்பவர் களும் உங்களுக்கு உறுதுணையாக விளங்குவர். கடன்சுமை பாதிக்கு மேல் குறையும். கல்யாண வாய்ப்புகள் கைகூடும். கடமையில் கண்ணும் கருத்துமாக இருப்பீர்கள். உத்தியோகத்தில் உயர் பதவிகள் கிடைப்பதற்கான அறிகுறி தென்படும்.

இம்மாதம் வெள்ளிக்கிழமை தோறும் மகாலட்சுமி வழிபாட்டை மேற்கொள்ளுங்கள். சஷ்டியில் விரதமிருந்து சண்முகநாதரை வழிபட்டு வாருங்கள்.

பணத்தேவையைப் பூர்த்தி செய்யும் நாட்கள்:-

அக்டோபர்: 22,23,28,29 நவம்பர்: 7,8,12,13

மகிழ்ச்சி தரும் வண்ணம்:- கருநீலம்.

மங்கையர்களுக்கான பலன்கள்!

துலாம் ராசியில் பிறந்த பெண்களுக்கு மாதத்தின் முற்பகுதியில் விரயங்கள் அதிகரிக்கும். விழிப்புணர்ச்சி அதிகம் தேவைப்படும் மாதம் இது. எதையும் ஒரு முறைக்குப் பலமுறை யோசித்துச் செய்வது நல்லது. பிற்பகுதியில் குடும்ப ஒற்றுமை கூடும். மூன்றாம் நபரின் தலையீட்டால் வந்த முக்கியப் பிரச்சினைகள் அகலும். ஆடை, ஆபரண சேர்க்கை அதிகரிக்கும். குழந்தைகளின் சுபச்சடங்குகள் ஒவ்வொன்றாக நடைபெறும். தாயின் உடல்நலம் சீராகும். உத்தியோகத்தில் உள்ளவர்களுக்கு வாகனம் வாங்கும் யோகம் முதல் ஊதிய உயர்வு கிடைக்கும் யோகம் வரை அனைத்து யோகங் களும் படிப்படியாகச் செயல்படும். செவ்வாய்க்கிழமை தோறும் விரதமிருந்து முருகப்பெருமானை வழிபடுவது நல்லது.

வெற்றி ஒன்றையே குறிக்கோளாகக் கொண்ட விருச்சிக ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதன் செவ்வாய் லாப ஸ்தானத்தில் சஞ்சரிக்கிறார். எனவே பொருளாதார நிலையில் உயர்வு கிடைக்கும். புதிய வாய்ப்புகள் இல்லம் தேடி வரும். ஒப்பந்தங்களில் கை யெழுத்திட்டு மகிழ்வீர்கள். உயர் பதவியில் இருப்பவர்கள் உங்களுக்கு உறுதுணையாக இருப்பார்கள். தொழில் வளர்ச்சி கூடுதலாக இருக்கும். துணிந்து எடுத்த முடிவுகளால் அருகில் இருப்பவர்களை ஆச்சரியத்தில் ஆழ்த்துவீர்கள்.

ஜென்மச் சனியின் ஆதிக்கம் ஒருபுறம் இருந்தாலும், விரைவில் சனி விலகப் போவதால் இதுவரை தடைப்பட்ட காரியங்கள் தானாக நடைபெறும். உடல்நலம் சீராகி உற்சாகத்தைக் கொடுக்கும். உள்ளத்தில் மகிழ்ச்சியும், உடலில் தெம்பும் பெற்று செயலாற்றுவீர்கள். வாங்கல் – கொடுக்கல்கள் ஒழுங்காகும். வளர்ச்சிப் பாதைக்குச் செல்ல முக்கியப் புள்ளிகள் ஒத்துழைப்புச் செய்வர்.

குரு பகவான் 12-ம் இடத்தில் சஞ்சரிக்கிறார். அதே நேரத்தில் கொஞ்சம் வலிமையிழந்தும் இருக்கிறார். தன பஞ்சமாதிபதியான குருபகவான் உங்கள் ராசிக்கு 4,6,8 ஆகிய இடங்களைப் பார்க்கிறார். வாகன ஸ்தானம், சுக ஸ்தானம், கல்வி மற்றும் தாய் ஸ்தானம் எனப்படும் 4-ம் இடத்தைக் குரு பார்ப்பதால் சுகங்களும், சந்தோஷங் களும் கூடும். சுற்றியிருப்பவர்கள் உங்கள் முன்னேற்றம் கண்டு ஆச்சரியப்படுவர். தாய்வழி ஆதரவு கிடைக்கும். தக்க விதத்தில் நண்பர்கள் கைகொடுத்து உதவுவர். கல்வி முன்னேற்றம் கருதி எடுத்த முயற்சி வெற்றி பெறும். கடை திறப்பு விழா, கட்டிடத் திறப்புவிழா போன்றவற்றை செய்வதில் கவனம் செலுத்துவீர்கள்.

பழைய வாகனங்களால் பழுதுச் செலவு அதிகரிக் கிறதே என்று கவலைப்பட்டவர்கள், அதை விலைக்கு கொடுத்து விட்டுப் புதிய வாகனங்கள் வாங்கும் முயற்சியில் ஈடுபடுவர். பயணங்களால் பலன் கிடைக்கும். வெளிநாட்டில் இருந்து உத்தியோகம் சம்பந்தமாக அழைப்புகள் வரலாம். திசாபுத்தி பலம் பெற்றவர்கள் அதை ஏற்றுக் கொள்ளலாம். மற்றவர்களுக்கு தாய் நாட்டிலேயே சுய தொழில் புரியும் வாய்ப்பு கைகூடிவரும்.

இம்மாதத் தொடக்கத்தில் வரும் தீபாவளித் திருநாளில் உங்களுக்கு அதிர்ஷ்டம் தரும் வண்ணத்தில் ஆடை களைத் தேர்ந்தெடுத்து, அதில் மஞ்சள் தடவி குடும்பப் பெரியவர்களின் ஆசியோடு அணிந்து கொள்ளுங்கள். அதிகாலையில் ஆனைமுகப்பெருமானை வழிபடுவதோடு சிவாலய வழிபாடும், விஷ்ணு ஆலய வழிபாடும், கண்ணபிரான் வழிபாடும் சிறப்பான வாழ்வைத் தரும். மாதத் தொடக்க நாளில் நீங்கள் செய்யும் வழிபாடு மாதம் முழுவதும் உங்களுக்கு மகிழ்ச்சியை வழங்கும்.

விருப்பங்களை நிறைவேற்றும் விருச்சிக புதன்!

அக்டோபர் 28-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு 8,11 ஆகிய இடங்களுக்கு அதிபதியானவர் புதன். லாபாதிபதி உங்கள் ராசிக்கு வரும்பொழுது தொழிலில் வருமானம் உயரும். வங்கிச் சேமிப்பில் ஆர்வம் காட்டுவீர்கள். நினைத்த நேரத்தில் நினைத்த காரியத்தை செய்து முடிக்க ஆர்வம் பிறக்கும். தொழில் தொடர்பாக புது முயற்சிகளில் ஈடுபடுவீர்கள். பழைய பங்குதாரர்களோடு இருந்த பகை மாறும். புதிய பங்கு தாரர்களும் வந்திணைந்து பொருளாதாரத்தைப் பெருக்கிக் கொடுக்க முன்வருவர்.

சுகம் தரும் சுக்ரப் பெயர்ச்சி!

நவம்பர் 3-ந் தேதி துலாம் ராசிக்குள் சுக்ரன் வருகிறார். உங்கள் ராசிக்கு 7,12 ஆகிய இடங்களுக்கு அதிபதியானவர் சுக்ரன். அவர் சொந்த வீட்டில் சஞ்சரிக்கும் இந்த நேரத்தில் வசதிகள் பெருகும். வாகன யோகம் உருவாகும். கூடுதலாக விரயம் செய்து, தேவையான வசதி வாய்ப்புகளை உருவாக்கிக் கொள்வீர்கள். பயணங்கள் அதிகரிக்கும். குடும்ப உறுப்பினர்களின் குறைகளைத் தீர்க்க முன்வருவீர்கள். தங்கம், வெள்ளி வாங்குவதில் தனிக்கவம் செலுத்துவீர்கள்.

இம்மாதம் சஷ்டி விரதமிருந்து சண்முகநாதப் பெருமானை வழிபாடு செய்யுங்கள்.

பணத்தேவையைப் பூர்த்தி செய்யும் நாட்கள்:-

அக்டோபர்: 18,19,25,26,27,30,31 நவம்பர்: 8,9,10,14,15,16

மகிழ்ச்சி தரும் வண்ணம்:- ரோஸ்.

மங்கையர்களுக்கான பலன்கள்!

விருச்சிக ராசியில் பிறந்த பெண்களுக்கு இம்மாதம் ஒரு இனிய மாதமாகும். உடல்நலம் சீராகும். உள்ளத்தில் நினைத்ததை உடனடியாக செய்து முடிப்பீர்கள். வருமானம் திருப்தி தரும். கணவன்-மனைவிக்குள் அன்பும், பாசமும் அதிகரிக்கும். உங்கள் பெயரிலேயே வீடு, இடம் வாங்கச் செய்த முயற்சி வெற்றி பெறும். பிள்ளைகளின் முன்னேற்றம் பெருமைப்படத்தக்கதாக இருக்கும். தாய்வழி ஆதரவு உண்டு. உடன்பிறப்புகள் உங்களுக்குத் தேவையான நேரத்தில் உதவிக்கரம் நீட்டுவர். உத்தியோகத்தில் எதிர்பார்த்த மாற்றமும், ஊதிய உயர்வும் கிடைக்கும். ஜென்மச் சனிக்கு பரி காரமாக சனிக்கிழமை தோறும் அனுமனுக்கு வெற்றிலை மாலை சூட்டி வழிபாடு செய்யுங்கள். வெள்ளிக்கிழமை தோறும் ஆதியந்தப் பிரபு வழிபாட்டை மேற்கொள்ளுங்கள்.

விருந்தினர்களை உபசரிப்பதில் வல்லவர்களான தனுசு ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, லாப ஸ்தானத்தில் சஞ்சரிக்கிறார். எனவே பொருளாதாரப் பற்றாக்குறை அகலும். புதிய திருப்பங்கள் ஏற்படும். மதிப்பும், மரியாதையும் உயரும். செய்ய நினைத்த காரியங்களை உடனடியாகச் செய்து முடிப்பீர்கள். தொழில் ஸ்தானமான 10-ம் இடத்தில் சந்திரன், செவ்வாய், சுக்ரன் ஆகிய மூன்று கிரகங்களும் இருப்பதால், தொழில் முன்னேற்றம் கருதிப் புதிய முயற்சிகளை மேற்கொள்வீர்கள்.

தொழிலை விரிவுபடுத்துவதற்குப் போதுமான மூல தனத்தை எதிர்பார்த்துக் காத்திருந்தவர்களுக்கு, வங்கிகளின் ஒத்துழைப்பும், வள்ளல்களின் ஒத்துழைப்பும் கிடைக்கும். அஷ்டமாதிபதி சந்திரன் 10-ல் சஞ்சரித்து மாதம் தொடங்குவதால், உத்தியோகத்தில் உள்ளவர் களுக்கு இடமாற்றங்கள் எதிர்பாராத விதமாக வந்து சேரலாம். வரும் மாற்றங்களை ஏற்றுக் கொள்வது நல்லது. ஏழரைச் சனியில் விரயச் சனியின் ஆதிக்கம் இப்பொழுது நடைபெற்றுக் கொண்டிருக்கிறது. டிசம்பர் 19-ந் தேதி வரை விரயச்சனி உள்ளது. அதன்பிறகு ஜென்மச் சனி நடைபெறும்.

இதற்கிடையில் 12-ம் இடமான பயண ஸ்தானத்தில் சனி சஞ்சரிப்பதால் பயணங்கள் அதிகரிக்கும். நேரா நேரத்திற்கு சாப்பாடு தயாராக இருந்தும் அதைச் சாப்பிட முடியாதபடி தொழில் ரீதியாகப் பயணங்கள் அதிகரிக்கும். ஒருசில சமயங்களில் மனப்பயம் ஏற்படலாம். உத்தியோகத்தில் உள்ளவர்களில் சிலருக்கு, தனியாக தொழில் செய்யலாமா? என்ற சிந்தனை மேலோங்கும். ஆனால் அதைச் செயல்படுத்துவது கடினமாகும். விரயச் சனியின் ஆதிக்க காலம் என்பதால், மிகுந்த பொறுமை தேவை. விரோதங்கள் அதிகரிக்கும். வீண்பழிகள் உருவாகும். அதிலிருந்து விடுபட சனி கவசம்பாடி சனிக் கிழமை தோறும் சனிபகவானை வழிபடுவது நல்லது.

உங்கள் ராசிக்கு 2-ம் இடத்தில் கேது, 8-ம் இடத்தில் ராகு சஞ்சரிக்கிறார்கள். வாக்கு, தனம், குடும்பம் என்பதை அறியும் 2-ம் இடத்தில் கேது சஞ்சரிப்பது அவ்வளவு நல்லதல்ல. ராகு-கேதுக்களுக்குரிய பிரீதியை முறை யாகச் செய்வது நல்லது. ஏற்றமும், இறக்கமும் மாறி, மாறி வந்து கொண்டேயிருக்கும். கூட்டாளிகளில் ஒருசிலர் உங்களை விட்டு விலகிச் செல்லலாம். இருப்பினும் ஆற்றல் மிக்கவர்களின் அனுசரிப்பு இருப்பதால் நீங்கள் எதற்கும் கவலைப்படத் தேவையில்லை. சூரியன் நீச்சம் பெற்றிருப்பதால் அரசியல் மற்றும் பொதுநலத்தில் இருப்பவர்களுக்கு மனக்குழப்பம் அதிகரிக்கும். மறைமுக எதிர்ப்புகளை இனம் கண்டுகொள்வது நல்லது.

வியாழக்கிழமை தோறும் குருபகவானை வழிபடுவதோடு, யோக பலம் பெற்ற நாளில் தெய்வங்கள் போராடி வெற்றிபெற்ற ஸ்தலங்களைத் தேர்ந்தெடுத்து வழிபடுவது நல்லது.

விருச்சிக புதனின் சஞ்சாரம்

அக்டோபர் 28-ந் தேதி விருச்சிக ராசிக்குப் புதன் செல்கிறார். 7,10 ஆகிய இடங்களுக்கு அதிபதியான புதன், 12-ல் சஞ்சரிப்பது நன்மைதான். மறைந்த புதனால் நிறைந்த தனலாபம் கிடைக்கும். தூர தேசம் தொடர்பாக எடுத்த முயற்சியில், நல்ல தகவல் வந்து சேரும். மாமன், மைத்துனர் வழியில் ஏற்பட்ட மனக்குழப்பம் அகலும். பூர்வீகச் சொத்துப் பிரச்சினைகளுக்காக நீங்கள் வைத்த பஞ்சாயத்துகள் இதுவரை பலன் இழந்திருக்கலாம். ஆனால் இப்பொழுது வழக்குகள் சாதகமாகி உங்களுக்கு வரவேண்டிய பங்குத் தொகை வந்து சேரும். வீடு மாற்றங்களை எதிர்பார்த்துக் காத்திருந்தவர்களுக்கு அது கைகூடும்.

சுக்ரப் பெயர்ச்சிக் காலம்!

நவம்பர் 3-ந் தேதி துலாம் ராசிக்கு சுக்ரன் வருகிறார். இது சுக்ரனுக்கு சொந்த வீடாகும். லாப ஸ்தானத்திற்கு வரும் சுக்ரன் பஞ்சம ஸ்தானத்தைப் பார்க்கிறார். எனவே பிள்ளைகள் வழியில் ஒரு பெரும் விரயம் ஏற்படலாம். இதுபோன்ற காலங்களில் வாரிசுகளுக்கு வரன் தேடும் முயற்சியில் ஆர்வம் காட்டலாம். திருமண சீர்வரிசை பொருட்களை வாங்குவதில் கவனம் செலுத்தலாம். குழந்தைகளை உங்கள் மேற்பார்வையில் வைத்துக்கொள்வது நல்லது. வீட்டுக்குத் தேவையான அத்தியாவசியப் பொருட்களையும், ஆடம்பரப் பொருட்களையும் வாங்கும் வாய்ப்பு கிட்டும்.

இம்மாதம் முருகப்பெருமானை செவ்வாய்க்கிழமை தோறும் வழிபடுவது நல்லது. சதுர்த்தி திதியில் ஆனை முகப்பெருமானுக்கும், சஷ்டி திதியில் ஆறுமுகப்பெரு மானுக்கும் விரதமிருந்து வழிபட்டு வந்தால் விருப்பங்கள் நிறைவேறும்.

பணத்தேவையைப் பூர்த்தி செய்யும் நாட்கள்:-

அக்டோபர்: 20,321,28,29 நவம்பர்: 1,2,12,13

மகிழ்ச்சி தரும் வண்ணம்:- கரும்பச்சை.

மங்கையர்களுக்கான பலன்கள்!

தனுசு ராசியில் பிறந்த பெண்களுக்கு, விழிப்புணர்ச்சி அதிகம் தேவைப்படும் மாதம் இது. வாங்கல்- கொடுக்கல் களில் கவனம் தேவை. ஏழரைச் சனியின் ஆதிக்கம் இருப்பதால் எல்லா நாட்களும் இனிய நாட்களாக அமையச் சனி கவசம் பாடிச் சனி பகவானை வழிபட்டு வருவது நல்லது. கணவன் – மனைவிக்குள் விட்டுக் கொடுத்துச் செல்ல வேண்டிய நேரமிது. பிள்ளைகளை உங்கள் கவனத்தில் வைத்துக்கொள்ளுங்கள். உடன்பிறப்புகளால் உங்களுக்கு நன்மை உண்டு. தாய்வழி ஆதரவும் ஓரளவு கிடைக்கும். உத்தியோகத்தில் சகப் பணியாளர்களை அனுசரித்துச் செல்வது நல்லது. வரவேண்டிய சம்பளப் பாக்கியைப் போராடி வாங்கும் சூழ்நிலை ஒருசிலருக்கு உருவாகும்.

நிதானத்துடன் செயல்பட்டால் வெற்றி நிச்சயம் என்று சொல்லும் மகர ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும்பொழுது, உங்கள் ராசிநாதன் சனி பகவான் லாப ஸ்தானத்தில் சஞ்சரிக்கிறார். எனவே பொருளாதாரத்தில் உயர்ந்த நிலை உருவாகும். பணப் பற்றாக்குறை அகலும். அதே நேரத்தில் ஜென்மத்தில் கேது இருப்பதால் ஆன்மிக நாட்டம் அதிகரிக்கும். சில சமயங்களில் கொடுத்த வாக்கைக் காப்பாற்ற இயலாது. பிறர் மனம் புண்படும்படி பேசிவிட்டு பிறகு வருத்தப்படுவீர்கள்.

ஏழில் கேது இருப்பதால் வாழ்க்கைத் துணையோடும், வாரிசுகளோடும், குடும்ப உறுப்பினர்களோடும் அடிக்கடி மோதல்கள் ஏற்பட்டு அகலும். ஒருசில சமயங்களில் உங்கள் கொள்கைப்பிடிப்பைத் தளர்த்திக்கொள்ள நேரிடும். என்னயிருந்தாலும் சனியின் பார்வை உங்களுக்கு ராசியில் பதிவதால் இனம்புரியாத கவலை உருவாகும். எந்த நேரத்தில் எதைச் செய்யவேண்டுமென்று விரும்புகிறீர்களோ அதை அந்த நேரத்தில் செய்ய இயலாவிட்டாலும் தாமதம் ஏற்பட்டாவது செய்து முடித்து விடுவீர்கள்.

அஷ்டமாதிபதி சூரியன் வலிமை இழந்திருக்கும் இந்த நேரத்தில், சில நல்ல காரியங்கள் நடைபெறும். குறிப்பாக பாக்கிகள் வசூலாகிப் பரவசப்படுத்தும். தொழில் ஏற்பட்ட இழப்புகளை ஈடுசெய்ய எடுத்த முயற்சி வெற்றிபெறும். இதுவரை பகை பாராட்டி விலகியிருந்த உறவினர்கள் இப்பொழுது தானே வந்து சேருவர். அரசியல் மற்றும் பொதுநலத்தில் இருப்பவர்களுக்கு எதிர்பாராத விதத்தில் நல்ல பொறுப்புகள் வந்து சேரும். குருவினுடைய பார்வை 2,4,6 ஆகிய இடங்களில் பதிவதால் குடும்பத்தில் உள்ளவர்களின் தேவைகளையெல்லாம் பூர்த்தி செய்வீர்கள். பெற்றோர் வழியில் ஆதரவு கூடுதலாகக் கிடைக்கும். தொழிலை விரிவு செய்யும் எண்ணம் மேலோங்கும். வெளியில் கடன் வாங்க வேண்டாம் நாங்களே தருகிறோம் என்று பெற்றோர்கள் எடுத்துரைப்பர்.

6-ம் இடத்தைக் குரு பார்ப்பதால் உத்தியோக மாற்றங்கள் உறுதியாகலாம். மேலிடத்து நிர்ப்பந்தத்தின் காரணமாக பதவி மாற்றங்களைச் சந்தித்திருந்த நீங்கள், இப்பொழுது உத்தியோக உயர்வு காண வழிகிடைக்கப் போகிறது. இருக்கும் வேலையிலேயே கூடுதல் பொறுப்பு ஒருசிலருக்கு வந்து சேரும். இம்மாதம் கந்த சஷ்டி விரதமிருந்து சூரசம்ஹாரத்தன்று கந்தப்பெருமானை வழிபடுவதன் மூலம் வந்த துயரங்கள் வாயிலோடு நிற்கும் என்பதை அறிந்துகொள்ளுங்கள்.

விருச்சிக புதனின் சஞ்சாரம்!

அக்டோபர் 28-ந் தேதி விருச்சிகத்திற்கு புதன் செல் கிறார். உங்கள் ராசிக்கு 6,9-க்கு அதிபதியானவர் புதன். அவர் 12-ம் இடத்தில் சஞ்சரிக்கும் பொழுது யோகத்தை வழங்குவார். லாப ஸ்தானத்தில் சஞ்சரிக்கும் புதனால் நிறைந்த தனலாபம் கிடைக்கும். நிகழ்காலத் தேவைகள் பூர்த்தியாகும். முடங்கிக் கிடந்த முன்னோர் வழிச் சொத்து கள், பஞ்சாயத்துகள் மூலம் பரிசீலனை செய்யப்பட்டு உங்களுக்கு வந்து சேரப்போகிறது. மாற்று மருத்துவத்தால் உடல் நலம் சீராகும்.

சுக்ரப் பெயர்ச்சிக் காலம்!

நவம்பர் 3-ந் தேதி துலாம் ராசிக்கு சுக்ரன் வருகிறார். உங்கள் ராசி அடிப்படையில் 10-ம் இடத்தில் இப்பொழுது குருவும், சுக்ரனும் இணைந்து இருக்கிறார்கள். எனவே, புதிய ஒப்பந்தங்களில் கையெழுத்திட்டு மகிழ்வீர்கள். பெண்களால் பெருமை சேரும். கடன்சுமை குறைய நண்பர்கள் கைகொடுத்து உதவுவர்.

இம்மாதம் சனிக்கிழமை தோறும் வாலில் மணி கட்டிய ஆஞ்சநேயரை வழிபட்டு வருவது நல்லது. சங்கடஹர சதுர்த்தியன்று விரதமிருந்து ஆனைமுகப்பெருமானை வழிபட்டு வாருங்கள்.

பணத்தேவையைப் பூர்த்தி செய்யும் நாட்கள்:-

அக்டோபர்: 18,19,22,23,30,31 நவம்பர்: 3,4,14,15,16

மகிழ்ச்சி தரும் வண்ணம்:- வைலட்.

மங்கையர்களுக்கான பலன்கள்!

மகர ராசியில் பிறந்த பெண்களுக்கு இந்தமாதம் பணத் தேவைகள் பூர்த்தியாகும். எந்தக் காரியத்தையும் எடுத்தோம், முடித்தோம் என்று செய்து முடிப்பீர்கள். இல்லம் கட்டிக் குடியேற வேண்டும் அல்லது வீடு வாங்கிக் குடியேற வேண்டுமென்ற உங்களது நீண்ட நாள் ஆசை நிறைவேறுவதற்காக வாய்ப்பு உருவாகும். கணவன்- மனைவிக்குள் ஒற்றுமை பலப்பட விட்டுக்கொடுத்துச் செல்வது நல்லது. ஒருவரை ஒருவர் புரிந்து கொண்டு செயல்பட்டால் சச்சரவுகள் ஏற்படாது. பிள்ளைகளின் விருப்பங்களை நிறைவேற்றவதில் சில தடைகள் ஏற்படலாம். உடன்பிறப்புகள் உங்கள் குணமறிந்து நடந்து கொள்வர். பெற்றோர்களின் பாச மழையில் நனைவீர்கள். வெற்றிக்கு வித்திட பெருமாள் வழிபாட்டை மேற்கொள்ளுங்கள். அதுமட்டுமல்லாமல் கார்த்திகை தோறும் விரதமிருந்து முருகப்பெருமானை வழிபட்டு வாருங்கள்.

மனதில் பட்டதை மறைக்காமல் எடுத்துரைக்கும் கும்ப ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதன் சனி, தொழில் ஸ்தானத்தில் சஞ்சரிக்கிறார். 9-ல் சஞ்சரிக்கும் குருவின் பார்வை பரிபூரணமாக உங்கள் ராசியில் பதிகின்றது. எனவே வாழ்க்கைத் தேவைகள் பூர்த்தி யாகும். வசதிகள் பெருகும். உத்தியோகம், தொழிலில் நீங்கள் எடுத்த முயற்சிக்கு உன்னத பலன் கிடைக்கும். குடும்பத்தில் மங்கல ஓசை கேட்கவில்லையே என்று இதுவரை கவலைப்பட்டிருப்பீர்கள். ஆனால் வரும் மாதத்தில் மகிழ்ச்சியடையும் விதத்தில் சுபகாரியங்கள் இல்லத்தில் நடைபெறப் போகின்றது.

பழைய தொழிலில் சேர்த்த பங்குதாரர்களை விலக்கிவிட்டுப், புதிய பங்குதாரர்களை சேர்த்துக்கொண்டு பொருளாதார நிலை உயர வழிவகுத்துக் கொள்ளலாமா? என்று சிந்திப்பீர்கள். நண்பர்கள் உங்கள் கருத்துகளை புரிந்து கொண்டு உதவி செய்ய முன்வருவார்கள். உங்கள் ராசியைப் பார்க்கும் குரு, கொஞ்சம் வலிமையிழந்திருப்பதால் ஒரு சிலகாரியங்கள் உடனடியாக நிறை வேறாவிட்டாலும், 2-ம் முறையாகச் செய்யும் முயற்சியில் வெற்றி கிடைக்கும்.

அதே நேரத்தில் அஷ்டமத்தில் 3 கிரகங்கள் இருக்கின்றன. 6-க்கு அதிபதியான சந்திரன், 4,9-க்கு அதிபதியான சுக்ரன், 3,10-க்கு அதிபதியான செவ்வாய் ஆகிய மூன்றும் மாதத் தொடக்கத்தில் உங்கள் ராசிக்கு 8-ல் சஞ்சரிக்கிறார்கள்.

அஷ்டமத்தில் செவ்வாய் சஞ்சரிப்பது அவ்வளவு நல்ல தல்ல. ஆரோக்கியத் தொல்லைகள் உருவாகும். எலும்பு, நரம்பு சம்பந்தப்பட்ட வகையில் பிரச்சினைகள் ஏற்பட்டு அகலும். நோய்க்கான அறிகுறிகள் தென்படும் பொழுதே மருத்துவ ஆலோசனைகளைப் பெறுவது நல்லது. வாகனப் பழுதுகளால் மன வாட்டம் ஏற்படும். புதிய வாகனம் வாங்கப் போட்ட திட்டத்திற்கு குடும்ப உறுப்பினர்கள் தடை சொல்லக்கூடும். உடன்பிறப்புகளின் பகை மேலோங்கும். உத்தியோகத்தில் உள்ளவர்கள் எவ்வளவு சிறப்பாகப் பணிபுரிந்தாலும் மேலிடத்தில் இருந்து பாராட்டுக் கிடைப்பது அரிது.

செவ்வாய்க்கிழமை தோறும் விரதமிருந்து முருகப்பெருமானை வழிபட்டு வாருங்கள். கந்த சஷ்டி விரதமிருந்து கந்தப்பெருமானை வழிபடுவதன் மூலம் காரியங்களில் வெற்றி கிடைக்கும். குருபகவான் கொஞ்சம் வலிமை இழந்திருப்பதால் வியாழக்கிழமை தோறும் விரதமிருந்து குருவை வழிபடுவது நல்லது. சிறப்பு வழிபாடாக குருவிற்குரிய சிறப்பு ஸ்தலங்களுக்கு சென்று வழிபட்டு வந்தால், குடும்பத்தில் மகிழ்ச்சி நிலைக்கும்.

விருச்சிக புதனின் சஞ்சாரம்!

உங்கள் ராசிக்கு 5,8 ஆகிய இடங்களுக்கு அதிபதியானவர் புதன். இதுவரை துலாம் ராசியில் சஞ்சரித்து வந்த அவர், அக்டோபர் 28-ந் தேதி விருச்சிக ராசிக்குச் செல்கிறார். பஞ்சமாதிபதி 10-ம் இடத்தில் சஞ்சரிக்கும் போது, பஞ்சாயத்துகள் நல்ல முடிவிற்கு வரும். பூர்வீகச் சொத்துத் தகராறுகள் அகலும். பிள்ளைகளின் வேலைக்காக எடுத்த முயற்சி கைகூடும். பிள்ளைகளின் வாயிலாகவும் உதிரி வருமானங்கள் கிடைக்கும். உத்தியோகத்தில் உள்ளவர் களுக்கு வரவேண்டிய சம்பளப் பாக்கிகள் வந்துசேரும். உடன் பணிபுரியும் சக ஊழியர்களால் ஏற்பட்ட பிரச்சினைகள் அகலும். ஆலயத் திருப்பணிகளில் ஆர்வம் காட்டுவீர்கள்.

சுக்ர பெயர்ச்சிக் காலம்!

உங்கள் ராசிக்கு 4,9 ஆகிய இடங்களுக்கு அதிபதியானவர் சுக்ரன். அவர் தற்சமயம் நீச்சத்தில் இருக்கிறார். அவர் நவம்பர் 3-ந் தேதி துலாம் ராசிக்கு வருகிறார். சொந்த வீட்டில் சஞ்சரிக்கும் சுக்ரன், உங்கள் சிந்தனைகள் அனைத்தையும் வெற்றி பெறச் செய்வார். வீட்டிற்குத் தேவையான விலையுயர்ந்த பொருட்களை வாங்குவதில் ஆர்வம் காட்டுவீர்கள். பெண் வழிப் பிரச்சினைகள் அகலும். ஆடை, ஆபரண சேர்க்கை உண்டு. புதிய வாகனங்கள் வாங்கும் முயற்சி கைகூடும். தொழில் வளர்ச்சி சீராகும். வீடு வாங்க வேண்டுமென்ற ஆசை நிறை வேறும்.

இம்மாதம் ராகு-கேதுக்களுக்குப் பிரீதி செய்வது நல்லது. செவ்வாய்க்கிழமை தோறும் துர்க்கையை வழிபட்டு வருவது நல்லது. உங்கள் செயல்பாடுகளில் உள்ள தடை அகலும்.

பணத்தேவையைப் பூர்த்தி செய்யும் நாட்கள்:-

அக்டோபர்: 20,21,25,26 நவம்பர்: 1,2,5,6,16

மகிழ்ச்சி தரும் வண்ணம்:- வைலட்

மங்கையர்களுக்கான பலன்கள்!

கும்ப ராசியில் பிறந்த பெண்களுக்கு, குருவின் பார்வை பலத்தால் குழப்பங்கள் மாறும் மாதம் இது. கொடிகட்டிப் பறந்த குடும்பப் பிரச்சினைகள் அகலும். அடிப்படை வசதிகளைப் பெருக்கிக் கொள்வீர்கள். அடுத்தவர் களுக்கு பொறுப்பு சொல்லி வாங்கிக் கொடுத்த தொகை கைக்கு வந்து சேரும். மனை கட்டிக் குடியேறும் வாய்ப்புக் கிடைத்து மகிழ்ச்சியை உருவாக்கும். உடன்பிறப்பு களால் மனம் மகிழும் சம்பவம் ஒன்று நடைபெறும். தாய் வழி ஆதரவு உண்டு. அனுமன் வழிபாடும், பெருமாள் – லட்சுமி வழிபாடும் ஆனந்த வாழ்க்கையை அமைத்துக் கொடுக்கும்.

நேரம் காலம் பார்த்துச் செய்தால் வெற்றி நிச்சயம் என்று சொல்லும் மீன ராசி அன்பர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசி நாதன் குரு அஷ்டம ஸ்தானத்தில் வலிமையிழந்து சஞ்ச ரிக்கிறார். கேந்திராதிபத்ய தோஷம் பெற்ற கிரகம் வலிமையிழந்த பொழுது நன்மையைச் செய்யும் என்பார்கள். அந்த அடிப்படையில் இம்மாதம் தொழில் முன்னேற்றமும், பொருளாதாரத்தில் நிறைவும் ஏற்படும்.

உத்தியோகத்தில் உடனிருக்கும் சகப் பணியாளர் களால் ஏற்பட்ட தொல்லை அகலும். ஊதிய உயர்வு எதிர்பார்த்தபடி கிடைக்கும். குருவின் பார்வை 2,4,12 ஆகிய இடங்களில் பதிவதால் அந்த இடங்கள் புனிதமடைகின்றன. எனவே குடும்ப பிரச்சினைகள் படிப்படியாக நிவர்த்தியாகும். ஒருசிலர் உத்தியோகம் சம்பந்தமாக வெளியூர், வெளி மாநிலம், வெளிநாடு போன்றவற்றில் ஏதேனும் ஒன்றிற்குச் செல்ல முயற்சி செய்திருந்தால் அதில் அனுகூலம் கிடைக்கும்.

சப்தம ஸ்தானத்தில் சந்திரன், செவ்வாய், சுக்ரன் ஆகிய மூன்று கிரகங்களும் மாதத் தொடக்கத்தில் வீற்றிருக்கிறார்கள். சுக்ரன் நீச்சம் பெற்றிருப்பது ஒரு வகைக்கு நன்மைதான். கெட்டவன் கெட்டிடில் கிட்டிடும் ராஜயோகம் என்பதற்கு ஏற்ப, விபரீத ராஜயோக அடிப் படையில் திட்டமிடாது செய்யும் காரியங்களில் கூட உங்களுக்கு வெற்றி கிடைக்கப் போகின்றது. குறிப்பாக வழக்குகள் சாதகமாகும். பெண்வழிப் பிரச்சினைகள் நல்ல முடிவிற்கு வரும். இடம், பூமி வாங்குவதில், பத்திரப் பதிவில் இருந்த தடை அகலும். திடீரென பகையான உறவினர்கள் இப்பொழுது நட்பாவார்கள்.

பூர்வீகச் சொத்துகளை விற்றதன் மூலம் நிலுவையில் இருந்த தொகை கைக்கு வந்து சேரும். ராகு-கேதுக்களின் ஆதிக்கத்தைப் பார்க்கும்பொழுது, பஞ்சம ஸ்தானத்தில் ராகுபகவான் பலம் பெற்றிருக்கிறார். லாப ஸ்தானத்தில் கேது நிற்கிறார். ராகு, சந்திரன் வீட்டில் சஞ்சரிப்பதால் ஒருசில சமயங்களில் இனம்புரியாத கவலை மேலோங்கும். திட்டமிட்ட காரியங்களில் திசை மாற்றமும் எற்படலாம். எனவே சர்ப்ப பிரீதி செய்து கொள்வது நல்லது. மேலும் செவ்வாய்க்கிழமை தோறும் முருகப்பெருமான் வழிபாட்டையும், துர்க்கை வழிபாட்டையும் மேற்கொள்ளுங்கள். கந்தசஷ்டி நாளில் கந்தனைக் கை கூப்பித் தொழுது கவலைகளைப் போக்கிக் கொள்ளுங்கள்.

விருச்சிக புதனின் சஞ்சாரம்!

மாதத் தொடக்கத்தில் 8-ம் இடத்தில் புதன் சஞ்சரிக் கிறார். அக்டோபர் 28-ந் தேதி அவர், 9-ம் இடமான விருச்சிகத்திற்கு வருகிறார். 4,7 ஆகிய இடங்களுக்கு அதிபதியான புதன், விருச்சிகத்திற்கு வரும்பொழுது உன்னதமான பலனைக் கொடுக்கும். குறிப்பாக ஆரோக்கியத் தொல்லை அகலும். ஆதாயம் தரும் தகவல்கள் அதிகமாகவே வந்து சேரும். வாகன யோகம் உண்டு. பயணங்கள் பலன் தருவதாக அமையும். பங்காளிப் பகை மாறும். விலகிச் சென்ற உறவினர்கள் விரும்பி வந்து இணைவர். தொழிலில் எதிர்பார்த்தபடியே லாபம் கிடைக்கும்.

சுக்ரப் பெயர்ச்சிக் காலம்!

மாதத்தொடக்கத்தில் நீச்சம்பெற்றுச் சஞ்சரித்து வந்த சுக்ரன், நவம்பர் 3-ந் தேதி துலாம் ராசிக்கு வரப்போகிறார். துலாம் ராசி சுக்ரனுக்கு சொந்த வீடாகும். உங்கள் ராசிக்கு அஷ்டமாதிபதியான சுக்ரன், அஷ்டமத்திலேயே சஞ்சரிக்கும் பொழுது உழைப்பிற்கேற்ற பலன் கிடைக்கும். உதிரி வருமானங்கள் பெருகும். இழப்புகளை ஈடுசெய்ய ஏதேனும் ஒரு வழி பிறக்கும். மாற்றுக் கருத்துடையோர் மனம் மாறுவர். போட்டிகளில் வெற்றி கிடைக்கும். புதிய பாதை புலப்படும். கூட்டாளிகள் விலகினாலும், கூடுதல் நன்மை கிடைக்க புதிய கூட்டாளிகள் வந்திணைவர். ஆரோக்கியத் தொல்லை மட்டும் உருவாகலாம். சிறு சிறு தொல்லை களால் அவதிப்பட நேரிடலாம். அலைச்சலைக் குறைத்துக் கொள்வதன் மூலம் ஆரோக்கியத்தை சீராக்கிக் கொள்ள இயலும்.

இம்மாதம் வியாழக்கிழமை தோறும் குரு வழிபாட்டை மேற்கொள்வதோடு, பவுர்ணமி விரதமிருப்பது உகந்தது.

பணத்தேவையைப் பூர்த்தி செய்யும் நாட்கள்:-

அக்டோபர்: 22,23,28,29 நவம்பர்: 3,4,7,8

மகிழ்ச்சி தரும் வண்ணம்:- ஆரஞ்சு.

மங்கையர்களுக்கான பலன்கள்!

மீன ராசியில் பிறந்த பெண்களுக்கு, நம்பிய காரியங்கள் தவறாது நடைபெறும் மாதம் இது. வீடு மாற்றங்கள் விரும்பிய படி நடைபெறும். அரசாங்கத் தேவைக்காக விண்ணப்பித்து இருந்தவர்களுக்கு அது கைகூடுதவற்கான அறிகுறி தென்படும். கணவன்-மனைவிக்குள் இருந்து வந்த கருத்துவேறுபாடுகள் விலகும். பிள்ளைகள் பிரியமாக நடந்துகொள்வர். தாய்வழி ஆதரவு உண்டு. உடன்பிறப்புகள் உங்கள் தொழிலுக்கு உறுதுணை புரிவர். உத்தியோக வாய்ப்புகள் கைகூடிவரும். வீடு வாங்கும் முயற்சியில் வெற்றி கிட்டும். வியாழக்கிழமை தோறும் விரதமும், தட்சிணாமூர்த்தி வழிபாடும் வேண்டிய வரங்களைக் கொடுக்கும்.

அடுத்தவர்களுக்கு உதவுவதில் அலாதி பிரியம் கொண்ட மேஷ ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, புதிய திருப்பங்கள் பலவும் காணப்போகிறீர்கள். குரு பார்வை உங்கள் ராசியில் பதிவதால் குழப்பங்கள் அகலும். மாதம் முழுவதும் மகிழ்ச்சி கிடைக்கும் விதத்தில் நல்ல சம்பவங்கள் நடைபெறப் போகின்றது. தொடக்க நாளில் சந்திரபலம் நன்றாக உள்ளது. எனவே சுகங்களும், சந்தோஷங்களும் பெருகும். ஆரோக்கியத் தொல்லை அகலும், ஆதாயம் அதிகரிக்கும்.

எத்தனை தடைகள் வந்தாலும் அவற்றைத் தவிடுபொடி யாக்கும் தன்மை குருவின் பார்வைக்கு உண்டு. அதே நேரத்தில் சூரியனும், புதனும் ‘பரிவர்த்தனை யோகம்’ பெற்றிருக்கிறார்கள். யோகங்களில் சிறப்பானது பரிவர்த்தனை யோகமாகும். 3, 6-க்கு அதிபதியான புதனும், பஞ்சமாதிபதியான சூரியனும் பரிவர்த்தனை பெறுவதால் பிள்ளைகள் வழியில் உத்தியோகம், படிப்பு சம்பந்தமாக ஏதேனும் ஏற்பாடுகள் செய்திருந்தால் அதில் அனுகூலம் கிடைக்கும்.

நேர்முகத் தேர்வு வரை சென்றும் வேலை கிடைக் காமல் வேதனைப்பட்டவர்களுக்கு, இப்பொழுது வேலை கிடைப்பதற்கான அறிகுறிகள் தென்படும். பணியில் இருப்பவர்களுக்கு உத்தியோக உயர்வு, ஊதிய உயர்வு தானாக வந்து சேரும். உங்களை விட்டு விலகியிருந்த உடன்பிறப்புகள் இப்பொழுது சமரசமாகி உங்களோடு வந்திணைவர். அதோடு மட்டுமல்லாமல் உங்கள் முன்னேற்றத்திற்கும் உறுதுணையாக இருப்பர்.

அஷ்டமத்துச் சனியின் ஆதிக்கம் இன்னும் இருக்கின்றது. அது விலகுவதற்கு சில மாதங்கள் உள்ளன. இரண்டரை ஆண்டுகளாக உங்களுக்கு எண்ணற்ற பிரச்சினைகளைக் கொடுத்த சனி பகவான் விலகுவதற்கு இரண்டரை மாதங்கள் முன்னதாகவே நன்மைகளைச் செய்யக் காத்திருப்பார்.

அப்படி நன்மைகள் செய்யக் காத்திருக்கும் சனி பகவானை, திருநள்ளாறு சென்று வழிபட்டு வருவது நல்லது. நளமகாராஜா அரண்மணை, வீடு, வாசல் அனைத்தும் இழந்ததோடு மனைவி மக்களையும் பிரிந்து வாழ்ந்தபோது இந்த ஸ்தலத்திற்கு வந்து தீர்த்தமாடி, இங்குள்ள இறைவனையும், இறைவியையும், சனி பகவானையும் வழிபட்டு இழந்த செல்வங்களை மீண்டும் பெற்றதாகப் புராணங்கள் சொல்கின்றன.

அந்த அடிப்படையில் உங்கள் வாழ்க்கையிலும் நீங்கள் எதை இழந்திருந்தாலும், அதை மீண்டும் பெறும் யோகம் இந்த ஸ்தல வழிபாட்டிற்கு உண்டு. இங்கு வந்து நள தீர்த்தமாடி நல்லது செய்ய வேண்டி, சனி பகவானை வழிபாடு செய்யுங்கள். மேலும் நவராத்திரி விழாவில் 9 நாட்களும் கலந்து கொண்டு விஜயதசமியன்று பராசக்தியையும் வழிபட்டு வருவது நல்லது.

பொன்னான புதனின் பெயர்ச்சி!

உங்கள் ராசிக்கு 3, 6-க்கு அதிபதியான புதன் செப்டம்பர் 24-ந் தேதி கன்னி ராசியிலும், அக்டோபர் 9-ந் தேதி துலாம் ராசியிலும் சஞ்சரிக்கப்போகின்றார். உங்கள் ராசியைப் பொறுத்தவரை மறைவிடங்களான 3, 6 ஆகிய இடங்களுக்கு அதிபதியான புதன் வலிமை இழப்பது யோகம் தான். வழக்குகள் சாதகமாகும். கடன் சுமை குறைய நீங்கள் எடுத்த புது முயற்சிகள் வெற்றி தரும். துலாம் ராசியில், புதன் சஞ்சரிக்கும் பொழுது தாய்வழி உறவு மேம்படும். மாமன், மைத்துனர் வழியில் நடைபெறும் மங்கல நிகழ்ச்சிகளை முன்னின்று நடத்திவைப்பீர்கள்.

நீச்ச சுக்ரனின் சஞ்சாரம்!

இதுவரை உங்கள் ராசிக்கு 5-ம் இடத்தில் சஞ்சரித்து வந்த சுக்ர பகவான் அக்டோபர் 10-ந்தேதி கன்னி ராசியில் நீச்சம் பெறப்போகின்றார். இது அவ்வளவு நல்லதல்ல. பண நெருக்கடி அதிகரிக்கும். வாங்கல்-கொடுக்கல்களில் தடுமாற்றம் ஏற்படும். கல்யாண வாய்ப்புகள் கைநழுவிச் செல்ல லாம். மங்கையர் வழியில் மனக்கலக்கம் அதிகரிக்கும். குடும்ப உறுப்பினர்களிடம் விட்டுக்கொடுத்துச் செல்வது நல்லது.

கன்னி ராசியில், செவ்வாயின் சஞ்சாரம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். ‘கன்னிச்செவ்வாய் கடலும் வற்றும்’ என்பார்கள். எனவே பொருளாதார நெருக்கடி அதிகரிக்கும். ஆரோக்கியம் சீராகும். மாற்று மருத்துவத்தை மேற்கொள்ளும் சூழ்நிலை உருவாகும். சகோதர்களிடையே பகை ஏற்படும். சொத்துகளை விற்கும் சூழ்நிலையும் அதனால் மனக்கலக்கமும் உண்டாகும்.

இம்மாதம் நவராத்திரி நாட்களில் அம்பிகை வழிபாட்டை மேற்கொள்ளுங்கள். அஷ்டமத்துச் சனிக்கு பரிகாரமாக அனுமனையும் வழிபட்டு வருவது நல்லது.

பணத்தேவையைப் பூர்த்தி செய்யும் நாட்கள்:

செப்டம்பர்: 17, 28, 29, அக்டோபர்: 3, 4, 9, 10, 13, 14

மகிழ்ச்சி தரும் வண்ணம்: ஆரஞ்ச்.

மங்கையர்களுக்கான பலன்கள்!

இம்மாதம் பெயர்ச்சியான குருவின் பார்வை உங்கள் ராசியில் பதிவதால் வளர்ச்சி கூடும். வருமானம் திருப்தி கரமாக இருக்கும். தடையாக இருந்தவர்கள் விலகுவார்கள். தாய்வழி ஆதரவு கிடைக்கும். கணவன்- மனைவி இடையே அன்பும், அரவணைப்பும் மேலோங்கும். குழந்தைகளின் எண்ணங்களை பூர்த்திசெய்வீர்கள். உத்தியோகத்தில் உள்ளவர்கள் உயர்பதவியைக் காண்பர். வீடு வாங்கும் யோகம் உண்டு. அகிலாண்ே-்டஸ்வரி வழிபாடு அனைத்து நலன்களையும் உங்களுக்கு வழங்கும்.

நல்ல காரியங்களுக்குப் பிள்ளையார் சுழி போடுவதில் முதன்மையாய் நிற்கும் ரிஷப ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சுக்ரன் சுக ஸ்தானத்தில் சஞ்சரிக்கின்றார். அவரோடு தனாதிபதி புதனும் விரயாதிபதி செவ்வாயும் இணைந்து சஞ்சரிக்கின்றார்கள். எனவே தனவிரயங்கள் அதிகரிக்குமோ என்று நீங்கள் நினைக்க வேண்டாம். செலவிற்கேற்ற வரவு வந்து கொண்டே இருக்கும். எதை எந்த நேரத்தில் செய்து முடிக்க வேண்டும் என்று விரும்புகிறீர்களோ, அந்த நேரத்தில் செய்து முடிப்பீர்கள்.

நீண்ட நாட்களாக நிலம் வாங்க வேண்டும் என்று நினைத்தவர்களுக்கு, அது கைகூடும் விதத்தில் கிரகங்கள் சாதகமாக விளங்குகின்றன. கட்டிய வீட்டைப் பழுதுபார்க்க முடியவில்லையே என்றும், கையில் பணம் புழங்கவில்லையே என்றும் கவலைப்பட்டவர்களுக்கு, அந்த பணியைத் தொடரும் விதத்தில் பணத்தேவைகள் பூர்த்தியாகப் போகின்றது.

இனிய பலன்கள் ஏராளமாக நடைபெறும் இம்மாதத்தில், சனியின் பார்வை உங்கள் ராசியில் பதிவதால் ஆரோக்கியத் தொல்லை ஏற்படலாம். நோய்க்கான அறிகுறி தோன்றும் பொழுதே மருத்துவ ஆலோசனைகளைப் பெறுவது நல்லது.

சூரியபலம் 5-ம் இடத்தில் இருப்பதால் படித்து முடித்த பிள்ளைகளுக்கு வேலை கிடைக்கவில்லையே என்று கவலைப்பட்டவர்களுக்கு இப்பொழுது மகிழ்ச்சியான விதத்தில் நல்ல தகவல் வந்து சேரப்போகின்றது. அரசு வேலைக்காக முயற்சி செய்திருந்தவர்களுக்கு அதுவும் கைகூடி வரலாம்.

3-ல் ராகு இருப்பதால் வழக்குகள் சாதகமாக முடியும். முன்னேற்றப் பாதையில் இருந்த இடையூறுகள் அகலும். சகோதர வர்க்கத்தினரின் சச்சரவுகள் அகலும். உங்கள் வாழ்க்கைத் தேவைகளைப் பூர்த்தி செய்ய அவர்களும் முன்வருவர். 6-ல் குரு தற்சமயம் வந்திருக்கின்றார். ‘6-ல் குரு ஊரில் பகை’ என்று முன்னோர்கள் சொல்லி வைத்திருக்கின்றார்கள். ஆனால் உங்களைப் பொறுத்த வரை அந்த மாதிரியான சூழ்நிலை ஏற்படாது. காரணம் உங்கள் ராசிக்கு அஷ்டம லாபாதிபதியாக விளங்குபவர் குரு பகவான். 8-க்கு அதிபதி 6-ல் வரும்பொழுது விபரீத ராஜயோகம் செயல்படும்.

உங்களுக்கு குரு பகவானின் பெயர்ச்சியால் திட்ட மிடாது செய்யும் காரியங்களில் வெற்றி கிடைக்கும். திடீர், திடீர் என தனலாபம் வந்து கொண்டே இருக்கும். மாற்றுக் கருத்துடையோர் மனம் மாறுவர். கூட்டு முயற்சிகளில் இருந்து விடுபட்டு தனித்து இயங்க முன்வருவீர்கள். குரு பகவானை முறையாக வழிபட்டால் முன்னேற்றப் பாதையை நோக்கி நீங்கள் அடியெடுத்து வைக்க இயலும். நவராத்திரி விழா நடைபெறும் இந்த மாதத்தில் 9 நாட்களிலும் அம்பிகையை வழிபடுவதோடு, விஜயதசமியன்று பராசக்தி வழிபாட்டை பரிபூரணமாகச் செய்தால் அதிக பலன் கிடைக்கும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசியிலும், அக்டோபர் 9-ந் தேதி துலாம் ராசியிலும் புதன் சஞ்சரிக்கப் போகின்றார். வலிமை இழந்து புதன் சஞ்சரிக்கப் போவதால் எதையும் ஒருமுறைக்குப் பலமுறை யோசித்துச்செய்யும் சூழ்நிலை உருவாகலாம். திட்டமிட்ட காரியம் திசைமாறிச் செல்லும். பணநெருக்கடிகள் அதிகரிக்கலாம். பிள்ளை களாலும் பிரச்சினைகள் ஏற்பட்டு அகலும். நல்ல வாய்ப்புகளாக இருந்தாலும் அதை நழுவவிட்டு விடுவீர்்கள். இக்காலத்தில் சிறப்புப் பரிகாரங்களை மேற்கொள்வது நல்லது.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசியில் சுக்ரன் நீச்சம் பெறுகின்றார். இது அவ்வளவு நல்லதல்ல. எதிர்பாராத திருப்பங்கள் பலவற்றையும் ஏற்படுத்தும். புதியவர்களை நம்பி ஏமாற வேண்டாம். பொருளாதாரத்தில் நெருக்கடி, குடும்ப உறுப்பினர்களுடன் கருத்து வேறுபாடு போன்றவற்றை எல்லாம் சந்திக்க நேரிடும்.

செவ்வாய் பெயர்ச்சிப் பலன்கள்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். எண்ணியது நிறைவேற ஏற்ற தருணம் இது. தொட்ட காரியங்களில் வெற்றி கிடைக்கும். தொல்லை தந்தவர்கள் விலகுவர். கட்டிடப்பணி தொடரும். கடமையில் கண்ணும் கருத்துமாக இருப்பீர்கள். விலகிச் சென்ற சகோதரர்கள் விரும்பி வந்திணைவர். திடீர்ப் பயணங்கள் தித்திக்க வைக்கும். வாழ்க்கைத் துணை வழியே வந்த பிரச்சினைகள் அகலும்.

குழந்தைகளின் எதிர்கால நலன் கருதி நீங்கள் எடுத்த முயற்சி வெற்றி பெறும். அடகு வைத்த நகைகளை மீட்டுக்கொண்டு வந்து அணிந்து அழகு பார்க்கும் சூழ்நிலை உண்டு. குரு வலிமை இழந்து சஞ்சரிப்பதால் இக்காலம் ஒரு பொற்காலமாக அமையும்.

இம்மாதம் அமாவாசையன்று முன்னோர் வழிபாடும், சனிக்கிழமையன்று அனுமன் வழிபாடும் உங்கள் முன்னேற்றத்திற்கு உறுதுணையாக இருக்கும்.

பணத்தேவையைப் பூர்த்தி செய்யும் நாட்கள்:

செப்டம்பர்: 18, 19, 30, அக்டோபர்: 1, 2, 5, 6, 12, 13, 16, 17

மகிழ்ச்சி தரும் வண்ணம்: வெளிர்நீலம்.

மங்கையர்களுக்கான பலன்கள்!

இம்மாதம் வளர்ச்சி கூடும் மாதமாகும். அக்கறை காட்டாத செயலில் கூட ஆதாயம் கிடைக்கும். கல்யாண வாய்ப்புகள், வீடு கட்டும் யோகம், கட்டிடத் திறப்புவிழா நடைபெறுவதற்கான அறிகுறிகள் தோன்றும். தாய்வழி ஆதரவு கிடைக்கும். வாகன யோகம் உண்டு. தங்கம், வெள்ளி வாங்குவதில் தனிக்கவனம் செலுத்துவீர்கள். ஒவ்வொரு வியாழக்கிழமையும் குரு பகவானை வழிபடுவதோடு நவராத்திரி நாட்களில் ஆலயம் சென்று அம்பிகையை வழிபட்டு வருவதன் மூலம் வாழ்வில் வசந்தம் உருவாகும்.

நாட்டுப்பற்று மிக்கவர்களை நண்பர்களாக்கிக் கொள்ளும் மிதுன ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் சகாய ஸ்தானத்தில் சஞ்சரிக்கின்றார். அவரோடு விரயாதிபதி மற்றும் பஞ்சம ஸ்தானாதிபதியான சுக்ரனும் இருக்கின்றார். 6, 11-க்கு அதிபதியான செவ்வாயும் இணைந்திருக்கின்றார். ராசிநாதனோடு லாபாதிபதியும், விரயாதிபதியும் இணைந்திருக்கும் பொழுது விரயத்திற்கேற்ற லாபம் வந்து கொண்டே இருக்கும். வீண் விரயம் ஏற்படாமல் சுபவிரயங்களாக மாற்றிக் கொள்வது உங்கள் புத்திசாலித்தனமாகும்.

குருவின் அருட்பார்வை உங்கள் ராசியில் பதிவது மிக மிக யோகமாகும். குரு பார்க்கக் கோடி நன்மை என்பதால் தொட்ட காரியங்களில் எல்லாம் வெற்றி கிட்டும். துயரங்கள் எல்லாம் ஓடி ஒளியப்போகின்றது. விவகாரங்கள் தீரும். தகராறுகள் தானாக விலகும். தக்க விதத்தில் நண்பர்களும், உறவினர்களும் ஒத்துழைப்புச் செய்வார்கள்.

மங்கலச் சத்தம் மட்டுமல்ல, மழலையின் ஓசையும் மனம் மகிழும் விதத்தில் இல்லத்தில் கேட்கும். கொடுத்த பணம் குறிப்பிட்டபடி வசூலாகும். அடுத்தடுத்து நல்ல காரியங்கள் அரங்கேறிக் கொண்டிருக்கும். சரிந்திருந்த வாழ்க்கை சமநிலைக்கு வந்து விடும். புரிந்து கொண்டு செயல்பட்டு புகழைப் பெருக்கிக் கொள்வீர்கள். அதே நேரத்தில் 2-ல் ராகுவும், 8-ல் கேதுவும் சஞ்சரித்து சர்ப்ப தோஷத்தை வலுப்படுத்துகிறார்கள். எனவே ராகு திசை, கேது திசை, ராகு புத்தி, கேது புத்தி போன்றவை நடப்பவர்கள் சர்ப்ப சாந்திப் பரிகாரங்களை அவசியம் செய்து கொள்வது நல்லது.

8-ல் கேது வரும்பொழுது இட மாற்றம், ஊர் மாற்றம், உத்தியோக மாற்றம் வரலாம். அவ்வாறு வரும் மாற்றங்கள் ஏற்றுக் கொள்ளக்கூடியதாகவே இருக்கும். உத்தியோகத்தில் உள்ளவர்களுக்கு ஊர் மாற்றமும், உன்னதமான வாழ்க்கையும் அமையும். கைநிறையச் சம்பாதிக்கும் யோகம் இப்பொழுது வந்து சேரப்போகின்றது. பை நிறையப் பணம் குவியும் என்றாலும் உறவினர்களையும் அனுசரித்துக் கொள்ள வேண்டும்.

ஒவ்வொரு வியாழக்கிழமையும் குரு பகவானுக்கு முல்லைப்பூ மாலை அணிவித்து அர்ச்சனை செய்து வந்தால் பிரச்சினைகள் தீரும்.

அதுமட்டுமல்லாமல் துர்க்காஷ்டமி அன்று துர்க்கையையும், சரஸ்வதி பூஜையன்று சரஸ்வதியையும், விஜய தசமியன்று லட்சுமியையும், ஆதிபராசக்தியையும் வழிபட்டு முப்பெருந்தேவியரைக் கொண்டாடினால் ஒப்பற்ற வாழ்க்கை அமையும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசியிலும், அக்டோபர் 9-ந் தேதி துலாம் ராசியிலும் புதன் சஞ்சரிக்கப் போகின்றார். புதன் வலிமை இழந்து சஞ்சரித்தாலும் கூட கன்னி ராசியில் உச்சம் பெறும் நேரத்தில் மிகுந்த நற்பலன்களை வழங்குவார். தன பஞ்சமாதிபதியான புதன், பஞ்சம ஸ்தானத்தில் சஞ்சரிக்கும் பொழுது பூர்வீக சொத்துத் தகராறுகள் அகலும். புதிய ஒப்பந்தங்கள் வந்துசேரும். துலாத்தில் புதன் சஞ்சரிக்கும் பொழுது கொடுத்த கடன்கள் வசூலாகும். உத்தியோகத்தில் எதிர்பார்த்த மாற்றம் கிடைக்கும்.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசியில் சுக்ரன் நீச்சம் பெறுகின்றார். பஞ்சம விரயாதிபதி நீச்சம் பெறும் பொழுது பிள்ளைகளால் சில பிரச்சினைகள் அலைமோதும். தங்கம், வெள்ளி வாங்குவதில் தனிக்கவனம் செலுத்துவீர்கள். உறவினர் வழிப் பிரச்சினைகள் விஸ்வரூபம் எடுக்கலாம். தேனாகப் பேசுபவர்கள் வீணாகச் சண்டை போடத் தொடங்குவர். உத்தியோகத்தில் திடீர் மாறுதல்கள் உருவாகலாம். கவனத்துடன் செயல்பட வேண்டிய நேரமிது. ஆரோக்கியப் பாதிப்புகளும் அதனால் மருத்துவச் செலவுகளும் உருவாகலாம்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசியில் செவ்வாய் சஞ்சரிக்கப் போகின்றார். இடம், பூமி வாங்கும் யோகமும், பத்திரப் பதிவில் கவனம் செலுத்தி சொத்துகள் வாங்கும் சூழ்நிலையும் உருவாகும். விலகிச் சென்ற உடன்பிறப்புகள் விரும்பி வந்திணைவர். தொழிலில் இழப்புகளை ஈடுசெய்ய புதிய வாய்ப்புகள் வந்து சேரும்.

இம்மாதம் குரு வழிபாட்டை முறையாக மேற்கொள்வதோடு, குருவிற்குரிய சிறப்பு ஸ்தலங்களுக்கும் யோகபலம் பெற்ற நாளில்சென்று வழிபட்டு வருவது நல்லது. ராகு-கேது வழிபாடு தடைகளை அகற்றும்.

பணத்தேவையைப் பூர்த்தி செய்யும் நாட்கள்:

செப்டம்பர்: 17, 21, 22, அக்டோபர்: 4, 5, 13, 14, 15

மகிழ்ச்சி தரும் வண்ணம்: பச்சை.

மங்கையர்களுக்கான பலன்கள்!

இம்மாதம் மனக்கசப்புகள் மாறும் மாதமாகும். பணப்புழக்கம்அதிகரிக்கும். பக்கத்து வீட்டாரின் பகை மாறும். கணவன்-மனைவிக்குள் நெருக்கம் அதிகரிக்கும். பிள்ளைகளின் சுபகாரியப் பேச்சுகள் நல்லவிதமாக முடியும். தாய்வழி ஆதரவு கிடைக்கும். உடன்பிறப்புகள் உறு துணையாக இருப்பர். உத்தியோகத்தில் உள்ளவர்கள் எதிர்பார்த்த இலாகா மாற்றங்களைக் காண்பர். உங்கள் பெயரிலேயே சொத்துகள் வாங்கும் யோகம் உண்டு. மாதத்தின் பிற்பாதியில் பயணங்கள் அதிகரிக்கும். விலகிச் சென்ற உறவினர்கள் விரும்பி வந்திணைவர். நவராத்திரி விழாவில் தொடர்ந்து அம்பிகை வழிபாட்டை மேற்கொண்டால் துன்பங்களிலிருந்து விடுபட இயலும். புதன்கிழமை தோறும் பெருமாளையும், லட்சுமியையும் வழிபட்டு வருவது நல்லது.

பணிவு மட்டுமல்லாமல் துணிவும் கொண்டு செயலாற்றும் கடக ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத்தொடக்கத்தில் உங்கள் ராசிநாதன் சந்திரன் உங்கள் ராசியில் சஞ்சரிப்பது யோகம்தான். வாழ்க்கைத் தேவைகள் பூர்த்தியாகும். வளர்ச்சி கூடும். ராசியிலேயே ராகுவும், சப்தம ஸ்தானத்தில் கேதுவும் இருப்பதால் ஒருசில நேரங்களில் மனக்கலக்கத்திற்கு ஆளாக நேரிடும். ஒரு காரியத்தைச் செய்துவிட்டு அது சரியாக முடிவடையாத பட்சத்தில், ‘ஆகா இப்படிச் செய்து விட்டோமே?’ என்று நினைப்பீர்கள்.

அர்த்தாஷ்டம குருவாக 4-ம் இடத்தில் குரு சஞ்சரிக்கின்றார். எனவே ஆரோக்கியத்தில் கொஞ்சம் கூடுதல் கவனம் தேவை. மருத்துவச் செலவுகள் அதிகரிக்கும். பயணங்கள் பலன் தருவதாக அமையும். இடம், பூமி விற்பனையில் ஏமாற்றங்களைச் சந்திக்காமல் இருக்க விழிப்புணர்ச்சியுடன் நீங்கள் செயல்பட வேண்டும். தாய், தந்தையரின் உடல்நலப் பாதிப்பின் காரணமாக மனக்கலக்கம் ஏற்படலாம்.

பஞ்சம ஸ்தானத்தில் சனி சஞ்சரிப்பது நன்மை தான். நீண்ட நாட்களாக முடிவடையாத பிரச்சினைகள் இப் பொழுது முடிவடைந்து நிம்மதியை வழங்கும். வாங்கல் கொடுக்கல்களில் யாருக்கேனும் பொறுப்புகள் சொல்லிஇருந்தால் அவர்களால் பகை உணர்வை வளர்த்திருக்கலாம். இப்பொழுது நாணயப் பாதிப்பிலிருந்து விடுபடும் விதத்தில் அவை ஒழுங்காகும். ஜென் மத்தில் ராகுவும், சப்தம ஸ்தானத்தில் கேதுவும் சஞ்சரிக்கின்றார்கள். எனவே காலசர்ப்ப தோஷத்தின் பின்னணியில் உங்கள் ஜாதகம் செயல்படப் போகின்றது.

பாம்பு கிரகங்கள் பலன் தரும் என்றாலும் சப்தம ஸ்தானத்தில் கேது சஞ்சரிப்பது அவ்வளவு நல்லதல்ல. வெளிநாட்டு முயற்சி வெற்றிகரமாக முடியுமா? என்பது சந்தேகம் தான். வியாபார விரோதங்களைச் சாமர்த்தியமாகச் சமாளிப்பீர்கள். அரசியல் மற்றும் பொதுநலத்தில் இருப்பவர்கள் பகை உணர்வை வளராமல் பார்த்துக் கொள்வது நல்லது. திடீர், திடீர் எனப் பொறுப்புகள் மாற்றப்படலாம்.

ஜென்ம ராகுவால் நன்மைகள் நடக்கவும், சப்தம கேதுவால் தடைகள் விலகவும், நாகசாந்திப் பரிகாரங்களை உங்களுக்கு யோகபலம் பெற்ற நாளில் அனுகூலம் தரும் ஸ்தலங்களை உங்கள் சுயஜாதகத்திற்கு ஏற்றவாறு தேர்ந்தெடுத்துப் பரிகாரங்களைச் செய்துகொள்வது நல்லது. மேலும் நவராத்திரி விழா நாட்களில் ஆதிபராசக்தியை உள்ளன்போடு வழிபட்டு வந்தால் சோதனைகள் மாறிச் சாதனைகள் நிகழ்த்த இயலும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப், புதன் செல்கின்றார். அதன்பிறகு அக்டோபர் 9-ந் தேதி துலாம் ராசிக்கு புதன் செல்கின்றார். சகாய ஸ்தானம், விரய ஸ்தானம் ஆகியவற்றிற்கு அதிபதியான புதன், கன்னி ராசியில் உச்சம் பெறும்பொழுது உடன்பிறப்புகளின் இல்லத்தில் நடைபெறும் மங்கல நிகழ்ச்சிகளை முன்னின்று நடத்துவீர்கள். துலாம் ராசியில், புதன் சஞ்சரிக்கும்பொழுது பயணங்கள் அதிகரிக்கும். உத்தியோகத்தில் இடமாற்றங்கள் உருவாகலாம். தாய்வழிப் பிரச்சினைகள் தலைதூக்கும். குடும்பப் பிரச்சினைகளைச் சமாளிக்கும் சூழ்நிலை உருவாகும்.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசிக்கு சுக்ரன் செல்கின்றார். இந்த வீடு சுக்ரனுக்கு நீச்ச வீடாகும். 4, 11-க்கு அதிபதி வலிமை இழந்தாலும் கூட குருவின் பார்வை 8, 10, 12 ஆகிய இடங்களில் பதிவதால் தொழிலில் ஏற்பட்ட சரிவை ஈடுகட்டுவீர்கள். நண்பர்கள் நம்பிக்கைக்குரிய விதத்தில் நடந்து கொள்வர். முயற்சிகளில் இருந்த முட்டுக்கட்டைகள் அகலும். வேலையாட்களால் ஏற்பட்ட வேதனைகள் விலகும். தொழிலில் புதிய பங்குதாரர்களை இணைத்துக்கொண்டு செயல்படுவீர்கள். வெளிநாட்டில் பணி புரிபவர் களுக்கு திடீர் என்று தாய்நாடு திரும்பும் சூழ்நிலை உருவாகும்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். ‘கன்னிச் செவ்வாய் கடலும் வற்றும்’ என்பது பழமொழி. எனவே பொருளாதாரத்தில் மிகுந்த பற்றாக்குறை ஏற்படலாம். வாங்கல்-கொடுக்கல்களில் தடைகளும், தாமதங்களும் உருவாகும். கடன் சுமையின் காரணமாகவோ அல்லது தொழிலுக்கு மூலதனமாக்கிக் கொள்ளவோ, வீடு, மனைகளை விற்கும் சூழ்நிலை சிலருக்கு உருவாகலாம். பிள்ளைகளால் அதிக தொல்லைகளைச் சந்திக்க நேரிடலாம். அவர்களை உங்கள் மேற்பார்வையில் வைத்துக் கொள்வது நல்லது. அரசியல் மற்றும் பொதுநலத்தில் உள்ளவர்களிடம் பகை ஏற்படாமல் பார்த்துக்கொள்வது அவசியம்.

இம்மாதம் வியாழன் தோறும் குரு பகவானை வழிபடுவதோடு செவ்வாய் தோறும் முருகப்பெருமானையும் வழிபட்டு வருவது நல்லது. நவராத்திரி நாட்களில் துர்க்கை, லட்சுமி, சரஸ்வதி ஆகிய மூவரை வழிபட்டு துயரங்களைப் போக்கிக் கொள்ளுங்கள்.

பணத்தேவையைப் பூர்த்தி செய்யும் நாட்கள்:

செப்டம்பர்: 19, 20, 22, 23, அக்டோபர்: 5, 6, 10, 11, 16, 17

மகிழ்ச்சி தரும் வண்ணம்: மஞ்சள்.

மங்கையர்களுக்கான பலன்கள்!

சந்தர்ப்பங்கள் சாதகமாக அமையும் நேரமிது. புதிய முயற்சிகளில் வெற்றி கிடைக்கும். கணவன்-மனைவிக் குள் விட்டுக் கொடுத்துச் செல்வது நல்லது. குழந்தைகளை உங்களுடைய கவனத்திலேயே வைத்துக் கொள்ளுங்கள். கன்னி ராசியில் செவ்வாய் சஞ்சரிக்கும் நேரத்தில் இடமாற்றம், ஊர் மாற்றங்கள் உருவாகலாம். கடன் சுமை பாதிக்கு மேல் குறையும். ஒவ்வொரு வியாழக் கிழமையும் விரதமிருந்து குரு பகவானை வழிபட்டு வருவது நல்லது. நவராத்திரி வழிபாட்டில் அதிக கவனம் செலுத்துங்கள். எதிர்பார்ப்புகள் அனைத்தும் ஈடேறும்.

மற்றவர்கள் மனதைப் புரிந்து கொண்டு செயல்படும் சிம்ம ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் தன ஸ்தானத்தில் சஞ்சரிக்கின்றார். தனாதிபதி புதன் உங்கள் ராசியிலேயே சஞ்சரிக்கின்றார். சூரியனும், புதனும் ஒரே நேரத்தில் தங்களது வீடுகளை மாற்றி, சூரியன் வீட்டில் புதனும், புதன் வீட்டில் சூரியனும் சஞ்சரித்து பரிவர்த்தனை யோகத்தைக் கொடுக்கின்றார். யோகங் களில் சிறப்பான யோகம் பரிவர்த்தனை யோகமாகும்.

இதன் விளைவாக பொருளாதாரத்தில் மிகுந்த முன்னேற்றம் காணப்போகிறீர்கள். உங்கள் கனவுகள் எல்லாம் நனவாகும். குருவும் சகாய ஸ்தானத்தில் சஞ்சரிப்பதால் இதுவரை இருந்த தடைகற்கள் எல்லாம் அகலும். துணிவும், தன்னம்பிக்கையும் கூடும். இடையிடையே ஸ்தம்பித்திருந்த தொழில் இனி சீராக நடைபெறும். குடும்பத்தில் நடைபெற இருந்த சுபகாரிய நிகழ்வுகளில் ஏற்பட்ட தாமதங்கள் அகலும்.

கல்யாணமாக இருந்தாலும், காதணி விழாவாக இருந்தாலும், கட்டிடத் திறப்புவிழாவாக இருந்தாலும் இனி துரிதமாக நடைபெறும். வள்ளல்களின் ஒத்துழைப்பும் கிடைக்கும்.

சனி அர்த்தாஷ்டமச் சனியாக சஞ்சரிப்பதால் ஆரோக்கியத் தொல்லைகள் ஏற்படுமே என்று நீங்கள் நினைக்க வேண்டாம். சனி விலகும் நேரம் வந்து விட்டது. விலகுவதற்குச் சில மாதங்கள் முன்னதாகவே நன்மைகளையே செய்யத்தொடங்கும் என்பதால் இனி மன நிம்மதி கிடைக்கும். மாற்றுக் கருத்துடையோர் மனம் மாறுவர். கூட்டு முயற்சிகளில் இருந்து விடுபட்டுத் தனித்து இயங்க முற்படுவீர்கள்.

உங்கள் ராசியில் சஞ்சரித்து வந்த ராகு பகவான் சில நாட்களுக்கு முன்பு 12-ம் இடத்திற்குச் சென்று கடக ராசியில் சஞ்சரிக்கின்றார். சப்தம ஸ்தானத்தில் சஞ்சரித்து வந்த கேது பகவான் 6-ம் இடத்திற்கு வந்துள்ளார். எனவே உத்தியோகத்தில் உள்ளவர்கள்் திடீர் மாற்றம் ஏற்பட்டு இடமாறுதல் காணப்போகின்றார்கள். இது போன்ற காலங் களில் வழிபாடுகள் உங்களுக்குத் தேவை. சனிக்கிழமை தோறும் அனுமன் வழிபாட்டையும், பெருமாள், லட்சுமி வழிபாட்டையும் மேற்கொள்வது நல்லது.

பொன்னான புதனின் பெயர்ச்சி!

24.9.2017 அன்று கன்னி ராசிக்குப் புதன் செல்கின்றார். புதனுக்கு அந்த வீடு உச்ச வீடு என்றாலும் புத பகவான் வலிமை இழந்து சஞ்சரிக்கின்றார். அத்துடன் அக்டோபர் 9-ந் தேதி துலாம் ராசிக்குப் புதன் செல்கின்றார். அங்கும் வலிமை இழந்துதான் சஞ்சரிக்கின்றார். எனவே இக்காலம் ஒரு பொற்காலமாகும். தனலாபாதிபதி உச்சம் பெறும் பொழுது தொழில் வளர்ச்சி சிறப்பாக இருக்கும்.

வருமானம் திருப்தி தரும். வருங்கால நலன்கருதி நீங்கள் செய்யும் செயல்களுக்கு வெற்றி கிடைக்கும். உறவினர்கள் உங்கள் முயற்சிக்கு உறுதுணையாகச் செயல்படுவர். துலாத்தில் புதன் சஞ்சரிக்கும் பொழுது மாமன், மைத்துனர் வழியில் உதவிகளும், ஒத்துழைப்பு கிடைக்கும். வழக்குகள் சாதகமாகும். தொழில் முன்னேற்றம் உண்டு.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசிக்குச் சுக்ரன் செல்கின்றார். அது சுக்ரனுக்குரிய நீச்ச வீடாகும். வலிமை இழந்து வீட்டில் சுக்ரன் சஞ்சரித்தாலும் நற்பலன்களையே அவர் வழங்குவார். காரணம் சூரியனோடு சுக்ரன் சேர்க்கை பெற்றிருக்கின்றார். 3, 10-க்கு அதிபதி நீச்சம் பெறுவதால் தொழில் பங்குதாரர்களால் தொல்லைகள் ஏற்படலாம். பங்குதாரர்களை மாற்றிக்கொள்ள முன்வருவீர்கள். பணத்தேவைகள் கடைசிநேரத்தில் பூர்த்தியாகும்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். உங்கள் ராசிக்கு யோக கிரகமான செவ்வாய், கன்னி ராசிக்குச் செல்லும் பொழுது சொத்து களால் ஆதாயம் கிடைக்கும். சொந்தங்களால் நன்மை உண்டாகும். தந்தை வழி உறவிலிருந்த விரிசல் மறையும். பூர்வீக சொத்துகளில் இருந்த பஞ்சாயத்துகள் நல்ல முடிவிற்கு வரும்.

இம்மாதம் சனிக்கிழமைதோறும் விநாயகப் பெருமானை வழிபாடு செய்வது நல்லது. சங்கடஹர சதுர்த்தி விரதத்தின் மூலம் சங்கடங்களை அகற்றிக் கொள்ள இயலும். மகாளய அமாவாசை அன்று முன்னோர் வழிபாட்டை முறையாக மேற்கொள்வது நல்லது.

பணத்தேவையைப் பூர்த்தி செய்யும் நாட்கள்:

செப்டம்பர்: 20, 21, 24, 25, 26, அக்டோபர்: 7, 8, 11, 12.

மகிழ்ச்சி தரும் வண்ணம்: ரோஸ். ”

மங்கையர்களுக்கான பலன்கள்!

இம்மாதம் பரிவர்த்தனை யோகமும், புத ஆதித்ய யோகமும் செயல்படும் மாதம் என்பதால் பணக்கவலை தீரும். பாராட்டும், புகழும் கூடும். மனதளவில் செய்ய நினைத்ததை மறுகணமே செய்து முடிப்பீர்கள். கணவன்-மனைவிக்குள் பாசமும், நேசமும் அதிகரிக்கும். குழந்தைகளின் எதிர்கால நலன் கருதி தீட்டிய திட்டங் கள் வெற்றி பெறும். உடன்பிறப்புகள் உங்கள் பணிக்கு உறுதுணையாக இருப்பர். கடன்சுமை குறையும். அலுவலகத்தில் எதிர்பார்த்த சலுகைகள் கிடைக்கும். பராசக்தி வழிபாடு அனைத்து நலன்களையும் வழங்கும்.

உறவிற்கு முக்கியத்துவம் கொடுக்கும் உன்னத குணம் பெற்ற கன்னி ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் விரயஸ்தானத்தில் இருக்கின்றார். விரயாதிபதி சூரியன் உங்கள் ராசியிலேயே சஞ்சரிக்கின்றார். எனவே குடும்பச்சுமை கூடுதலாக இருக்கும். கொடுக் கல்-வாங்கல்களில் திருப்தி ஏற்படாது. கடுமையாக முயற்சி செய்தே ஒருசில காரியங்களை நிறைவேற்றிக் கொள்ள இயலும்.

குருப்பெயர்ச்சியாகிவிட்டதே இனி நமக்கு நன்மைகள் நடைபெறும் என்று எதிர்பார்த்துக் காத்திருக்கும் போது, இப்படி விரயத்திற்கான அறிகுறி தென்படுகின்றதே என்று நீங்கள் நினைக்க வேண்டாம். ஜென்ம குரு மாறியதால் சிரமங்கள் பாதிக்குமேல் குறையும். இருந்தாலும் இதுபோன்ற விரயாதிபதி பலம் பெற்றிருக்கும் காலங்களில் விரயங்கள் ஏற்படத்தான் செய்யும். இவ்வாறு ஏற்படும் விரயங்களைச் சுபவிரயங்களாக மாற்றிக் கொள்வது நல்லது. வீடு கட்டுவது, வாகனம் வாங்குவது, மின்சாதனப் பொருட்கள் வாங்குவதற்கும் செலவிடலாம்.

வருமானம் திருப்திகரமாக இருக்கும் என்பதால் செலவைப் பற்றி யோசிக்க வேண்டியதில்லை. எனவே தனாதி பதி சுக்ரன் 12-ல் சூரியன் வீட்டில் இருந்து நற்பலன் களை அதிகம் வழங்கப் போகின்றது. 2-ல் வந்த குரு திரண்ட செல்வத்தைக் கொடுப்பார். திட்டமிட்ட காரியங் களைத் திட்டமிட்டபடியே நடத்துவதில் தாமதங்கள் ஏற்பட்டாலும் காரியங்கள் கடைசி நேரத்தில் கைகூடிவரும்.

உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் 3-ல் இருப்பது ஒருவகை யில் நன்மைதான். ‘கெட்டவன் கெட்டிடில் கிட்டிடும் ராஜயோகம்’ என்பதற்கு ஏற்ப சில எதிர்பாராத திருப்பங் களும் ஏற்படும். உத்தியோகத்தில் உயர்வு, ஊதியத்தில் வராமலிருந்த சம்பளப் பாக்கிகள் கைக்கு வரும். சகோதர விரோதம் விலகும். நிரந்தர வேலைக்காக விண்ணப்பித்திருந்தவர்களுக்கு நல்ல செய்தி வீடு தேடிவரும். குணம் மாறி நடந்த பிள்ளைகள் மனம் மாறுவர்.

இம்மாதம் புதன்கிழமைதோறும் பெருமாளையும், லட்சுமியையும் வழிபாடு செய்வதோடு, அனுமனுக்கு வெற்றிலை மாலை அணிவித்து வழிபட்டு வருவது நல்லது. நவராத்திரி நாட்களில் தொடர்ந்து அன்னை பராசக்தியை வழிபட்டால் எண்ணங்கள் எளிதில் நிறைவேறும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப் புதன் செல்கின்றார். இதன் விளைவாக மிகுந்த நற்பலன்கள் உங்களுக்கு வந்துசேரப்போகின்றது. குறிப்பாக கன்னி ராசியில் புதன் உச்சம் பெறும் பொழுது உடல் ஆரோக்கியம் சீராகும். மதிப்பும், மரியாதையும் உயரும். புதிய ஒப்பந்தங்கள் வந்து சேரும். எடுத்த முயற்சிகளில் வெற்றி கிடைக்கும். அக்டோபர் 9-ந் தேதி துலாம் ராசிக்கு, புதன் செல்கின்றார். புதனுடைய சஞ்சாரம் கொஞ்சம் வலிமை இழந்திருந்தாலும் கூட உங்கள் ராசிநாதனாக இருப்பதால் ஓரளவு நன்மைகளையே வழங்குவார். தொழில் ஸ்தானாதிபதியாகவும் புதன் இருப்பதால் இக்காலத்தில் தொழில் வளர்ச்சி சிறப்பாக இருக்கும்.

நீச்ச சுக்ரனின் சஞ்சாரம்!

சுக்ரன் உங்கள் ராசிக்கு அக்டோபர் 10-ந் தேதி வருகின்றார். கன்னி ராசி சுக்ரனுக்கு நீச்ச வீடாகும். எனவே இக்காலத்தில் பணப்புழக்கம் கொஞ்சம் குறைவாகவே இருக்கும். ஒருசிலருக்கு நெருக்கடியைச் சமாளிக்க பிறரிடம் கைமாற்று வாங்கும் சூழ்நிலை கூட உருவாகலாம். தந்தை வழியில் விரோதங்கள் வளரும். வியாபாரத்தில் பங்குதாரர்களால் ஏமாற்றம் உருவாகலாம். எதிலும் கூடுதல் கவனம் செலுத்த வேண்டிய நேரமிது.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். இக்காலத்தில் நீங்கள் எதிலும் முன்னெச்சரிக்கையுடன் செயல்படுவது நல்லது. குறிப்பாக சகோதர விரோதம் வளரும். மற்றவர்களை நம்பி ஒப்படைத்த பொறுப்புகள் மீண்டும் உங்களிடமே வந்து சேரும். புதியவர்களை நம்பி எந்த முயற்சியிலும் ஈடுபடக்கூடாது. சொத்துப் பிரச்சினைகள் தலைதூக்கும். பணியில் நெருக்கடிகள் அதிகரிக்கும்.

இம்மாதம் பிரதோஷ வழிபாட்டை மேற்கொள்வதோடு மகாளய அமாவாசையன்று முன்னோர் வழிபாட்டிலும் கவனம் செலுத்துங்கள். நவராத்திரி விழாவில் கலந்து கொண்டு அம்பிகையை தரிசனம் செய்வது அதிகப் பலன்களைக் கொடுக்கும்.

பணத்தேவையைப் பூர்த்தி செய்யும் நாட்கள்:

செப்டம்பர்: 17, 22, 23, 28, 29, அக்டோபர்: 9, 10, 13, 14

மகிழ்ச்சி தரும் வண்ணம்: சிவப்பு.

மங்கையர்களுக்கான பலன்கள்!

இம்மாதம் விரயங்கள் கொஞ்சம் கூடுதலாகவே இருக்கும். வீட்டுச் செலவுகள் அதிகரிக்கும். சென்ற மாதத்தில் சேமித்த சேமிப்புகள் கரையலாம். கணவன்-மனைவிக்குள் ஒற்றுமை பலப்படும். குழந்தைகள் உங்கள் குணமறிந்து நடந்து கொள்வர். உறவுகள் பகையாகலாம். மறைமுக எதிர்ப்புகள் அதிகரிக்கும். உத்தியோகத்தில் மேலதிகாரிகளை அனுசரித்துச் செல்வது நல்லது. தாயின் உடல்நலம் சீராகும்.வீடு வாங்கும் யோகம் ஒருசிலருக்கு உண்டு. புதன் தோறும் விஷ்ணு, லட்சுமி, வழிபாட்டை மேற்கொள்வதோடு நவராத்திரி நாட்களில் அன்னை புவனேஸ்வரியை வழிபடுவதன் மூலம் அனைத்து நலன்களும் வந்து சேரும்.

கவர்ச்சியாகப் பேசிக்காரியங்களைச் சாதித்துக் கொள்வதில் வல்லவர்களாக விளங்கும் துலாம் ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது மாதத் தொடக்கத்திலேயே உங்கள் ராசியில் குருபகவான் சஞ்சரிக்கின்றார். ஜென்ம குருவாக இருந்தாலும் அதன் பார்வை 5, 7, 9 ஆகிய இடங்களில் பதிவதால் அந்தந்த இடங்களுக்குரிய ஆதிபத்யங்கள் எல்லாம் நல்லவிதமாக நடைபெறும். எனவே பிள்ளைகளின் படிப்பு அல்லது பல நாட்களாக எதிர்பார்த்துக் காத்திருந்த வேலை, கல்யாணம் தொடர்பாக நீங்கள் ஏதேனும் புது முயற்சிகள் செய்திருந்தால் அதில் அனுகூலம் கிடைக் கும்.

சப்தம ஸ்தானத்தைப் பார்க்கும் குருவின் பலனால் சங்கடங்கள் தீரும். சார்ந்து இருப்பவர்களால் நன்மை கிட்டும். கல்யாணக் கனவுகள் நனவாவதற்கான அறிகுறிகள் தென்படும். வெளிநாடு சென்று சம்பாதிக்க வேண்டும், பணிபுரிய வேண்டும் என்று விரும்பியவர் களுக்கு இப்பொழுது அவர்கள் விருப்பங்கள் நிறைவேறப்போகின்றது.

9-ம் இடம் புனிதமடைவதால் பொன், பொருள் சேர்க்கை ஏற்படும். புகழ் கூடும். பண்புள்ள மனிதர் களின் தொடர்பால் பல நாட்களாக நடைபெறாத ஒருசில காரியங்கள் இப்பொழுது நடைபெறும். பாகப்பிரிவினைகள் சுமுகமாகும். இடையூறுகளை வெல்லக் கூடிய ஆற்றல் குருவின் பார்வைக்கு உண்டு என்பதால் ஒவ்வொரு வியாழக்கிழமையும் நீங்கள் விரதமிருந்து குருபகவானை வழிபடுவது நல்லது. குறிப்பாக உங்கள் ராசிநாதன் சுக்ரன் என்பதால் பகை கிரகமான சுக்ரன் வீட்டில் குரு சஞ்சரிப்பதால் வெள்ளிக்கிழமை அன்று சுக்ர வழிபாட்டையும், வியாழக்கிழமை குரு வழிபாட்டையும் முறையாகச் செய்தால் நல்ல வாய்ப்புகள் இல்லம் தேடி வரும்.

இந்த மாதத்தில் நவராத்திரி விழா வருகின்றது. எனவே ஒன்பது நாட்களும் அம்பிகை வழிபாட்டை மேற்கொள்ளுங்கள். மேலும் சனிப்பெயர்ச்சிக்கு பிறகே உங்களுக்குச் சாதகமான பலன்கள் ஏராளமாக நடைபெறும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப் புதன் செல்கின்றார். அது புதனுக்குரிய உச்ச வீடாகும். விரய ஸ்தானத்தில் விரயாதிபதியாக விளங்கும் புதன் உச்சம் பெறும்பொழுது கட்டுக்குள் அடங்காத செலவுகள் ஏற்படலாம். சென்ற மாதத்தில் சேமித்த சேமிப்புகள் கரையலாம். குடும்பச்சுமை கூடுதலாக இருக்கும். வீடு விற்க, வாங்க எடுத்த முயற்சி வெற்றி தரும். பயணங்களால் பலன் உண்டு. பழைய வாகனங்களைக் கொடுத்துவிட்டுப் புதிய வாகனங்கள் வாங்கும் அமைப்பு ஒருசிலருக்கு ஏற்படும். அக்டோபர் 9-ந் தேதி துலாம் ராசிக்கு, புதன் வருகின்றார். 9, 12 ஆகிய இடங்களுக்கு அதிபதி ராசியில் உலா வரும்பொழுது சொத்துகளில் இருந்த பிரச்சினைகள் அகலும்.

நீச்ச சுக்ரனின் சஞ்சாரம்!

சுக்ர பகவான் அக்டோபர் 10-ந் தேதி கன்னி ராசிக்குச் செல்கின்றார். அது அவருக்கு நீச்ச வீடாகும். ராசிநாதன் பலமிழந்து சஞ்சரிக்கும் இந்த நேரத்தில் மிகமிக கவனம் தேவை. புதியவர்களை நம்பி ஏமாறும் சூழ்நிலை கூட உருவாகும். எதிரிகளின் தொல்லை மேலோங்கும். எதிர்மறைச் சிந்தனைகள் அதிகரிக்கும். இக்காலத்தில் சிறப்பு வழிபாடு உங்களுக்குத் தேவை. உடல் ஆரோக்கியத்திற்காக ஒரு தொகையைச் செலவிடுவீர்கள்.

செவ்வாய் பெயர்ச்சிக் காலம்!

தனாதிபதி செவ்வாய் விரய ஸ்தானத்திற்கு வரப் போகின்றார். அந்த நிகழ்வு அக்டோபர் 14-ந் தேதி நிகழவிருக்கின்றது. அதே நாளில் துலாம் ராசியில் சஞ்சரிக்கும் குருபகவானும் கொஞ்சம் வலிமை இழந்து சஞ்சரிக்கின்றார். எனவே உத்தியோகத்தில் இலாகா மாற்றங்கள் உருவாகலாம். சொத்துகள் விரயமாகும். சொந்தங்கள் பகையாகலாம்.

இம்மாதம் வியாழன்தோறும் குருவை வழிபடுவதோடு சங்கடஹர சதுர்த்தி விரதமிருந்து தும்பிக்கையானை வழிபாடு செய்யுங்கள். அமாவாசை அன்று முன்னோர் வழிபாடு முன்னேற்றத்திற்கு வித்திடும்.

பணத்தேவையைப் பூர்த்தி செய்யும் நாட்கள்:

செப்டம்பர்: 18, 19, 24, 25, 26, அக்டோபர்: 1, 2, 12, 13, 16, 17

மகிழ்ச்சி தரும் வண்ணம்: வெளிர்நீலம்.

மங்கையர்களுக்கான பலன்கள்!

இம்மாதம் அக்டோபர் 9-ந்தேதி வரை அதிர்ஷ்ட வாய்ப்புகள் அலைமோதும். அதன்பிறகு சுக்ரன் நீச்சம் பெறும் நேரத்தில் கூடுதல் கவனம் தேவை. உடல் ஆரோக்கியத் தொல்லை உருவாகலாம். கணவன்-மனைவி இடையே விட்டுக் கொடுத்துச் செல்வது நல்லது. பிள்ளைகளின் நலன்கருதி எடுத்த முயற்சிகளில் அனுகூலம். சகோதரர்களால் விரயம் உண்டு. பொதுவாழ்வில் ஈடுபட்டிருப்பவர்களுக்கு பொறுப்புகளில் மாற்றம் உருவாகலாம். வியாழன் தோறும் தட்சிணாமூர்த்தியையும், வெள்ளிதோறும் அம்பிகையையும் வழிபட்டு வருவதன் மூலம் வளர்ச்சி ஏற்படும். குலதெய்வ வழிபாடு குடும்ப முன்னேற்றத்திற்கு வித்திடும்.

வெற்றி ஒன்றையே குறிக்கோளாகக் கொண்டு செயல்படும் விருச்சிக ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் செவ்வாய் 10-ம் இடத்தில் சஞ்சரிக்கின்றார். மேலும் 10-ம் இடத்திற்கு அதிபதியான சூரியன் 11-ம் இடமான லாப ஸ்தானத்திலும், 11-ம் இடத்திற்கு அதிபதியான புதன் 10-ம் இடமான தொழில் ஸ்தானத்திலும் சஞ்சரித்து பரிவர்த்தனை யோகம் பெறுகிறார்கள். இந்த யோகம் மிகச்சிறப்பான யோகமாகும்.

நண்பர்களை நம்பி ஒப்படைத்த பொறுப்புகள் நல்ல விதமாக முடிவடையும். தொழிலை விரிவுபடுத்தும் வாய்ப்பும் கிடைக்கும். இனி ஜென்மச் சனி விலகப் போகின்றது. சனி விலகுவதற்கு முன்னதாகவே நன்மைகளைச் செய்யத் தொடங்கும். குறிப்பாக 3 மாத காலத்திற்கு முன்னரே சனிபகவான் தனது ஆதிபத்யங்களுக்குரிய பலன்களை நல்ல விதமாக அள்ளி வழங்குவார்.

அந்த அடிப்படையில் பார்க்கும் பொழுது உங்கள் ராசிக்கு 3, 4 ஆகிய இடங்களுக்கு அதிபதியானவர் சனிபகவான். எனவே தடைகற்கள் எல்லாம் படிக்கற் களாக மாறும். தானாக வந்த துன்பம் தவிடு பொடியாகும். உடல் ஆரோக்கியம் சீராகி உற்சாகப்படுத்தும்.

தற்சமயம் பெயர்ச்சியான குரு பகவானும் 12-ம் இடத்தில் சஞ்சரித்து அதன்பார்வையை 4-ம் இடத்தில் பதிக்கின்றது. சுக ஸ்தானத்தில் குருவின் பார்வை பதிவதால் சுகங்களும், சந்தோஷங்களும் கூடுதலாக இருக்கும். பயணங்கள் பலன் தருவதாக அமையும். பால்ய நண்பர்கள் உங்களுக்கு பக்கபலமாக இருப்பர். உத்தியோகத்தில் உள்ளவர்களுக்கு உடன்பணிபுரிபவர்களால் ஏற்பட்ட பிரச்சினைகள் அகலும். உயர்மட்ட அதிகாரிகளின் நெருக்கத்தால் சம்பள உயர்வோடு கூடிய சந்தோஷமான மாற்றம் வந்து சேரும்.

ஜென்மச் சனிக்குப் பரிகாரமாக சனிக்கிழமை தோறும் ஆனைமுகப் பெருமானையும், அனுமனையும் வழிபடுவது நல்லது.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப் புதன் வருகின்றார். புதனுக்கு அது உச்ச வீடாகும். லாபாதிபதி உச்சம் பெறும் இந்த நேரத்தில் எதிர்பாராத தனலாபம் இல்லம் தேடி வரும். வங்கிச் சேமிப்பு உயரும். வெளிநாட்டுத் தொடர்பு விருத்திக்கும். மாமன், மைத்துனர் வழியில் மகிழ்ச்சியான தகவல் வந்து சேரும். உயர்பதவியில் இருப்பவர்கள் உங்கள் முன்னேற்றத்திற்கு உதவிகரமாக இருப்பர். அக்டோபர் 9-ந் தேதி துலாம் ராசிக்குப் புதன் வரப்போகின்றார். அஷ்டமாதிபதியாகவும் புதன் விளங்குவதால் அவர் 12-ம் இடத்திற்கு வரும்பொழுது பயணங்களாலும் பலன் கிடைக்கும். பாக்கிகளும் வசூலாகி பரவசப் படுத்தும். தொழில் முன்னேற்றம் உண்டு.

சுக்ரப் பெயர்ச்சி காலம்!

அக்டோபர் 10-ந் தேதி கன்னி ராசிக்கு, சுக்ரன் செல்கின்றார். அங்கு சுக்ரன் நீச்சம் பெற்றாலும் கூட உங்கள் ராசிக்கு 7, 12-க்கு அதிபதியான சுக்ரன் 11-ல் சஞ்சரிக்கும் பொழுது விலை உயர்ந்த பொருட்களை வாங்கும் யோகம் உண்டு. பெண்வழிப் பிரச்சினைகள்அகலும். பழைய வாகனங்களைக் கொடுத்துவிட்டுப் புதிய வாகனங்கள் வாங்க முன்வருவீர்கள். குழந்தைகளின் எதிர்கால நலன் கருதி சேமிக்க முற்படுவீர்கள். பெண் பிள்ளைகளின் சுபச் சடங்குகளும், பூமி சேர்க்கையும் ஏற்படும். நல்ல வாய்ப்பு இந்த நேரத்தில் வந்து சேரும்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். ராசிநாதன் லாப ஸ்தானத்தில் சஞ்சரிக்கும்பொழுது யோகத்தை வாரி வழங்கப்போகின்றார். தொட்ட காரியங்களில் வெற்றி கிடைக்கும். தொகை வரவு அதிகரிக்கும். தொழில் வளர்ச்சி மேலோங்கும். ஆடை, ஆபரண சேர்க்கை உண்டு. வெளிநாட்டில் இருந்து அழைப்புகள் வரலாம். மாற்று மருத்துவத்தால் உடல் ஆரோக்கியம் சீராகும்.

இம்மாதம் ஜென்மச் சனிக்குப் பரிகாரமாக சனிக் கிழமை தோறும் விநாயகப் பெருமானை வழிபடுவது நல்லது. மகாளய அமாவாசை அன்று முன்னோர் வழிபாட்டை முறையாக மேற்கொள்ளுங்கள். நவராத்திரி நாட்களில் அம்பிகையை வழிபட்டால் இன்பங்கள் இல்லம் தேடி வரும்.

பணத்தேவையைப் பூர்த்தி செய்யும் நாட்கள்:

செப்டம்பர்: 17, 20, 21, 28, 29, அக்டோபர்: 3, 4, 13, 14, 15

மகிழ்ச்சி தரும் வண்ணம்: இளஞ்சிவப்பு.

மங்கையர்களுக்கான பலன்கள்!

இம்மாதம் உங்களுக்கு இனிய மாதமாகும். வாழ்க்கைத் தேவைகள் பூர்த்தியாகும். வளர்ச்சி கூடும். குடும்பத்தில் சுபகாரியப்பேச்சுகள் நல்ல முடிவிற்கு வரும். கணவன்-மனைவி இடையே ஒற்றுமை பலப்படும். அரசுவழி ஆதரவு கிடைக்கும். நவராத்திரி நாயகியை கொண்டாடுங்கள். விஜயதசமியன்று வெற்றிக்குரிய சக்தியை வழிபடுவது நல்லது. உத்தியோகத்தில் உள்ளவர்களுக்கு இலாகா மாற்றங்கள் எதிர்பார்த்தபடி வந்து சேரும். குலதெய்வப் பிரார்த்தனைகளை நிறைவேற்றுவீர்கள்.

பாசத்தோடு பழகியவர்களுக்கு நேசக்கரம் நீட்டும் தனுசு ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு பகவான் லாப ஸ்தானத்தில் சஞ்சரிக்கின்றார். எனவே பொருளாதார நிலை உயரும். சென்ற மாதத்தைக் காட்டிலும் சிறப்பான மாதமாக அமையும். தொழில் முன்னேற்றம் உண்டு. துணையாக இருக்கும் நண்பர்கள் தோள்கொடுத்து உதவுவர். பணிபுரியும் இடத்தில் இருந்த பகை மாறும். புனிதப் பயணங்களை மேற்கொள்வீர்கள்.

ஏழரைச் சனியில் விரயச் சனி ஆதிக்கம் இப்பொழுது நடைபெற்றுக் கொண்டிருக்கின்றது. இருப்பினும் தன ஸ்தானம் மற்றும் சகாய ஸ்தானத்திற்கு அதிபதியாகச் சனி விளங்குவதால் வரவைக் கொடுத்தே உங்களுக்குச் செலவுகளையும் வழங்குவார். எனவே எந்தக் காரியத்தையும் நீங்கள் செய்யத்தொடங்கினாலும் கையில் பணத்தை வைத்துக் கொண்டு தொடங்க வேண்டியதில்லை. காரியத்தைத் தொடங்கிவிட்டால் பணம் தானாக வந்துசேரும். கேட்ட இடத்தில் உதவிகள் கிடைக்கும்.

அரசியல் மற்றும் பொது நலத்தில் ஈடுபட்டிருப்பவர் களுக்கு நல்ல வாய்ப்புகள் வந்து சேரும். மேலிடத்து அனு கூலத்தோடு மேன்மை பெறுவீர்கள். 9-ம் இடத்திற்கு அதிபதியான புதனும், 10-ம் இடத்திற்கு அதிபதியான சூரியனும் பரிவர்த்தனை யோகம் பெற்றிருக்கிறார்கள்.

தர்மகர்மாதிபதியின் பரிவர்த்தனை சிறந்த யோகமாகும். ஒருசிலருக்கு அதிகாரப் பதவிகள் கிடைக்கலாம். வெளிவட்டாரப் பழக்கம் விரிவடையும். எதிரிகள் விலகுவர். நூதனப்பொருள் சேர்க்கை உண்டு. ஆரோக்கியத்திற்காக செலவிட்ட தொகை குறையும். ஆதாயம் தரும் தகவல் அன்றாடம் வந்து கொண்டேயிருக்கும்.

உறவினர்கள் மனக்கசப்பு மாறி உங்களோடு இணைந்து செயல்படுவர். நிலையான வருமானத்திற்கு வழி யமைத்துக் கொள்வீர்கள். கூட்டு முயற்சிகளின் மூலம் பலனடைந்தவர்கள் இப்பொழுது தனித்து இயங்க முன்வருவர். கடன் சுமை பாதிக்கு மேல் குறையும். கவலை என்ற மூன்றெழுத்து உங்கள் அகராதியில் இருந்து விலகப் போகிறது. ஒவ்வொரு சனிக்கிழமையும் சனிபகவான் வழிபாட்டை மேற்கொள்ளுங்கள்.

மகாளய அமாவாசையன்று முன்னோர் வழிபாட்டை முறையாகச் செய்தால் முன்னேற்றப் பாதையிலிருந்த முட்டுக்கட்டைகள் விலகும். மேலும் நவராத்திரி விழா இம்மாதம் வருகின்றது. அதில் கலந்து கொண்டு அம்பிகை வழிபாட்டை மேற்கொள்வதோடு அம்பிகை வெற்றிபெற்ற நாளான விஜயதசமியன்று ஆலயவழிபாட்டை மேற்கொண்டால் நல்ல தகவல்கள் நாளும் வந்து கொண்டேயிருக்கும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப் புதன் வருகின்றார். உங்கள் ராசிக்குப் பத்தாம் இடத்தில் புதன் சஞ்சரிக்கும் பொழுது தொழிலில் இருந்த குறுக்கீடுகள் அகலும். எதிர்பாராத விதத்தில் நன்மைகள் கிடைக்கும். கன்னி ராசி புதனுக்கு உச்ச வீடாகும். எனவே புதிய ஒப்பந்தங்கள் வந்து அலைமோதும்.

நடக்கும் தொழிலோடு கூடுதலாக ஏதேனும் செய்யலாமா? என்று யோசிப்பீர்கள். வியாபாரப் போட்டிகள் அகலும். விவசாயம் மற்றும் கால்நடை வளர்ப்பில் ஆர்வம் காட்டுவீர்கள். அக்டோபர் 9-ந் தேதி துலாம் ராசிக்கு புதன் வரப்போகின்றார். தொழில் ஸ்தானாதிபதி லாப ஸ்தானத்தில் சஞ்சரிக்கும் இந்த நேரத்தில் எதிர்பாராத திருப்பங்கள் உருவாகும். வாடகைக்கு உள்ள இடத்தில் தொழில் நடத்துவோர் அந்த இடத்தை விலைக்கு வாங்க முற்படுவர். உன்னதமான நேரம் இது.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசிக்குச் சுக்ரன் செல்கின்றார். அந்த இடம் சுக்ரனுக்கு நீச்ச வீடாகும். 6, 11-க்கு அதிபதியான சுக்ரன் நீச்சம் பெறும் பொழுது நற்பலன்களை வழங்கும். குறிப்பாக மறைமுக எதிர்ப்புகள் விலகும். மாற்றங்களும், ஏற்றங்களும் வந்து சேரும். அரைகுறையாக நின்ற பணிகளையும் முழுமையாகச் செய்து முடிப்பீர்கள். ஆடை, ஆபரண சேர்க்கை உண்டு. தங்கம், வெள்ளி வாங்குவதில் தனிக்கவனம் செலுத்துவீர்கள். வெளிநாடு செல்ல அனுகூலம் உண்டு. கூட்டாளிகளால் லாபம் கிடைக்கும்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசி்க்குச் செவ்வாய் செல்கின்றார். பஞ்சம விரயாதிபதி 10-ல் சஞ்சரிக்கும் பொழுது, ஒருசிலருக்கு தொழில் மாற்றங்கள் உருவாகலாம். கிளைத்தொழில் தொடங்கும் வாய்ப்பு ஏற்படும். ஒருசிலர் பங்குதாரர்களை விலக்கிவிட்டுப் பிள்ளைகளையே பங்குதாரர்களாக சேர்த்துக்கொள்வர். இடமாற்றங்கள் இனிமை தருவதாக அமையும். இல்லத்தில் சுபகாரியப் பேச்சுகள் கைகூடும்.

இம்மாதம் வியாழன் தோறும் குருவழிபாட்டை மேற்கொள்ளுங்கள். முல்லைப்பூ மாலை சூட்டினால் நல்ல பலன் கிடைக்கும். அமாவாசையன்று முன்னோர் வழிபாட்டை மேற்கொள்ளுங்கள். நவராத்திரி நாட்களில் அம்பிகையை வழிபடுவது நல்லது.

பணத்தேவையைப் பூர்த்தி செய்யும் நாட்கள்:

செப்டம்பர்: 18, 23, 24, 29, அக்டோபர்: 1, 2, 5, 6, 16, 17

மகிழ்ச்சி தரும் வண்ணம்: கிளிப்பச்சை.

மங்கையர்களுக்கான பலன்கள்!

இம்மாதம் பணப்புழக்கம் அதிகரிக்கும் மாதமாகும். பாராட்டும், புகழும் கூடும். நினைத்ததை நினைத்த நேரத்தில் செய்து முடிப்பீர்கள். நிகழ்காலத் தேவைகள் பூர்த்தியாகும். கணவன்-மனைவிக்குள் அன்பும், பாசமும் கூடும். குடும்பத்தினர் உங்கள் குணமறிந்து நடந்து கொள்வர். பிள்ளைகளால் பெருமை சேரும். வேலையில்லாப் பட்டதாரிகளாக விளங்கிய பிள்ளைகளுக்கு இப்பொழுது வேலை கிடைக்கும். அவர்கள் மணமாலை சூடும் வாய்ப்பும் உருவாகும். உடன்பிறப்புகள் உங்கள் தொழிலுக்கு உறுதுணை புரிவர். சொத்துகள் வாங் கும் யோகமும் உண்டு. உத்தியோகத்தில் உள்ளவர் களுக்கு சம்பள உயர்வோடு கூடிய சந்தோஷத் தகவல் வந்து சேரும். நவராத்திரி நாட்களில் அம்பிகையை வழிபாடு செய்யுங்கள். குலதெய்வ வழிபாடு குடும்ப முன்னேற்றத்திற்கு வித்திடும்.

ஜென்மத்தில் கேது சஞ்சரிக்கும் பொழுது ஆன்மிக நாட்டம் அதிகரிக்கும். தெய்வ வழிபாட்டில் அதிக கவனம் செலுத்துவீர்கள். அதே நேரத்தில் சப்தம ஸ்தானத்தில் சந்திரனோடு ராகு இருப்பதால் குடும்பத்தில் நிம்மதி இருக்காது. ஒருவர் மாற்றி ஒருவருக்கு உடல்நிலையில் பாதிப்பு ஏற்பட்டு வைத்தியச் செலவுகள் உருவாகலாம். வீண் விரயங்கள் கூடும்.

அதே நேரத்தில் அஷ்டமத்தில் மூன்று கிரகங்கள் முற்றுகையிட்டிருக்கின்றன. செவ்வாய் 8-ல் இருப்பது அவ்வளவு நல்லதல்ல. உடன்பிறப்புகளாலும், உடல் நிலையாலும் தொந்தரவுகள் ஏற்படலாம். கடன் சுமை கூடிக்கொண்டே போகின்றதே என்றும் கவலைப்படுவீர்கள். பெண்வழிப் பிரச்சினை தலைதூக்கும். மனக் கவலை அதிகரிக்கும். அந்த நேரத்தில் சுயஜாதக அடிப்படையில் தெசாபுத்திக்கேற்ற தெய்வத்தைத் தேர்ந் தெடுத்து வழிபடுவது நல்லது. எதையும் ஒருமுறைக்குப் பலமுறை யோசித்து பொறுமையாகச் செய்வது அவசியம்.

10-ல் குரு வந்திருக்கின்றார். ‘10-ல் குரு வந்தால் பதவியைப் பறிப்பார்’ என்பார்கள். எனவே உத்தியோகம் மற்றும் உயர்பதவியில் இருப்பவர்கள் மேலிடத்தில் இருப்பவர்களை அனுசரித்துச் செல்வது நல்லது. இல்லையேல் திடீர் மாற்றங்கள் ஏற்பட்டு திக்குமுக்காடச் செய்யும். தாய்நாட்டில் இருப்பவர்களுக்கு வெளிநாடு செல்லும் அமைப்பும், வெளிநாட்டில் இருப்பவர்களுக்குத் தாய்நாடு திரும்பும் அமைப்பும் உருவாகும்.

இருப்பினும் 10-ம் இடத்தில் சஞ்சரிக்கின்ற குருவின் பார்வை 2, 4, 6 ஆகிய இடங்களில் பதிவதால் குடும் பத்தில் ஏற்பட்ட குழப்பங்கள் அகலவும், மறைமுக எதிர்ப்புகள் மாறவும் குருவிற்குரிய சிறப்புப் பரிகாரங்களை மேற்கொள்வது நல்லது. மேலும் உங்கள் ராசிநாதன் சனிபகவான் மூன்றாம் பார்வையாக உங்கள் ராசியைப் பார்ப்பதால் மருத்துவச் செலவுகள் கூடும்.

ஒவ்வொரு சனிக்கிழமையும், சனி பகவான் சன்னிதியில் எள் தீபம் ஏற்றி வழிபாடு செய்வதோடு தினமும் காகத்திற்கு அன்னம் வைப்பது நல்லது. குருவிற்குரிய சிறப்பு ஸ்தலங்களுக்குச் சென்று அபிஷேக ஆராதனைகளைச் செய்து வழிபட்டு வந்தால் 10-ம் இடத்து குருவால் முத்தான பலன்கள் கிடைக்கும். நவராத்திரி விழாக் காலத்தில் அன்னை அகிலாண்டேஸ்வரிக்கு அர்ச்சனை செய்து வழிபட்டு வந்தால் வந்த துயரங்கள் வாயிலோடு நிற்கும்.

புதனின் சஞ்சாரக் காலம்!

செப்டம்பர் 24-ந் தேதி கன்னி ராசிக்குப் புதன் செல்கின்றார். அந்த வீடு புதனுக்கு உச்ச வீடாகும். 6, 9-க்கு அதிபதி உச்சம் பெறும் பொழுது ஜீவன ஸ்தானம் பலம்பெறுகின்றது. எனவே வேலை கிடைக்காதவர்களுக்கு வேலை கிடைக்கும், நேர்முகத் தேர்விற்குச் சென்றும் இதுவரை பலன் கிடைக்கவில்லையே என்று நினைத்தவர்களுக்கு இப்பொழுது அழைப்பு வரப்போகின்றது. பயணங்கள் அதிகரிக்கும். பெற்றோர்களின் மணிவிழா, பவளவிழா, முத்துவிழா போன்றவற்றை நடத்தி மகிழும் வாய்ப்பு ஒரு சிலருக்கு கிடைக்கும்். அண்ணன், தம்பிகளுக்குள் ஏற்பட்ட அரசல் புரசல்கள் இணக்கமாக மாறி பாகப்பிரிவினைகளை சுமுகமாக முடித்துக் கொள்வீர்கள். பங்காளிப் பகை மாறும். அக்டோபர் 9-ந் தேதி துலாத்தில் புதன் சஞ்சரிக் கும் பொழுது தொழிலில் புதிய பங்குதாரர்கள் வந்தி ணைவர்.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசிக்குச் சுக்ரன் செல்கின்றார். அந்த வீடு சுக்ரனுக்கு நீச்ச வீடாகும். 5, 10 ஆகிய இடங்களுக்கு அதிபதியான சுக்ரன் 9-ல் சஞ்சரிக்கும் பொழுது பிள்ளைகளால் விரயங்கள் ஏற்படலாம். இதுபோன்ற காலங்களில் நாமே சுபவிரயங்களைச் செய்வது நல்லது. குறிப்பாக பிள்ளைகளின் திருமணத்தை முன்னிட்டுச் சீர்வரிசைப் பொருட்களை வாங்கலாம். அல்லது அவர் களுக்குரிய ஆபரணங்களை வாங்கி மகிழலாம். வங்கிகளில் வைப்பு நிதி வைக்கலாம். கட்டிய வீட்டைப் பழுது பார்க்கும் அமைப்பை உருவாக்கிக் கொள்ளலாம்.

செவ்வாய் பெயர்ச்சிக் காலம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். 4, 11-க்கு அதிபதி 9-ம் இடத்தில் சஞ்சரிக்கும் இந்த நேரத்தில் நன்மைகள் உங்களுக்கு அதிகம் கிடைக்கும். குறிப்பாக பெற்றோர் வழியில் ஆதரவு கூடும். எதிர்காலக் கனவுகளை நனவாக்க எடுத்த முயற்சி வெற்றி பெறும். வீடு வாங்குவது அல்லது கட்டுவதில் இருந்த வில்லங்கங்கள் அகலும். உடன் பிறப்புகள் ஆதரவு கூடுதலாகக் கிடைக்கும்.

இம்மாதம் வியாழன் தோறும் தட்சிணாமூர்த்தியை வழிபட்டு வாருங்கள். பவுர்ணமி கிரிவலம் வருவதும் பலன் தரும்.

பணத்தேவையைப் பூர்த்தி செய்யும் நாட்கள்:

செப்டம்பர்: 21, 22, 24, 25, 26, அக்டோபர்: 3, 4, 7, 8

மகிழ்ச்சி தரும் வண்ணம்: கருநீலம்.

மங்கையர்களுக்கான பலன்கள்!

இம்மாதம் அருகில் இருப்பவர்களை அனுசரித்துச்செல்லும் மாதமாகும். அஷ்டமத்தில் செவ்வாய் சஞ்சரிப்பதால் ஆரோக்கியத் தொல்லைகளும், மருத்துவச் செலவுகளும் உண்டு. 10-ம் இடத்தில் குரு சஞ்சரிப்பதால் உத்தியோகம் பார்ப்பவர்களுக்கு திடீர் மாற்றங்கள் உருவாகலாம். மேலிடத்து நிர்ப்பந்தம் அதிகரிக்கும். பிள்ளைகளை உங்கள் மேற்பார்வையில் வைத்துக்கொள்வது நல்லது. வரவைக் காட்டிலும் செலவு கூடுதலாக இருக்கும். கணவன்-மனைவிக்குள் விட்டுக் கொடுத்துச் செல்வது நல்லது. பழைய கடன்களை அடைக்கப் புதிய கடன் வாங்கும் சூழ்நிலை உருவாகும். சனிக்கிழமை அனுமன் வழிபாட்டையும், நவராத்திரி நாட்களில் அம்பிகை வழிபாட்டையும் மேற்கொள்வதன் மூலம் தடைகள் அகலும்.

நினைத்ததை நினைத்த நேரத்தில் செய்து முடிக்க வேண்டுமென்று சொல்லும் கும்ப ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும்பொழுது, நல்ல மாற்றங்களும், ஏற்றங்களும் வந்து சேரப்போகின்றது. கூட்டு முயற்சியில் ஏற்பட்ட குழப்பங்கள் அகலும். கொடிகட்டிப் பறந்த பிரச்சினைகள் படிப்படியாய் மாறும். அடிப்படை வசதிகளைப் பெருக்கிக் கொள்ள ஆயத்தம் செய்வீர்கள். குருவின் பரிபூரண பார்வை உங்கள் ராசியில் பதிவது யோகமாகும்.

‘குரு பார்க்க கோடி நன்மை’ என்பதால் இனி படிப் படியான முன்னேற்றம் பல வழிகளிலும் வந்து சேரும். கொடுத்த வாக்கைக் காப்பாற்றுவீர்கள். தொழிலில் கூடுதல் லாபம் கிடைக்கும். குடும்பத்தில் குதூகலம் தரும் சம்பவங்கள் நிறைய நடைபெறப் போகின்றது. தள்ளிப்போன சுபகாரியங்கள் தானாக நடைபெறும்.

வெல்லம் போல் இனிமையாக பேசியவர்களில் ஒருசிலர் விலகிச் சென்றிருக்கலாம். அவர்கள் மீண்டும் வந்திணைய வாய்ப்பு உண்டு. அஷ்டமத்து குருவின் ஆதிக்கத்தால் பலவிதக் கஷ்டங்களையும், நஷ்டங் களையும் எதிர்கொண்டு வந்த நீங்கள் இப்பொழுது இஷ்டம் போல் வாழ்க்கை நடத்த எல்லா வழிகளிலும் உதவி கிடைக்கப் போகின்றது. மற்றவர்களைப் போல இல்லாமல் நாம் ஒரு புது முறையைக் கையாள வேண்டுமென்று நினைப்பவர்கள் நீங்கள். அதற்கு இதுவரை இடையூறு சக்திகள் இருந்திருக்கலாம். இனி உங்கள் நோக்கங்கள் நிறைவேறும். தாக்கங்கள் அகலும்.

6-ல் ராகு, 12-ல் கேது சஞ்சரிக்கின்றார்கள். 6-ல் ராகு இருப்பதால் உத்தியோகத்தில் உயர்வும், ஊதியத்தில் எதிர்பார்த்தபடி சலுகைகளும் கிடைக்கும் வாய்ப்பும் உருவாகும். அதே நேரத்தில் 12-ல் கேது இருப்பதால் ஒருசில சமயங்களில் நீங்கள் எடுத்த முடிவால் அவதிப்படவும் நேரிடலாம். அதிக விரயங்களையும் அது கொடுக்கும். எனவே சான்றோர்களின் ஆலோசனை களையோ, ஆன்மிகம் சார்ந்தவர்களின் ஆலோசனை களையோ கேட்டு நடப்பது நல்லது.

சூரியன் 8-ல் மறைந்திருப்பதால் அரசியல்வாதிகளால் ஏதேனும் பிரச்சினைகள் ஏற்படலாம். வங்கிகளில் நீங்கள் எதிர்பார்த்த சலுகைகள் வந்தடைவதிலும் தாமதம் ஏற்படலாம். பொதுநலத்தில் இருப்பவர்களுக்குப் பொறுப்புகள் திடீரென மாற்றப்படலாம். மதிநுட்பத்தோடு நடந்துகொள்வது நல்லது. இம்மாதம் நவராத்திரி விழா வருகின்றது. உங்கள் ராசிக்குச் சுக்ரன் நன்மை செய்யும் கிரகமாகும். எனவே பெண் தெய்வ வழிபாடுகள் உங்களுக்கு கைகொடுக்கும். அந்த அடிப்படையில் நவராத்திரி விழாக் காணும் அம்பிகையை 9 நாளும் சென்று வழிபட்டு வருவதோடு அம்பிகை வெற்றி பெற்ற நாளான விஜய தசமியிலும் அம்பிகையை வழிபட்டு வந்தால் வெற்றிச்செய்திகள் வந்து சேரும்.

பொன்னான புதனின் பெயர்ச்சி!

செப்டம்பர் 24-ந் தேதி கன்னி ராசிக்குப் புதன் செல்கின்றார். அந்த வீடு புதனுக்கு உச்ச வீடாகும். அஷ்டமாதிபதியான புதன் 8-ல் உச்சம் பெறுவது யோகம் தான். மறைந்த புதனால் நிறைந்த தனலாபம் கிடைக்கும். எனவே பொருளாதார நிலை உயரும். புதிய ஒப்பந்தங்கள் வந்து சேரும். மாமன், மைத்துனர் வழியில் ஏற்பட்ட மனக் கசப்புகள் மாறும். சேமிப்புகள் உயரும். இந்த நேரத்தில் வீட்டிற்குத் தேவையான விலை உயர்ந்த பொருட்களையும், அத்தியாவசியப் பொருட்களையும் வாங்குவதில் ஆர்வம் காட்டுவீர்கள். அக்டோபர் 9-ந் தேதி துலாம் ராசிக்குப் புதன் செல்கின்றார். இதன் விளைவாக பிள்ளைகளின் கல்யாண வாய்ப்புகள் கைகூடும். பூர்வீக சொத்துகளில் இருந்த வில்லங்கங்கள் அகலும். உங்களுக்குரிய பங்கு வந்து சேரும்.

நீச்ச சுக்ரனின் சஞ்சாரம்!

அக்டோபர் 10-ந் தேதி கன்னி ராசிக்கு, சுக்ரன் செல்கின்றார். அது அவருக்கு நீச்ச வீடாகும். 4, 9-க்கு அதிபதியான சுக்ரன் நீச்சம் பெறுவது அவ்வளவு நல்லதல்ல. எதிர்பார்ப்புகள் நிறைவேறுவதில் தாமதம் ஏற்படும். வீடு, இடம் வாங்கும் முயற்சியில் வில்லங்கம் பார்த்து வாங்குவது நல்லது. நண்பர்கள் ஏமாற்றங்களைச் சந்திக்கும் நேரமிது. அணிந்து அழகு பார்த்த நகைகளை ஒருசிலர் அடகு வைக்கும் சூழ்நிலை உருவாகும்.

கன்னி ராசியில் செவ்வாயின் சஞ்சாரம்!

அக்டோபர் 14-ந் தேதி கன்னி ராசிக்குச் செவ்வாய் செல்கின்றார். உங்கள் ராசிக்கு 3, 10 ஆகிய இடங்களுக்கு அதிபதியானவர் செவ்வாய். அவர் அஷ்டமத்தில் மறைவது அவ்வளவு நல்லதல்ல. ஆரோக்கியத் தொல்லை அதிகரிக்கும். மருத்துவச் செலவுகள் கூடும். உடன்பிறப்புகளின் கோபத்துக்கு ஆளாக நேரிடும். இடம், பூமி சம்பந்தப்பட்ட வகையில் ஏற்பட்ட பஞ்சாயத்துக்கள் இழுபறி நிலையில் இருக்கும்.

இம்மாதம் செவ்வாய் தோறும் முருகப்பெருமானை வழிபாடு செய்வதோடு நவராத்திரி நாட்களில் அம்பிகை வழிபாட்டையும் மேற்கொள்ளுங்கள். அமாவாசையன்று முன்னோர்களை வழிபடுவதன் மூலம் சுபகாரியத் தடைகள் அகலும்.

பணத்தேவையைப் பூர்த்தி செய்யும் நாட்கள்:

செப்டம்பர்: 22, 23, 28, 29, அக்டோபர்: 5, 6, 9, 10

மகிழ்ச்சி தரும் வண்ணம்: கிரே.

மங்கையர்களுக்கான பலன்கள்!

இம்மாதம் குரு பார்வை இருப்பதால் தொட்ட காரியங் களில் வெற்றி கிடைக்கும். தொகை வரவு திருப்திகரமாக அமையும். அனுபவித்து வந்த கஷ்டங்கள் எல்லாம் தீர்ந்தது என்று சொல்லி மகிழ்வீர்கள். பாதியில் நின்ற பணிகள் அனைத்தும் ஒவ்வொன்றாக முடிவடையும். மாதத்தின் கடைசி 4 நாட்கள் மிகமிக கவனமுடன் இருப்பது நல்லது. கன்னிச் செவ்வாய் கடலும் வற்றும் என்பதால் பெரும்பொருள் விரயம் அச்சமயத்தில் ஏற்படலாம். கணவன்-மனைவிக்குள் ஒற்றுமை திருப்திகரமாக இருக்கும். பிள்ளைகளின் வேலை வாய்ப்பு அல்லது வெளிநாட்டு முயற்சி சம்பந்தமாக ஏதேனும் ஏற்பாடு செய்திருந்தால் அதில் அனுகூலங்கள் உருவாகும். உடன்பிறப்புகள் உங்கள் குணமறிந்து நடந்து கொள்வர். தாய்வழி ஆதரவு திருப்தி தரும். தந்தையின் உடல்நலத்தில் கவனம் தேவை. குருவழிபாடும், நவராத்திரி நாளில் அம்பிகை வழிபாடும் நன்மைகளை வழங்கும்.