இந்த வார ராசிபலன் 16/11/2017 முதல் 22/11/2017 வரை | Weekly Astrology Forecast

0
24

மேஷ ராசி வாசகர்களே

இந்த வாரம் ராசிநாதன் செவ்வாய் ரண ருண ரோக ஸ்தானத்தில் சஞ்சாரம் செய்கிறார். ராசியை எட்டாம் பார்வையால் பார்ப்பதன் மூலம் மன திடம் அதிகரிக்கும். அதே வேளையில் அஷ்டமத்துச் சனியால் வீண்குழப்பம் ஏற்படலாம். தனஸ்தானத்தை சூரியன் – புதன் – சனி ஆகியோர் பார்ப்பதன் மூலம் பணவரத்து இருந்த போதிலும், எதிர்பாராத செலவும் வந்து சேரும். அடுத்தவர்களுக்காக உதவி செய்வதிலும், பரிந்து பேசும்போதும் கவனம் தேவை. தொழில், வியாபாரம் வழக்கம் போல் இருக்கும். வியாபாரம் தொடர்பான சிறு பிரச்சினைகள் தோன்றி மறையும்.

உத்தியோகத்தில் இருப்பவர்கள் சக ஊழியர்களிடம் கவனமாகப் பேசி பழகுவது நல்லது.  வேலை தொடர்பான வீண் அலைச்சல் உண்டாகலாம். குடும்பத்தில் இருப்பவர்களை அனுசரித்துச் செல்லவும். வீண் பேச்சுகளைத் தவிர்ப்பது நன்மை தரும். தம்பதிகளிடையே சிறு பூசல்கள் ஏற்பட்டு நீங்கும். பெண்களுக்கு வரவும் செலவும் சரியாக இருக்கும். கலைத்துறையினருக்கு நன்மைகள் நடக்கும் காலகட்டம் இது. அரசியல்வாதிகள் எதிர்காலம் தொடர்பாக அவசர முடிவுகள் எடுப்பதைத் தவிர்த்து தீர ஆலோசித்து எதிலும் ஈடுபடவும். மாணவர்கள் கல்வியில் அதிகம் சிரத்தையெடுத்துப் பாடங்களை நன்கு படிப்பது நல்லது.

அதிர்ஷ்டக் கிழமைகள்: செவ்வாய், புதன், வெள்ளி

திசைகள்: கிழக்கு, தென்மேற்கு

நிறங்கள்: வெள்ளை, சிவப்பு | எண்கள்: 2, 3

பரிகாரம்:  செவ்வாய்க்கிழமை அன்று அம்மனுக்கு இலுப்பை எண்ணையால் தீபம் ஏற்றி வணங்கவும்.

ரிஷப ராசி வாசகர்களே

இந்த வாரம் ராசிநாதன் சுக்கிரன் தேவகுருவுடன் இணைந்து சஞ்சாரம் செய்கிறார். முயற்சிகள் வெற்றி தரும். தனாதிபதி புதன் சஞ்சாரத்தால் பணவரத்து திருப்தி தரும். சுபச்செலவுகள் அதிகமாகும். ராசியை சனி பார்ப்பதால் திடீர் கோபம் ஏற்பட்டு நீங்கும். வீண் பேச்சைக் குறைப்பது நன்மை தரும். அடுத்தவருக்கு ஜாமீன் கொடுப்பதைத் தவிர்ப்பது நல்லது. தொழில், வியாபாரம் தொடர்பாக மற்றவர்களிடம் ஆலோசனை கேட்கவும். பங்குதாரர்களிடம் பேச்சில் கவனம் தேவை.

உத்தியோகத்தில் இருப்பவர்கள் அலுவலகம் சம்பந்தப்பட்ட விஷயங்களை மற்றவர்களிடம் கூறாமல் இருப்பது நன்மை தரும். குடும்பத்தில் சிலரது செய்கைகள் உங்களது கோபத்தைத் தூண்டும்படியாக இருக்கலாம். நிதானத்தைக் கடைபிடிப்பது நன்மை தரும். பெண்கள் மற்றவர்களுக்காக  எந்த உத்திரவாதமும் தராமல் இருப்பது நல்லது. கலைத்துறையினருக்கு வாய்ப்புகள் வந்து சேரும்.  அரசியல்வாதிகள் சிறிய வேலையையும் முடிக்கக் கூடுதலாக உழைக்க வேண்டி இருக்கும். மாணவர்கள் நட்பு வட்டத்தில் இருப்பவர்களுடன் கவனமாகப் பேசி பழகவும்.

அதிர்ஷ்டக் கிழமைகள்: திங்கள், வெள்ளி

திசைகள்: மேற்கு, தென்மேற்கு

நிறங்கள்: வெள்ளை, வெளிர்நீலம் | எண்கள்: 2, 6

பரிகாரம்: சுக்கிர ஹோரையில் மகாலட்சுமியை அர்ச்சனை செய்து வணங்கவும்.

மிதுன ராசி வாசகர்களே

இந்த வாரம் ராசிநாதன் புதன் ரண ருண ஸ்தானத்தில் வக்கிரம் பெறுகிறார். சிறிது தடைகள் ஏற்பட்டாலும் குருவின் பார்வையால் அனைத்தையும் சமாளிக்கலாம். பணவரத்து அதிகரிக்கும். வெளியூர், வெளிநாட்டுப் பயணம் நன்மை தரும். தொலைதூரத் தகவல்கள் சாதகமாக இருக்கும். வழக்குகளில் முன்னேற்றம் இருக்கும். தொழில், வியாபாரத்தில் முன்னேற்றம் காணலாம். பணியாளர்களால் லாபம் உண்டு. உத்தியோகத்தில் இருப்பவர்களுக்கு மேலதிகாரிகளின் ஆதரவு இருக்கும்.

முடங்கிக் கிடந்த காரியங்கள் வேகம் பெறும். குடும்பத்தில் சிறு மனஸ்தாபங்கள் ஏற்பட்டு மறையும். சொல்வன்மை அதிகரிக்கும். உறவினர்கள், நண்பர்கள் மூலம் உதவிகள் கிடைக்கும். பெண்கள் பயணம் செல்ல நேரலாம். அரசியல்வாதிகள் தொண்டர்களின் தேவைகளை முழுமையாகப் பூர்த்தி செய்வீர்கள். கலைத்துறையினருக்குப் பண வரவு இருக்கும். மாணவர்களின் கல்வியில் முன்னேற்றம் ஏற்படும். கூடுதல் மதிப்பெண் பெற மேற்கொள்ளும் முயற்சிகள் வெற்றி பெறும். ஆசிரியர்கள், சக மாணவர்கள் ஆதரவாக இருப்பார்கள்.

அதிர்ஷ்டக் கிழமைகள்: புதன், வெள்ளி

திசைகள்: மேற்கு, வடகிழக்கு

நிறங்கள்: பச்சை, மஞ்சள் | எண்கள்: 3, 5

பரிகாரம்: புதன்கிழமை அன்று அரளி மலரை ஆஞ்சநேயருக்கு சாற்றி வழிபடவும்.

 கடக ராசி வாசகர்களே

இந்த வாரம் ராசிநாதன் சந்திரன் அனுகூலமான சஞ்சாரம் செய்கிறார். தனவாக்கு அதிபதி சூரியன் பஞ்சம பூர்வ ஸ்தானத்திற்கு மாறுகிறார். வாக்கு வன்மையால் நன்மை உண்டாகும். செய்யும் காரியத்தைச் சிறப்பாகவும், நேர்மையாகவும் செய்து முடித்து மற்றவர்களிடம் பாராட்டு பெறுவீர்கள். உங்கள் செல்வாக்கைக்  கண்டு பிறருக்குப் பொறாமை உண்டாகலாம். எதிர்ப்புகள் விலகும். காரியத் தடைகள் நீங்கும். வீடு, மனை, வாகனம் தொடர்பான விவகாரங்களில் சுணக்க நிலை மாறும். தடைபட்டிருந்த பணிகள் நிறைவடையும்.

தொழில், வியாபாரம் தொடர்பான பணிகள் வேகம் பிடிக்கும். வாடிக்கையாளர் எண்ணிக்கை கூடும். அதிகாரமிக்க பதவிகளைப் பெறுவீர்கள். குடும்பத்திலிருப்பவர்களுக்குத் தேவையான பொருட்களை வாங்குவீர்கள். குழந்தைகளால் பெருமை சேரும். பெண்களுக்குக் காரிய தடைகள் நீங்கும். அரசியல்வாதிகள் வீண் சச்சரவுகளில் மாட்டிக் கொள்ள வேண்டாம். கலைத்துறையினர் சக கலைஞர்களுடன் அனுசரணையாக நடந்துகொள்ளவும். மாணவர்கள் படிக்காமல் விட்ட பாடங்களைப் படிப்பதில் கவனம் செலுத்துவீர்கள். சொன்ன சொல்லை காப்பாற்றப் பாடுபடுவீர்கள்.

அதிர்ஷ்டக் கிழமைகள்: ஞாயிறு, திங்கள், வியாழன்

திசைகள்: வடக்கு, வடமேற்கு

நிறங்கள்: வெள்ளை, வெளிர்பச்சை | எண்கள்: 2, 5

பரிகாரம்: அருகிலிருக்கும் அம்மனைத் தரிசித்து பஞ்ச முக தீபம் ஏற்றி அர்ச்சனை செய்து வழிபடவும்.

சிம்ம ராசி வாசகர்களே

இந்த வாரம் ராசிநாதன் சூரியன் சுகஸ்தானத்திற்கு குருவின் சாரம் பெற்று புதன்- சனியுடன் இணைந்து சஞ்சரிக்கிறார். தைரியம் அதிகரிக்கும். தன்னம்பிக்கை மிளிரும். எடுத்த முயற்சிகள் அனைத்தும் வெற்றி பெறும். சுகஸ்தானத்தில் சஞ்சாரம் செய்யும் சனியின் பார்வை ராசியில் விழுவதால் வாகனங்களில் செல்லும் போதும் ஆயுதங்களைக் கையாளும் போதும் கவனம் தேவை. தொழில் ஸ்தானத்தில் ராசிநாதன் பார்வை விழுவதன் மூலம் நிறைவான லாபம் வரும். தொழில், வியாபாரத்தில் அலைச்சல் இருக்கும். உத்தியோகஸ்தர்கள் மேலதிகாரிகளின் சொல்படி நடப்பது நல்லது.

மேலதிகாரிகள், சக ஊழியர்கள் உங்களுக்கு அனுசரணையாக நடந்து கொள்வார்கள். குடும்பத்தில் இருப்பவர்களின் செயல்கள் நன்மை அளிக்கக்கூடிய வகையில் இருக்கும். சகோதரர் வழியில் பிரச்சினைகள் அகலும். உறவினர்கள், நண்பர்களால் வகையில் அனுகூலம் ஏற்படும். பெண்கள் பயணம் செய்யும் போது கவனம் தேவை. அரசியல்வாதிகளுக்குச் சங்கடங்கள் குறையத் தொடங்கும். கலைத்துறையினருக்குப் புகழும், கவுரவமும் கிடைக்கும். மாணவர்களுக்கு எதிர்காலக் கல்வியை பற்றிய சிந்தனை மேலோங்கும். கூடுதல் நேரம் ஒதுக்கி படிப்பது வெற்றிக்கு உதவும்.

அதிர்ஷ்டக் கிழமைகள்: ஞாயிறு, வியாழன்

திசைகள்: கிழக்கு, தெற்கு

நிறங்கள்: வெள்ளை, மஞ்சள் | எண்கள்: 1, 3, 6

பரிகாரம்: தினமும் மாலை வேளையில் சிவனை வணங்க எடுத்த முயற்சிகளில் வெற்றி உண்டாகும்.

கன்னி ராசி வாசகர்களே

இந்த வாரம் ராசியாதிபதி புதன் தைரிய ராசியில் சூரியன், சனியுடன் இணைந்து செவ்வாய் வீட்டில் சஞ்சரிக்கிறார். நீங்கள் செய்யும் காரியங்கள் வெற்றியை தரும். பணவரத்து வழக்கத்தை விட அதிகரிக்கும். செலவும் அதற்கு ஏற்றார்போல் இருக்கும். மற்றவர்களது உதவி கிடைக்கும். சாதூர்யமாகப் பேசி எதிலும் வெற்றி காண்பீர்கள். அனுபவ அறிவு அதிகரிக்கும். வழக்குகளில் இருந்து வந்த மந்தநிலை மாறும். தொழில் ஸ்தானத்தை குரு பார்க்கிறார். தொழில், வியாபாரம் சிறப்பாக இருக்கும். பேச்சாற்றலால் வாடிக்கையாளர்களைக் கவர்ந்திழுப்பீர்கள்.

உத்தியோகத்தில் இருப்பவர்கள் செயல்திறன் அதிகரிக்கும். பதவி உயர்வு, புதிய பொறுப்புகள் வந்து சேரும். உங்களின் ஆலோசனைகள் மேலிடத்தால் அங்கீகரிக்கப்படும். குடும்பாதிபதி சுக்கிரன் ஆட்சியாக இருக்கிறார். குடும்பத்தில் மகிழ்ச்சியான நிகழ்ச்சி நடக்கும். வீடு, வாகனம் வாங்கும் எண்ணம் அதிகரிக்கும். பெண்களுக்குப் பொறுப்புகள் அதிகரிக்கும். அரசியல்வாதிகள் அனைவரையும் அரவணைத்துச் செல்வீர்கள். கலைத்துறையினருக்கு அனுகூலமான திருப்பங்கள் உண்டாகும். மாணவர்களுக்குக் கல்விக்கான செலவு கூடும். சகமாணவர்களிடம் அனுசரித்துச் செல்வதன் மூலம் சாதகமான பலன் கிடைக்கும்.

அதிர்ஷ்டக் கிழமைகள்: திங்கள், புதன், வியாழன்

திசைகள்: தெற்கு, தென்கிழக்கு, வடகிழக்கு

நிறங்கள்: பச்சை, மஞ்சள் | எண்கள்: 2, 3, 5

பரிகாரம்: துளசியைப் பெருமாளுக்கு அர்ப்பணித்து வணங்க கடன் சுமை குறையும்.

துலாம் ராசி வாசகர்களே

இந்த வாரம் ராசிநாதன் சுக்கிரன் ஆட்சியாக இருக்கிறார். ராசியில் தேவகுருவின் சஞ்சாரம் இருக்கிறது. விருப்பங்கள் அனைத்தும் நிறைவேறும் காலம் இது. எதிர்ப்புகள் அகலும். பணவரத்து திருப்திகரமாக இருக்கும். பயணங்கள் சாதகமான பலன் தரும். வெளியூர்ப் பயணங்கள் ஏற்படலாம். தொழில், வியாபாரத்தில் கடன் பாக்கிகள் வசூலாகும். வியாபாரத்தில் மனநிறைவு காண்பீர்கள். உத்தியோகத்திலிருப்பவர்களுக்கு அலைச்சலுக்குப் பிறகு காரியம் கைகூடும். மரியாதையும், அந்தஸ்தும் அதிகரிக்கும்.

மேலதிகாரிகளின் அழுத்தம் அகலும். குடும்பத்தில் வீண் பிரச்சினை ஏற்பட்டு நீங்கும். வாழ்க்கைத் துணையின் செயல்கள் திருப்தி தரும். பெண்களுக்குச் சேமிக்கும் பழக்கம் அதிகரிக்கும். அரசியல்வாதிகளின் பதவிக்கு நெருங்கிய நண்பர்கள் மூலமாகவே சில இடையூறுகள் ஏற்படலாம். கலைத்துறையினர் நல்ல வாய்ப்புகளைப் பெறுவீர்கள். மாணவர்கள் சக மாணவர்களிடமும் நண்பர்களிடமும் கோபப்படாமல் பேசுவது நன்மை தரும். கல்வியில் வெற்றி பெறக் கூடுதல் நேரம் ஒதுக்கிப் படிப்பது நல்லது.

அதிர்ஷ்டக் கிழமைகள்: திங்கள், வெள்ளி

திசைகள்: மேற்கு, தென்மேற்கு

நிறங்கள்: வெள்ளை | எண்கள்: 2, 5, 6

பரிகாரம்: வெள்ளிக்கிழமையில் சுக்கிர பகவானை தீபம் ஏற்றி வணங்க எதிர்பார்த்த காரியங்கள் நன்றாக நடந்து முடியும். பணவரத்து கூடும்.

விருச்சிக ராசி வாசகர்களே

இந்த வாரம் ராசியில் புதன், சனி இருக்கிறார்கள். ராசிக்குத் தொழில் அதிபதி சூரியன் வருகிறார். ராசிநாதன் செவ்வாய் லாபஸ்தானத்தில் சஞ்சாரம் செய்கிறார். ராசியில் சூரியனின் இருப்பு பலவகையான யோகத்தை தரும். துணிச்சல் அதிகரிக்கும். எடுத்த காரியங்களை வெற்றியுடன் செய்து முடிப்பீர்கள். எங்கும் எல்லோரிடத்திலும் மதிப்பும், மரியாதையும் அதிகரிக்கும். பலரும் உங்களைத் தேடி வருவார்கள். அடுத்தவர்களுக்கு உதவி செய்வதில் உற்சாகம் உண்டாகும். வழக்கு, விவகாரங்கள் கட்டுக்குள் இருக்கும்.

தொழில், வியாபாரம் திருப்திகரமாக நடக்கும். உத்தியோகஸ்தர்களுக்கு வேலையில் முன்னேற்றம் ஏற்படும். மேலதிகாரிகளால் நன்மை கிடைக்கும். குடும்பத்தில் சந்தோஷமும் மன நிம்மதியும் இருக்கும். உறவினர்கள், நண்பர்களின் ஆதரவும் கிடைக்கும். பெண்களுக்கு சந்தோஷமான மன நிலை இருக்கும். அரசியல்வாதிகளின் பெயரும், புகழும் வளரும். கலைத்துறையினர் ரகசியங்களை யாரிடமும் பகிர்ந்துகொள்ள வேண்டாம். மாணவர்கள் போட்டி, பந்தயங்களில் துணிச்சலுடன் ஈடுபட்டு சாதகமான நிலை காண்பீர்கள். ஊக்கத்துடன் படிப்பது நல்லது.

அதிர்ஷ்டக் கிழமைகள்: ஞாயிறு, புதன், வெள்ளி

திசைகள்: வடக்கு, வடகிழக்கு, தென்கிழக்கு

நிறங்கள்: சிவப்பு, அடர் நீலம் | எண்கள்: 2, 9

பரிகாரம்: மாரியம்மனை தீபம் ஏற்றி வழிபட எல்லா பிரச்சினைகளும் தீரும். மனக்கவலை நீங்கும்.

தனுசு ராசி வாசகர்களே

இந்த வாரம் ராசிநாதன் குரு லாபஸ்தானத்தில் சுக்கிரனுடன் இணைந்து சஞ்சரிக்கிறார். ராசியை செவ்வாய் பார்க்கிறார். பணவரத்து அதிகரிக்கும். காரியச் சுணக்கம் நீங்கும். கொடுத்த வாக்கைக் காப்பாற்றப் பாடுபட வேண்டும். யாருக்கும் எந்த வாக்குறுதியையும் அளிக்காமல் இருப்பது நல்லது. தொழில், வியாபாரம் வேகமாக இருக்கும். பழைய பாக்கிகள் வசூலாவது ஆறுதலைத் தரும். தொழிலை விரிவுபடுத்துவீர்கள். உத்தியோகஸ்தர்கள், மேலதிகாரிகள் சக ஊழியர்களை அனுசரித்துச் செல்வது நன்மை தரும்.

மேலிடத்திலிருந்து இனிப்பான செய்தி வரும். கேதுவின் சஞ்சாரத்தால் குடும்பத்திலிருப்பவர்களுடன் வாக்குவாதத்தில் ஈடுபடாமல் இருப்பது நல்லது. உறவினர்கள், நண்பர்கள் அனுசரணையுடன் இருப்பார்கள். பெண்களுக்கு எதிலும் காலதாமதம் உண்டாகும். அரசியல்வாதிகள் கட்சி மேலிடத்தால் பாராட்டப்படுவீர்கள். கலைத்துறையினருக்குப் புதிய வாய்ப்புகள் குறைவாகவே இருந்தாலும் பணவரவு சீராகவே தொடரும். மாணவர்கள் பாடங்களைப் படிப்பதில் மெத்தனம் காட்டாமல் இருப்பது நல்லது.

அதிர்ஷ்டக் கிழமைகள்: திங்கள், வியாழன், வெள்ளி

திசைகள்: கிழக்கு, தென்மேற்கு

நிறங்கள்: வெள்ளை, மஞ்சள் | எண்கள்: 1, 3, 6

பரிகாரம்: சித்தர்களை வியாழக்கிழமையில் வணங்கினால் மன அமைதி உண்டாகும்.

மகர ராசி வாசகர்களே

இந்த வாரம் ராசிநாதன் சனியுடன் சூரியன், புதன் இணைந்து சஞ்சாரம் செய்கிறார்கள். ராசிநாதன் சனியின் சஞ்சாரம் ஆக்கபூர்வமான யோசனைகளைத் தரும். மனதில் இருந்த குழப்பங்கள் நீங்கி தெளிவான முடிவுகளை எடுப்பீர்கள். சாமர்த்தியமாகச் செயல்பட்டு வெற்றி காண்பீர்கள். புதிய விஷயங்களில் ஆர்வம் உண்டாகும். பணவரத்து அதிகரிக்கும். தொழில், வியாபாரம் சிறப்பாக நடக்கும். வியாபாரப் பயணங்கள் செல்வதன் மூலம் கூடுதல் லாபம் கிடைக்கும். உத்தியோகத்தில் இருப்பவர்களின் செயல்திறன் வெளிப்படும்.

மேலதிகாரிகளின் பாராட்டும் கிடைக்கப் பெறுவீர்கள். வர வேண்டிய பணம் வந்து சேரும். சக ஊழியர்கள் ஆதரவாக இருப்பார்கள். குடும்பத்தில் சந்தோஷம் உண்டாகும். குடும்பத்தில் இருப்பவர்களால் அதிகப்படி வருமானம் இருக்கும். பெற்றோர் உடல்நிலையில் கவனம் தேவை. பெண்களுக்கு புதிய விஷயங்களை அறியும் ஆர்வம் உண்டாகும். அரசியல்வாதிகளின் பணியாற்றும் திறன் அதிகரிக்கும். கலைத்துறையினர் எதிர்பார்த்த வாய்ப்புகளைப் பெறுவீர்கள். மாணவர்களுக்குக் கல்வியில் முன்னேற்றம் இருக்கும். அறிவியல், கணிதப் பாடங்களில் கூடுதல் கவனத்துடன் படிப்பது நல்ல மதிப்பெண் பெற உதவும்.

அதிர்ஷ்டக் கிழமைகள்: திங்கள், வெள்ளி

திசைகள்: தெற்கு, தென்மேற்கு

நிறங்கள்: வெளிர் நீலம், பச்சை | எண்கள்: 2, 5, 6

பரிகாரம்: வினாயகருக்கு சனிக்கிழமை அன்று தீபம் ஏற்றி வழிபட எதிர்ப்புகள் விலகும். குடும்பத்தில் அமைதி நிலவும்.

கும்ப ராசி வாசகர்களே

இந்த வாரம் ராசியை குரு பார்க்கிறார். சுபநிகழ்ச்சிகளில் இருந்து வந்த தொய்வு நீங்கும். புதிய வீடு, வாகனம் சேர்க்கை உண்டாகும். பணவரவு அதிகரிக்கும். உற்சாகம் அதிகரிக்கும். தொழில் ஸ்தானத்தில் ராசிநாதன் சனி சூரியன், புதனுடன் இணைந்து சஞ்சரிக்கிறார். தொழில், வியாபாரத்தில் ஈடுபட்டிருப்பவர்கள் விழிப்புடன் இருக்கவும். பொருட்களை வாடிக்கையாளர்களுக்கு அனுப்பும் போது கவனம் தேவை. உத்தியோகத்திலிருப்பவர்கள் அலைச்சலையும், வேலை பளுவையும் சந்திக்க நேரிடும். சிலருக்கு இட மாற்றம் உண்டாகலாம்.

மேலிடத்தில் கொடுக்கப்பட்ட வேலைகள் தொடர்பாக பாராட்டுகள் கிடைக்கும். குடும்பத்திலிருந்து வந்த கருத்து வேற்றுமை நீங்கும். வீண் வாக்குவாதங்கள் அகலும். சகோதரர்களுடன் கருத்து வேற்றுமை நீங்கும். பெண்களுக்குச் செலவு அதிகரிக்கும். அரசியல்வாதிகளைத் தேடிப் புதிய பதவிகள் வரும். கலைத்துறையினர் புதிய ஒப்பந்தங்களைப் பெறுவதற்குத் தீவிர முயற்சிகளை மேற்கொள்ள வேண்டியிருக்கும். மாணவர்கள் கல்வி பற்றிய கவலையைத் தவிர்த்து கூடுதல் கவனத்துடன் படிப்பது நல்லது.

அதிர்ஷ்டக் கிழமைகள்: ஞாயிறு, செவ்வாய், வியாழன்

திசைகள்: மேற்கு, தென்மேற்கு,  வடகிழக்கு

நிறங்கள்: நீலம், பச்சை | எண்கள்: 2, 6

பரிகாரம்: சனிக்கிழமையன்று எள் சாதம் சனி பகவானுக்கு நைவேத்தியம் செய்து காகத்திற்கு வைக்க கஷ்டங்கள் குறை யும்.

மீன ராசி வாசகர்களே

இந்த வாரம் செலவுகள் குறையும். பணவரத்து அதிகரிக்கும். எதையும் எதிர்த்து நிற்பதை தவிர்த்து அனுசரித்துச் செல்வது முன்னேற்றத்துக்கு உதவும். அடுத்தவர்களின் நலனுக்காக உழைக்க வேண்டி இருக்கும். சொத்துக்களை வாங்கும்போதும் விற்கும்போதும் கவனமாக இருக்கவும். இடமாற்றம் உண்டாகலாம். ஆடை, ஆபரணம் சேரும். தொழில், வியாபாரம் நிதானமாக நடந்தாலும் எதிர்பார்த்த லாபம் கிடைக்கும். தொழிலை விரிவுபடுத்துவதற்கான வேகம் கூடும். சரக்குகளை வாங்கும்போது கவனித்து வாங்குவதும் பாதுகாப்பாக வைப்பதும் நல்லது.

பதவி உயர்வு கிடைக்கலாம். குடும்பத்தினருடன் கோபப்படாமல் நிதானமாகப் பேசி அனுசரித்துச் செல்லவும். சகோதரர் வகையில் உதவி கிடைப்பதில் தாமதம் உண்டாகலாம். விருந்துகளில் கலந்து கொள்வீர்கள். வீடு, மனை சம்பந்தமான காரியங்களில் முன்னேற்றம் ஏற்படும். பெண்களுக்கு நிதானமாக பேசி மற்றவர்களிடம் அனுசரித்து செல்வது காரிய வெற்றிக்கு உதவும். அரசியல்வாதிகள் மேலிடத்தில் கணிசமான ஆதரவைப் பெறுவீர்கள். கலைத்துறையினருக்கு அனைத்து வேலைகளும் சுமுகமாக முடியும். மாணவர்களுக்குக் கல்விக்கு தேவையான உபகரணங்கள், புத்தகங்கள் வாங்குவீர்கள். கூடுதலாக நேரம் ஒதுக்கி பாடங்களை படிக்க வேண்டி இருக்கும்.

அதிர்ஷ்டக் கிழமைகள்: செவ்வாய், வியாழன், வெள்ளி

திசைகள்: வடக்கு, வடமேற்கு

நிறங்கள்: வெள்ளை, மஞ்சள் | எண்கள்: 1, 3

பரிகாரம்: குல தெய்வத்தை தீபம் ஏற்றி வணங்கி வருவது மனக்குழப்பத்தைப் போக்கும்.

Leave a Reply