மேஷ ராசி வாசகர்களே
உங்கள் ராசிக்கு 11-ல் கேதுவும் 12-ல் சுக்கிரனும் உலவுவது நல்லது. சூரியன் ஜன்ம ராசியில் இருந்தாலும் 5-ம் வீட்டில் உள்ளவன் என்பதால் ஓரளவு நலம் உண்டாகும். குரு 6-லும், சனி 8-லும் இருப்பதால் வீண் செலவுகளும் இழப்புக்களும் ஏற்படும். அதிகம் பாடுபட வேண்டிவரும். உடல் சோர்வு ஏற்படும். கெட்டவர்களின் தொடர்புக்கு இடம் தரலாகாது. யாருக்கும் ஜாமீன் கொடுக்க வேண்டாம். பெரியவர்களின் அதிருப்திக்கு ஆளாகாமல் இருப்பது நல்லது. கொடுக்கல் வாங்கலில் கவனம் தேவை. அரசியல், நிர்வாகம் போன்ற துறைகளைச் சேர்ந்தவர்களுக்கு அனுகூலமான போக்கு நிலவிவரும். கலைத் துறையினருக்கு வரவேற்பு கூடும். வாழ்க்கை வசதிகளைப் பெருக்கிக் கொள்ள வாய்ப்புக் கூடிவரும். வாழ்க்கைத் துணைவரால் நலம் உண்டாகும். எதிர்ப்புகள் இருந்தாலும் சமாளித்துவிடுவீர்கள்.
அதிர்ஷ்டமான தேதிகள்: ஏப்ரல் 29. 30, மே 1 (பிற்பகல்).
திசைகள்: வடமேற்கு, தென்கிழக்கு, கிழக்கு.
நிறங்கள்: சிவப்பு, வெண்மை, இளநீலம். l எண்கள்: 1, 3, 6, 7.
பரிகாரம்: சுப்பிரமணியரை வழிபடுவது நல்லது.
ரிஷப ராசி வாசகர்களே
உங்கள் ராசிக்கு 5-ல் குருவும் 10-ல் கேதுவும் 11-ல் புதன், சுக்கிரன் ஆகியோரும் உலவுவது நல்லது. வார முன்பகுதியில் செலவுகள் சற்று அதிகரிக்கும். இடமாற்றமும் நிலைமாற்றமும் ஏற்படும். உஷ்ணம் சம்பந்தமான உபாதைகள் ஏற்படும். உடலில் காயம்பட நேரலாம்; எச்சரிக்கை தேவை. அரசு விவகாரங்களில் விழிப்புடன் ஈடுபடுங்கள். தந்தை நலம் கவனிக்கப்பட வேண்டிவரும். வாரப் பின்பகுதியில் பண வரவு அதிகரிக்கும். பல வழிகளில் ஆதாயம் வந்து சேரும். குடும்பத்தில் நல்ல காரியங்கள் நிகழும். பேச்சாற்றல் வெளிப்படும். கலைத் துறையினருக்கு வரவேற்பு அதிகமாகும். வியாபாரிகளுக்கு லாபம் கூடும். ஜலப் பொருட்களாலும் தகவல் தொடர்பு வகையிலும் ஆதாயம் கிடைக்கும். மக்கள் நலம் மகிழ்ச்சி தரும். வாழ்க்கைத் துணைவரால் அனுகூலம் உண்டாகும். ஊக வணிகம், கொடுக்கல் வாங்கல் லாபம் தரும்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: வடகிழக்கு, தென்கிழக்கு, வடக்கு, வடமேற்கு.
நிறங்கள்: மெரூன், வெண்மை, பொன் நிறம்.
எண்கள்: 3, 5, 6, 7. l பரிகாரம்: துர்க்கையை வழிபடுங்கள்.
மிதுன ராசி வாசகர்களே
உங்கள் ராசிக்கு 3-ல் ராகுவும் 6-ல் சனியும், 10-ல் புதனும் 11-ல் சூரியனும் உலவுவது சிறப்பாகும். முக்கியமான எண்ணங்கள் இப்போது நிறைவேறும். தந்தையால் அனுகூலம் ஏற்படும். தகவல் தொடர்பு இனங்களால் ஆதாயம் கிடைக்கும். செய்து வரும் தொழில் விருத்தி அடையும். புது முயற்சிகள் கைகூடும். உடன்பிறந்தவர்கள் ஓரளவு உதவுவார்கள். நீங்களும் அவர்களுக்கு ஆதரவாக இருப்பீர்கள். வியாபாரம், கணிதம், எழுத்து, தரகுத் துறைகள் ஆக்கம் தரும். வெளியூர், வெளிநாட்டுத் தொடர்புகள் பயன்படும். தோல் பொருட்கள் லாபம் தரும். அரசியல்வாதிகள் தங்கள் கொள்கைகளுக்கு வரவேற்பு கூடப் பெறுவார்கள். புதிய பதவி, பட்டங்கள் கிடைக்கும். திறமை வீண்போகாது. முக்கியஸ்தர்களும், மேலதிகாரிகளும் உதவி புரிவார்கள். பொருளாதார நிலை திருப்தி தரும்.
அதிர்ஷ்டமான தேதிகள்: ஏப்ரல் 30, மே 1 (பிற்பகல்).
திசைகள்: கிழக்கு, வடக்கு, தென்மேற்கு.
நிறங்கள்: ஆரஞ்சு, சிவப்பு, பச்சை.
எண்கள்: 1, 4, 5, 8. l பரிகாரம்: திருமுருகனை வழிபடுவது நல்லது.
கடக ராசி வாசகர்களே
உங்கள் ராசிக்கு 9-ல் சுக்கிரனும் 10-ல் சூரியனும் 11-ல் செவ்வாயும் உலவுவது சிறப்பாகும். முக்கியமான காரியங்கள் இப்போது நிறைவேறும். புதிய பதவி, பட்டங்கள் கிடைக்கும். வேலையில்லாதவர்களுக்கு நல்லதொரு வாய்ப்பு வார முன்பகுதியில் கூடிவரும். பெரியவர்கள் ஆசிர்வாதம் கிடைக்கும். மேலதிகாரிகள் பாராட்டுவார்கள். இயந்திரப் பணியாளர்களுக்கு வருவாய் கூடும். நிலபுலங்கள் லாபம் தரும். உடன்பிறந்தவர்களாலும், தந்தையாலும் அனுகூலம் உண்டாகும். கணவன், மனைவி உறவு நிலை சீராக இருந்துவரும். அரசாங்கத்தாரால் எதிர்பார்த்திருந்த காரியம் நிறைவேறும். செந்நிறப் பொருட்கள், கட்டடப் பொருட்கள், மின்சாதனங்கள், எரி பொருட்கள் லாபம் தரும். கலைத் துறையினருக்கு நல்ல வாய்ப்புகள் கூடிவரும். மாதர்களது நிலை உயரும். 3-ல் குருவும், 5-ல் சனியும் இருப்பதால் மக்கள் நலம் கவனிக்கப்பட வேண்டிவரும்.
அதிர்ஷ்ட தேதி: ஏப்ரல் 29.
திசைகள்: கிழக்கு, தெற்கு, தென்கிழக்கு.
நிறங்கள்: வெண்மை, சிவப்பு, ஆரஞ்சு. l எண்கள்: 1, 6, 9.
பரிகாரம்: விநாயகரையும் துர்க்கையையும் வழிபடுங்கள். ஹனுமன் சாலீஸா படியுங்கள்.
சிம்ம ராசி வாசகர்களே
உங்கள் ராசிக்கு 2-ல் குருவும் 8-ல் புதனும் சுக்கிரனும் 9-ல் சூரியனும் 10-ல் செவ்வாயும் உலவுவது சிறப்பாகும். புனிதமான காரியங்களில் ஈடுபாடு உண்டாகும். தெய்வப் பிரார்த்தனைகள் நிறைவேறும். முக்கியஸ்தர்கள் உதவுவார்கள். பேச்சில் இனிமையும் திறமையும் உண்டாகும். குடும்ப நலம் திருப்தி தரும். பண நடமாட்டம் அதிகமாகும். தொலைதூரத் தொடர்பு பயன்படும். செய்தொழிலில் வளர்ச்சி காண வழி பிறக்கும். கலைஞர்கள் வளர்ச்சி காண்பார்கள். அரசியல் ஈடுபாடு ஆக்கம் தரும். அரசுப் பணியாளர்களது நிலை உயரும். இயந்திரங்கள், எரிபொருட்கள், மின்சாதனங்கள், தளவாடங்கள், வெடிபொருட்கள் மூலம் ஆதாயம் கிடைக்கும். எதிர்பாராத பொருட்சேர்க்கை நிகழும். நிலபுலங்கள் சம்பந்தமான காரியங்கள் நிறைவேறும். தந்தையாலும், உடன்பிறந்தவர்களாலும் அதிக நலம் ஏற்படும்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: தெற்கு, வடகிழக்கு, கிழக்கு, தென்கிழக்கு.
நிறங்கள்: சிவப்பு, பொன் நிறம், ஆரஞ்சு. l எண்கள்: 1, 3, 6, 9
பரிகாரம்: சனிப் பிரீதி செய்துகொள்ளவும்.
கன்னி ராசி வாசகர்களே
உங்கள் ராசிக்கு 3-ல் சனியும் 6-ல் கேதுவும் உலவுவது நல்லது. துணிச்சலான காரியங்களில் ஈடுபாடு உண்டாகும். எதிரிகள் கட்டுக்குள் அடங்கி இருப்பார்கள். உழைப்புக்கும் திறமைக்கும் உரிய பயன் கிடைத்துவரும். ஆன்மிகப் பணிகளில் ஈடுபாடு கூடும். மக்கள் நலம் சீராக இருந்துவரும். கணவன், மனைவி இடையே சச்சரவுகள் ஏற்பட்டு விலகும். சூரியன் 8-ல் உலவுவதால் உடல் நலம் பாதிக்கும். உஷ்ணம் சம்பந்தமான உபாதைகள் ஏற்படும். கண் எரிச்சல், தலைவலி உண்டாகும். தந்தை நலனில் கவனம் தேவை. வீண் செலவுகளைத் தவிர்ப்பது நல்லது. அரசு அபராதம் கட்ட வேண்டிவரலாம். வாரப் பின்பகுதியில் தொலைதூரத் தொடர்பு பயன்படும். செய்தொழிலில் வளர்ச்சி காணலாம். ஜலப் பொருட்கள் லாபம் தரும். சுப காரியங்களுக்காகச் செலவு செய்ய வேண்டிவரும். நல்லவர்களின் தொடர்பை வலுப்படுத்திக் கொண்டால் நலம் கூடப் பெறலாம்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: மேற்கு, வடமேற்கு.
நிறங்கள்: கருநீலம், மெரூன். l எண்கள்: 7, 8.
பரிகாரம்: சூரியனையும் துர்க்கையையும் வழிபடுவது நல்லது.
துலாம் ராசி வாசகர்களே
உங்கள் ராசிக்கு 6-ல் புதனும் 11-ல் ராகுவும் உலவுவது நல்லது. வியாபார முன்னேற்றத் திட்டங்கள் நிறைவேற வழி பிறக்கும். நண்பர்களும் உறவினர்களும் ஓரளவு உதவுவார்கள். கணிதம், எழுத்து, பத்திரிகை, தரகுத் துறையினர் வளர்ச்சி காண்பார்கள். அயல்நாட்டுத் தொடர்பு பயன்படும். புதியவர்களின் நட்பும் அதனால் அனுகூலமும் உண்டாகும். 8-ல் செவ்வாய் இருப்பதால் சிறு விபத்துக்கு ஆளாக நேரலாம்; எச்சரிக்கை தேவை. உடன்பிறந்தவர்களுக்கும் உங்களுக்கும் இடையே கருத்து வேறுபாடுகள் உண்டாகும். பக்குவமாகச் சமாளிப்பது நல்லது. 7-ல் சூரியனும் 6-ல் சுக்கிரனும் இருப்பதால் கணவன் மனைவி இடையே ஒற்றுமை குறையும். சண்டை, சச்சரவுகள் அதிகரிக்கும். விட்டுக் கொடுத்துப் பழகுவது அவசியமாகும். கூட்டுத் தொழிலில் கவனம் தேவை.
அதிர்ஷ்டமான தேதிகள்: ஏப்ரல் 30, மே 1 (பிற்பகல்).
திசைகள்: தென்மேற்கு, வடக்கு.
நிறங்கள்: சாம்பல்நிறம், பச்சை. l எண்கள்: 4, 5.
பரிகாரம்: சுப்பிரமணியரை வழிபடுங்கள்.
விருச்சிக ராசி வாசகர்களே
உங்கள் ராசிக்கு 5-ல் சுக்கிரனும் 6-ல் சூரியனும் 10-ல் ராகுவும் 11-ல் குருவும் உலவுவது சிறப்பாகும். எதிர்ப்புகளைக் கடந்து வாழ்வில் முன்னேற்றம் காண்பீர்கள். பண வரவு அதிகரிக்கும். பிரச்சினைகள் எளிதில் தீரும். மதிப்பு உயரும். முக்கியஸ்தர்களும் மேலதிகாரிகளும் உதவுவார்கள். வெளிநாட்டுத் தொடர்பு பயன்படும். திடீர் அதிர்ஷ்ட வாய்ப்புகள் கூடிவரும். கலைத் துறையினருக்கு வரவேற்பு கூடும். பயணத்தால் அனுகூலம் உண்டாகும். கணவன், மனைவி உறவு நிலை திருப்தி தரும். தெய்வப் பணிகள் நிறைவேறும். மகப்பேறு பாக்கியம் கிடைக்கும். மக்கள் நலம் மகிழ்ச்சி தரும். ஜன்ம ராசியில் சனியும் 4-ல் கேதுவும் உலவுவதால் உடல் நலனில் கவனம் தேவை. நிலபுலங்கள் சம்பந்தமான காரியங்களில் விழிப்புடன் ஈடுபடுவது நல்லது.
அதிர்ஷ்டமான தேதிகள்: ஏப்ரல் 29, மே 2.
திசைகள்: தென்மேற்கு, வடகிழக்கு, தென்கிழக்கு, கிழக்கு.
நிறங்கள்: வெண்சாம்பல்நிறம், பொன் நிறம், சிவப்பு, வெண்மை.
எண்கள்: 1, 3, 4, 6. l பரிகாரம்: விநாயகரையும் ஆஞ்சநேயரையும் வழிபடவும்.
தனுசு ராசி வாசகர்களே
உங்கள் ராசிக்கு 3-ல் கேதுவும், 4-ல் புதனும் சுக்கிரனும் 5-ல் சூரியனும் 6-ல் செவ்வாயும், உலவுவது நல்லது. மனத்தில் துணிவும் தன்னம்பிக்கையும் கூடும். எடுத்த காரியங்களில் வெற்றி கிடைக்கும். மக்களால் அனுகூலம் உண்டாகும். தந்தை நலம் சீராகும். வழக்குகளிலும் போட்டி பந்தயங்களிலும் வெற்றி கிடைக்கும். இயந்திரப்பணிகள் லாபம் தரும். பொறியாளர்களது நிலை உயரும். அரசியல்வாதிகளுக்கு நற்பெயர் கிடைக்கும். நிர்வாகத் துறைகளைச் சேர்ந்தவர்களுக்கு முன்னேற்றமான பாதை தெரியவரும். எலக்ட்ரிக்கல், எலக்ட்ரானிக்ஸ் துறையில் லாபம் உண்டு. வியாபாரத்தில் வளர்ச்சி காணலாம். கேளிக்கை, உல்லாசங்களில் ஈடுபாடு கூடும். ஆன்மிகத்தில் ஈடுபாடு கூடும். எதிர்பாராத செலவுகளும் இழப்புக்களும் ஏற்படும்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: வடமேற்கு, தென்கிழக்கு, வடக்கு, தெற்கு.
நிறங்கள்: மெரூன், இளநீலம், வெண்மை, சிவப்பு.
எண்கள்: 1, 5, 6, 7, 9. l பரிகாரம்: ஆஞ்சநேயரை வழிபடுவது நல்லது.
மகர ராசி வாசகர்களே
உங்கள் ராசிக்கு 3-ல் சுக்கிரனும் 9-ல் குருவும் 11-ல் சனியும் உலவுவது நல்லது. அலைச்சல் கூடினாலும் அதற்கான பயன் கிடைத்துவரும். மக்களால் பெற்றோருக்கும் பெற்றோரால் மக்களுக்கும் நலம் உண்டாகும். தொலைதூரத் தொடர்பு பயன்படும். பொருளாதார நிலை உயரும். திடீர் அதிர்ஷ்ட வாய்ப்புகள் கூடிவரும். போட்டிகளில் வெற்றி கிடைக்கும். உடன்பிறந்தவர்கள் உதவுவார்கள். பொது நலப்பணிகளில் ஈடுபாடு கூடும். எதிரிகள் அடங்குவார்கள். கணவன் மனைவி உறவு நிலை திருப்தி தரும். கூட்டுத் தொழிலில் வளர்ச்சி காணலாம். 2-ல் கேதுவும் 8-ல் ராகுவும் உலவுவதால் பேச்சிலும் செயலிலும் நிதானம் தேவை. புதன் 3-ல் இருப்பதால் வியாபாரிகள் அகலக்கால் வைக்கலாகாது. மாணவர்கள் படிப்பில் அதிக கவனம் செலுத்துவது அவசியம்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: தென்கிழக்கு, மேற்கு, வடகிழக்கு.
நிறங்கள்: நீலம், வெண்மை, பொன் நிறம்.
எண்கள்: 3, 6, 8. l பரிகாரம்: நாகேஸ்வரரையும் திருமாலையும் வழிபடுங்கள்.
கும்ப ராசி வாசகர்களே
உங்கள் ராசிக்கு 2-ல் புதனும் சுக்கிரனும் 3-ல் சூரியனும் 10-ல் சனியும் உலவுவது நல்லது. முக்கியமான தகவல் வந்து சேரும். உடன்பிறந்தவர்கள் உதவுவார்கள். நிலபுலங்களால் பயன் கிடைத்துவரும். குடும்ப நலம் திருப்தி தரும். கேளிக்கை, உல்லாசங்களிலும் விருந்துகளிலும் ஈடுபாடு கூடும். பேச்சில் திறமை வெளிப்படும். பண நடமாட்டம் அதிகரிக்கும். திடீர் அதிர்ஷ்ட வாய்ப்புகள் கூடிவரும். செய்தொழிலில் சீரான வளர்ச்சி காணலாம். அரசியல் ஈடுபாடு ஆக்கம் தரும். நிர்வாகத் திறமை வெளிப்படும். வியாபாரம், கணிதம், எழுத்து, பத்திரிகை, தரகுத் துறையினர் வளர்ச்சி காண்பார்கள். ஜன்ம ராசியில் கேதுவும், 7-ல் ராகுவும், 8-ல் குருவும் இருப்பதால் மக்களால் சிறுசிறு பிரச்சினைகள் ஏற்படும். முன்பின் தெரியாதவர்களிடம் எச்சரிக்கை தேவை.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: தென்கிழக்கு, வடக்கு, மேற்கு, கிழக்கு.
நிறங்கள்: நீலம், வெண்மை, ஆரஞ்சு, பச்சை. l எண்கள்: 1, 5, 6, 8.
பரிகாரம்: நாகரை வழிபடுங்கள். குரு ஸ்தானத்தில் உள்ளவர்களை வணங்கி அவர்களது நல்லாசிகளைப் பெறவேண்டும்.
மீன ராசி வாசகர்களே
ஜன்ம ராசியில் சுக்கிரனும், 3-ல் செவ்வாயும், 6-ல் ராகுவும் 7-ல் குருவும் உலவுவது சிறப்பாகும். மனத்தில் துணிவும் தன்னம்பிக்கையும் கூடும். எடுத்த காரியத்தில் வெற்றி கிடைக்கும். எதிர்ப்புக்கள் அடங்கும். போட்டிகளில் விளையாட்டுகளில் வெற்றி கிடைக்கும். அயல்நாட்டுத் தொடர்பு பயன்படும். திருமணம் போன்ற சுப காரியங்கள் நிகழும். உடல் நலம் சீராக இருந்துவரும். மதிப்பும் அந்தஸ்தும் உயரும். நல்லவர்கள் உங்களுக்கு ஆதரவாக இருப்பார்கள். புதியவர்களின் நட்பு கிடைக்கும். பயணத்தால் அனுகூலம் உண்டாகும். பொருளாதார நிலை உயரும். அரசு மூலம் கேட்டிருந்த கடன் கிடைக்கும். தெய்வப் பணிகள் நிறைவேறும். நண்பர்களும் உறவினர்களும் அளவோடு உதவுவார்கள். வாரப் பின்பகுதியில் அதிர்ஷ்ட வாய்ப்புகள் அதிகரிக்கும். முக்கியமான எண்ணங்கள் நிறைவேறும். மகப்பேறு பாக்கியம் கிடைக்கும்.
அதிர்ஷ்டமான தேதிகள்: ஏப்ரல் 29, 30, மே 1 (பிற்பகல்).
திசைகள்: தென்மேற்கு, தென்கிழக்கு, தெற்கு.
நிறங்கள்: புகைநிறம், இளநீலம், வெண்மை, சிவப்பு.
எண்கள்: 3, 4, 6, 9. l பரிகாரம்: மகாவிஷ்ணுவை வழிபடுங்கள்.
